ಮತ್ತೆ 1 ಲಕ್ಷ ದಾಟಿದ ಸಕ್ರಿಯ ಪ್ರಕರಣಗಳು: 9725 ಹೊಸ ಸೋಂಕಿತರು

ಬೆಂಗಳೂರು: ರಾಜ್ಯದಲ್ಲಿ ಸಕ್ರಿಯ ಕೊರೊನಾ ಪ್ರಕರಣಗಳ ಸಂಖ್ಯೆ ಮತ್ತೆ 1 ಲಕ್ಷ ದಾಟಿದೆ. ಬುಧವಾರ ಒಂದೇ ದಿನ 9725 ಪ್ರಕರಣಗಳು ದೃಢಪಟ್ಟಿದ್ದು, ರಾಜ್ಯದಲ್ಲಿ ಒಟ್ಟು ಸಕ್ರಿಯ ಪ್ರಕರಣಗಳ ಸಂಖ್ಯೆ 101626ಕ್ಕೆ ಏರಿಕೆಯಾಗಿದೆ.

ಇಂದು ಗುಣವಾಗುವವರ ಸಂಖ್ಯೆಯಲ್ಲಿ ಇಳಿಕೆಯಾಗಿದೆ. 6583 ಮಂದಿ ಸೋಂಕಿತರು ಪೂರ್ಣವಾಗಿ ಗುಣವಾಗಿದ್ದು, ಇದುವರೆಗೆ 3,75,809 ಮಂದಿ ಸೋಂಕಿತರು ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. ರಾಜ್ಯದಲ್ಲಿಇದುವರೆಗಿನ ಕೊರೊನಾವೈರಸ್ ಸೋಂಕಿತರ ಒಟ್ಟು ಸಂಖ್ಯೆ 4,84,990ಕ್ಕೆ ಏರಿಕೆಯಾಗಿದೆ.

ಇಂದು ಒಂದೇ ದಿನ ಕೊರೊನಾ ಸೋಂಕಿನಿಂದಾಗಿ 70 ಮಂದಿ ಮೃತಪಟ್ಟಿದ್ದು, ಇದುವರೆಗೆ ಸೋಂಕಿನಿಂದಾಗಿರುವ ಸಾವಿನ ಸಂಖ್ಯೆ ಈಗಾಗಲೇ 7536ಕ್ಕೆ ಏರಿಕೆಯಾಗಿದೆ. ಪ್ರಸ್ತುತ 818 ಮಂದಿ ಸೋಂಕಿರ ಸ್ಥಿತಿ ಗಂಭೀರವಾಗಿದ್ದು, ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಭಾರತಕ್ಕೆ 10 ಕೋಟಿ ಡೋಸ್‌ ಕೊರೊನಾ ಲಸಿಕೆ ಮಾರಾಟಕ್ಕೆ ರಷ್ಯಾ ನಿರ್ಧಾರ

ರಾಜ್ಯದಲ್ಲಿ ಇದುವರೆಗಿನ ಕೋವಿಡ್‌ ಟೆಸ್ಟ್‌ ಎಷ್ಟು?
ರಾಜ್ಯದಲ್ಲಿ ಬುಧವಾರ ಒಂದೇ ದಿನ 34336 ಆ್ಯಂಟಿಜೆನ್‌ ಟೆಸ್ವ್‌, ಆರ್‌ಟಿ-ಪಿಸಿಆರ್‌ ಮತ್ತು ಇತರ 36645 ಟೆಸ್ವ್‌ ಗಳು ಸೇರಿ ಒಟ್ಟು 70981 ಟೆಸ್ವ್‌ ಮಾಡಲಾಗಿದೆ. ಇದುವರೆಗೆ 13,71,851 ಆ್ಯಂಟಿಜೆನ್‌ ಟೆಸ್ವ್‌ ಮಾಡಲಾಗಿದೆ. 26.14 ಲಕ್ಷ ಆರ್‌ಟಿ-ಪಿಸಿಆರ್‌ ಮತ್ತು ಇತರೆ ಟೆಸ್ವ್‌ ಮಾಡಲಾಗಿದೆ. ಇದುವರೆಗೆ ರಾಜ್ಯದಲ್ಲಿ 39.86 ಲಕ್ಷ ಟೆಸ್ಟ್‌ ನಡೆಸಲಾಗಿದೆ.

ಕೊರೊನಾ ಲಸಿಕೆಯ 2, 3ನೇ ಹಂತದ ವೈದ್ಯಕೀಯ ಪ್ರಯೋಗ ಮತ್ತೆ ಆರಂಭಿಸಲು ಸೆರಂಗೆ ಡಿಸಿಜಿಐ ಅನುಮತಿ

ಬೆಂಗಳೂರಲ್ಲಿ 3571 ಸೋಂಕು
ಬೆಂಗಳೂರಲ್ಲಿ ಬುಧವಾರ ಒಂದೇ ದಿನ 3571 ಕೇಸ್‌ಗಳು ವರದಿಯಾಗಿವೆ. ಈ ಮೂಲಕ ನಗರದಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 1,80,283ಕ್ಕೆ ಏರಿಕೆಯಾಗಿದೆ. ಇಂದು 3773 ಮಂದಿ ಗುಣವಾಗಿದ್ದು, ಆಸ್ಪತ್ರೆಯಿಂದ ಡಿಸ್ಚಾರ್ಜ್‌ ಆಗಿದ್ದಾರೆ. ಇದುವರೆಗೆ ನಗರದಲ್ಲಿ 1,38,289 ಜನ ಗುಣವಾಗಿದ್ದಾರೆ.

ಪ್ರಸ್ತುತ ನಗರದಲ್ಲಿ ಒಟ್ಟು 39472 ಸಕ್ರಿಯ ಪ್ರಕರಣಗಳಿವೆ. ಇಂದು ಒಂದೇ ದಿನ 27 ಜನ ಸೋಂಕಿಗೆ ಬಲಿಯಾಗಿದ್ದಾರೆ. ಇದುವರೆಗೆ ಒಟ್ಟು 2521 ಮಂದಿ ಸೋಂಕಿನಿಂದ ಮೃತರಾಗಿದ್ದಾರೆ.