ಅನಂತಕುಮಾರ ಹೆಗಡೆ ನಾಲಿಗೆ ಕಡಿದವರಿಗೆ 1 ಕೋಟಿ ಇನಾಮು

ಕಲಬುರಗಿ: ಕೇಂದ್ರ ಸಚಿವ ಅನಂತಕುಮಾರ ಹೆಗಡೆ ನಾಲಿಗೆ ಕಡಿದು ತಂದವರಿಗೆ ಒಂದು ಕೋಟಿ ರೂಪಾಯಿ ಬಹುಮಾನ ನೀಡಲಾಗುವುದು ಎಂದು ಘೋಷಿಸುವ ಮೂಲಕ ಕಲಬುರಗಿಯಲ್ಲಿ ಜಿ ಪಂ ಮಾಜಿ ಸದಸ್ಯ ಗುರುಶಾಂತ್ ಪಟ್ಟೇದಾರ್ ವಿವಾದ ಸೃಷ್ಟಿಸಿದ್ದಾರೆ. ಜನವರಿ 26ರೊಳಗೆ ನಾಲಿಗೆ ಕಡಿದು ತಂದು ಕೊಡಬೇಕು ಎಂಬ ಗಡುವು ವಿಧಿಸಿದ್ದಾರೆ.

ಜಾತ್ಯತೀತರ ಅಪ್ಪ ಅಮ್ಮ ಯಾರೆಂಬುವುದೆ ಗೊತ್ತಿಲ್ಲ ಎಂದು ಹೇಳಿಕೆ ನೀಡಿದ್ದ ಹೆಗಡೆಗೆ ತಿರುಗೇಟು ನೀಡುತ್ತ ಸಂವಿಧಾನ ಮತ್ತು ಜಾತ್ಯತೀತರ ಬಗ್ಗೆ ಹೆಗಡೆ ಅವಹೇಳನಕಾರಿ ಹೇಳಿಕೆಗೆ ಖಂಡನೀಯ ಎಂದಿದ್ದಾರೆ. ಗುರುಶಾಂತ್‌ ಹೇಳಿಕೆಗೆ ವ್ಯಾಪಕ ಆಕ್ರೋಶ ವ್ಯಕ್ತವಾಗಿದೆ.