ರಾಜ್ಯಾದ್ಯಂತ 2.57 ಲಕ್ಷ ಲೀಟರ್‌ ಮದ್ಯ ವಶ

ಬೆಂಗಳೂರು :ಚುನಾವಣೆ ನೀತಿ ಸಂಹಿತೆ ಜಾರಿಯಾದಾಗಿನಿಂದ ಇಲ್ಲಿಯವರೆಗೆ ರಾಜ್ಯಾದ್ಯಂತ 14.32 ಕೋಟಿ ರೂ. ಮೌಲ್ಯದ 2.57 ಲಕ್ಷ ಲೀಟರ್‌ ಅಕ್ರಮ ಮದ್ಯ ವಶಪಡಿಸಿಕೊಳ್ಳಲಾಗಿದೆ ಎಂದು ಅಬಕಾರಿ ಇಲಾಖೆ ತಿಳಿಸಿದೆ.

ಪ್ರತಿ ಜಿಲ್ಲೆಗಳಲ್ಲೂ ಚೆಕ್‌ಪೋಸ್ಟ್‌ ಮಾಡಿ ಅಕ್ರಮ ಮದ್ಯ ಸಾಗಣಿಕೆಯನ್ನು ತಡೆಯಲಾಗುತ್ತಿದೆ. ಮಾ.19 ರವರೆಗೆ 14.32 ಕೋಟಿ ರೂ. ಮೌಲ್ಯದ 2.57 ಲಕ್ಷ ಲೀಟರ್‌ ಅಕ್ರಮ ಮದ್ಯಹಾಗೂ 1.94 ಕೋಟಿ ರೂ. ಮೌಲ್ಯದ 1 ಲಕ್ಷ ಲೀಟರ್‌ ಬಿಯರ್‌ ವಶಕ್ಕೆ ಪಡೆಯಲಾಗಿದೆ. ಒಟ್ಟು 3,906 ಪ್ರಕರಣಗಳನ್ನು ದಾಖಲಿಸಿ 2,900 ಆರೋಪಿಗಳನ್ನು ದಸ್ತಗಿರಿ ಮಾಡಲಾಗಿದೆ. ಅಕ್ರಮ ಮದ್ಯ ಸಾಗಿಸುತ್ತಿದ್ದ 375 ವಾಹನಗಳನ್ನು ವಶಕ್ಕೆ ಪಡೆಯಲಾಗಿದೆ. ವಾಹನಗಳು ಹಾಗೂ ಮದ್ಯದ ಮೌಲ್ಯ 20.01 ಕೋಟಿ ರೂ. ಎಂದು ಅಂದಾಜಿಸಲಾಗಿದೆ ಎಂದು ಇಲಾಖೆ ತಿಳಿಸಿದೆ.

ಅಕ್ರಮ ಮದ್ಯ ಸಾಗಣಿಕೆ ಕುರಿತು ಟೋಲ್‌ ಫ್ರೀ ಸಂಖ್ಯೆ 18004252550 ಗೆ ಕರೆ ಮಾಡಬಹುದು ಎಂದು ಇಲಾಖೆ ತಿಳಿಸಿದೆ.