ಡ್ರಗ್ಸ್‌ ಕೇಸ್‌: ಮಾಹಿತಿ ಸೋರಿಕೆ ಮಾಡುತ್ತಿದ್ದ ಎಸಿಪಿ ಮುದ್ವಿ ಅಮಾನತು

ಬೆಂಗಳೂರು: ಕನ್ನಡ ಚಲನಚಿತ್ರ ರಂಗದ ತಾರೆಯರು ಭಾಗಿಯಾಗಿದ್ದಾರೆ ಎನ್ನಲಾದ ಡ್ರಗ್ಸ್ ಕೇಸಿನ ಸಂಬಂಧ ಪೊಲೀಸ್ ಅಧಿಕಾರಿಯೊಬ್ಬರನ್ನು ಅಮಾನತು ಮಾಡಲಾಗಿದೆ.

ಡ್ರಗ್ಸ್‌ ಕೇಸಿನ ಸಂಬಂಧ ಆರೋಪಿಗಳಿಗೆ ಮಾಹಿತಿ ಬಹಿರಂಗ ಮಾಡುತ್ತಿರುವ ಆಪಾದನೆ ಮೇರೆಗೆ ಎಸಿಪಿ ಮುದ್ವಿ ಅವರನ್ನು ಸೇವೆಯಿಂದ ಅಮಾನತು ಮಾಡಿ ಆದೇಶ ಹೊರಡಿಸಲಾಗಿದೆ.

ಡ್ರಗ್ ಜಾಲದಲ್ಲಿ ಭಾಗಿಯಾದ್ದವರಿಗೆ ತನಿಖೆ ಹಾಗೂ ಪ್ರಕರಣದ ಮಾಹಿತಿಯನ್ನು ಸೋರಿಕೆ ಮಾಡುತ್ತಿದ್ದ ಆರೋಪದ ಮೇಲೆ ಮುದ್ವಿ ವಿರುದ್ಧ ಈ ಕಠಿಣ ಕ್ರಮ ಕೈಗೊಳ್ಳಲಾಗಿದೆ.

ಸ್ಯಾಂಡ್‌ಲ್‌ವುಡ್‌ನಲ್ಲಿ ನಡೆಯುತ್ತಿರುವ ಡ್ರಗ್ಸ್‌ ದಂಧೆಯ ಸಂಬಂಧ ಸಿಸಿಬಿ ನಡೆಸುತ್ತಿರುವ ವಿಚಾರಣೆ ತಂಡದಲ್ಲಿ ಇರದಿದ್ದರೂ ಮುದ್ವಿ ಅವರು ಸೂಕ್ಷ್ಮ ಮಾಹಿತಿಗಳನ್ನು ಸಂಬಂಧಪಟ್ಟವರಿಗೆ ರವಾನೆ ಮಾಡುತ್ತಿದ್ದರೂ ಎಂದು ಆರೋಪಿಸಲಾಗಿದೆ.

ತನಿಖಾ ತಂಡದ ಮುಖ್ಯಸ್ಥರ ಕೋರಿಕೆಯ ಮೇರೆಗೆ ಎಸಿಪಿ ಮುದ್ವಿ ಅವರನ್ನು ಸೇವೆಯಿಂದ ಅಮಾನತು ಮಾಡಿ ಆದೇಶ ಹೊರಡಿಸಲಾಗಿದೆ.