ಗೌರಿ ಹತ್ಯೆ ಆರೋಪಿಗಳೇ ದಾಭೋಲ್ಕರ್‌ ಹತ್ಯೆ ಸಂಚುಕೋರರು: ಸಿಬಿಐ

ಮುಂಬಯಿ: ಗೌರಿ ಲಂಕೇಶ್‌ ಹತ್ಯೆ ಪ್ರಕರಣದ ಆರೋಪಿಗಳೇ, ವಿಚಾರವಾದಿ ನರೇಂದ್ರ ದಾಭೋಲ್ಕರ್‌ ಕೊಲೆಗೂ ಸಂಚು ರೂಪಿಸಿದ್ದಾರೆ ಎಂದು ಸಿಬಿಐ ಶನಿವಾರ ಇಲ್ಲಿನ ಕೋರ್ಟ್‌ಗೆ ಮಾಹಿತಿ ನೀಡಿದೆ.

ಅಲ್ಲದೆ, ಗೌರಿ ಹತ್ಯೆ ಪ್ರಕರಣದಲ್ಲಿ ಬಂಧಿತರಾಗಿರುವ ರಾಜೇಶ್‌ ಬಂಗೇರಾ ಮತ್ತು ಅಮಿತ್‌ ದಿಗ್ವೇಕರ್‌ ಅವರನ್ನು ಪುಣೆ ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದೆ.

10 ದಿನ ಕಸ್ಟಡಿಗೆ: ಈ ಮಧ್ಯೆ, ನ್ಯಾಯಾಲಯ ದಿಗ್ವೇಕರ್‌ ಮತ್ತು ಬಂಗೇರಾ ಅವರನ್ನು ಸೆ.10ರವರೆಗೂ ಸಿಬಿಐ ಕಸ್ಟಡಿಗೆ ಒಪ್ಪಿಸಿದೆ. ಅಂದೂರ್‌ ಅವರನ್ನು ನ್ಯಾಯಾಂಗ ವಶಕ್ಕೆ ಒಪ್ಪಿಸಲಾಗಿದೆ.