ಸಿಎಂ ವಿಚಾರಣೆಗೆ ಒಪ್ಪಿಗೆ ಕೋರಿ ರಾಜ್ಯಪಾಲರಿಗೆ ಮನವಿ

ಬೆಂಗಳೂರು : ಐಎಂಎಯಿಂದ 20 ಕೋಟಿ ರೂ. ಪಡೆದಿದ್ದಾರೆ ಎಂಬ ಆಪಾದನೆ ಹಿನ್ನಲೆಯಲ್ಲಿ ಸಿಎಂ ಕುಮಾರಸ್ವಾಮಿ ಅವರನ್ನು ಎಸ್‌ಐಟಿ ವಿಚಾರಣೆಗೆ ಒಳಪಡಿಸಲು ಒಪ್ಪಿಗೆ ಕೋರಿ ಹೈಕೋರ್ಟ್‌ ವಕೀಲರಿಬ್ಬರು ರಾಜ್ಯಪಾಲರಿಗೆ ಮನವಿ ಮಾಡಿದ್ದಾರೆ.

ಶುಕ್ರವಾರ ರಾಜಭವನಕ್ಕೆ ತೆರಳಿದ ವಕೀಲರಾದ ಟಿ.ಸಿ.ನಾಯ್ಕ ಹಾಗೂ ಎ.ವಿ.ಹಿರೇಮಠ್‌ ಅವರು ಮನವಿ ಸಲ್ಲಿಸಿದ್ದಾರೆ. ರಾಜ್ಯಪಾಲರ ಭೇಟಿಗೆ ಅವಕಾಶ ಸಿಗದ ಕಾರಣ ರಾಜಭವನದ ಅಧಿಕಾರಿಗಳಿಗೆ ಮನವಿ ಸಲ್ಲಿಸಿ ವಕೀಲರು ವಾಪಸಾದರು.

ಎಸ್‌ಐಟಿ ವಿಚಾರಣೆ ವೇಳೆ ಶಾಸಕ ರೋಷನ್‌ ಬೇಗ್‌ ಅವರು ತನಿಖಾಧಿಕಾರಿಗಳ ಮುಂದೆ ಸಿಎಂ 20 ಕೋಟಿ ರೂ. ಹಣವನ್ನು ಐಎಂಎಯಿಂದ ಪಡೆದಿದ್ದಾರೆ ಹೇಳಿಕೆ ನೀಡಿದ್ದರು.