ಬಸ್‌, ಕಟ್ಟಡ ಮಾಲೀಕರಿಂದ 16.55 ಕೋಟಿ ಜಿಎಸ್‌ಟಿ ವಂಚನೆ

ಬೆಂಗಳೂರು: ಬಸ್‌ ಆಪರೇಟರ್‌ಗಳು ಹಾಗೂ ವಾಣಿಜ್ಯ ಕಟ್ಟಡಗಳ ಮಾಲೀಕರು ಜಿಎಸ್‌ಟಿ ಕಟ್ಟದೆ 16.55 ಕೋಟಿ ರೂ. ವಂಚಿಸಿರುವುದನ್ನು ರಾಜ್ಯ ವಾಣಿಜ್ಯ ತೆರಿಗೆ ಇಲಾಖೆ ಅಧಿಕಾರಿಗಳು ಪತ್ತೆ ಮಾಡಿದ್ದಾರೆ.

ಹವಾ ನಿಯಂತ್ರಿತ ಬಸ್‌ ಟಿಕೆಟ್‌ಗಳ ಮೇಲೆ ಬಸ್‌ ಪ್ರಯಾಣಕ್ಕೆ ಶೇ.5ರಷ್ಟು ಜಿಎಸ್‌ಟಿ ಪಾವತಿಸಬೇಕು. ಆದರೆ, ರಾಜ್ಯದ ಹಲವು ಆಪರೇಟರ್‌ಗಳು ಜಿಎಸ್‌ಟಿ ಪಾವತಿಸದೆ ವಂಚಿಸುತ್ತಿದ್ದಾರೆ. ಈ ಸಂಬಂಧ ಖಚಿತ ಮಾಹಿತಿ ಆಧರಿಸಿ 26 ಆರಪೇಟರ್‌ಗಳ ಕಚೇರಿಗಳಲ್ಲಿ ತಪಾಸಣೆ ನಡೆಸಲಾಗಿದೆ.

ದಾಖಲೆ ತೆರಿಗೆ ಸಂಗ್ರಹ: ಜಿಎಸ್‌ಟಿ ವ್ಯವಸ್ಥೆಯ ಹೊಸ ಮೈಲುಗಲ್ಲು

ಈ ವೇಳೆ 174.40 ಕೋಟಿ ರೂ. ಬಚ್ಚಿಟ್ಟ ಆಸ್ತಿಗೆ ಸಂಬಂಧಿಸಿದಂತೆ 8.72 ಕೋಟಿ ರೂ. ಜಿಎಸ್‌ಟಿ ವಂಚನೆ ಪತ್ತೆ ಹಚ್ಚಲಾಗಿದೆ. ವಾಣಿಜ್ಯ ಕಟ್ಟಡಗಳ ಬಾಡಿಗೆಯಿಂದ ಸಂಗ್ರಹವಾಗುವ ಆದಾಯಕ್ಕೆ ಜಿಎಸ್‌ಟಿ ಪಾವತಿಸದೆ 7.85 ಕೋಟಿ ರೂ. ವಂಚಿಸಿಧಿರುವುದನ್ನು ಅಧಿಕಾರಿಗಳು ಪತ್ತೆ ಮಾಡಿದ್ದಾರೆ.