ಬ್ರಾಹ್ಮಣ ಮಂಡಳಿಗೆ ನೇಮಕ

ಬೆಂಗಳೂರು : ಅವಿಶ್ವಾಸದ ಆತಂಕದಲ್ಲಿರುವ ರಾಜ್ಯ ಮೈತ್ರಿ ಸರಕಾರ ಮಂಗಳವಾರ ಮೂರು ಮಹತ್ವದ ಆದೇಶ ಹೊರಡಿಸಿದೆ.

ಔರಾದ್ಕರ್‌ ವರದಿ ಜಾರಿ, ಬ್ರಾಹ್ಮಣ ಅಭಿವೃದ್ಧಿ ಮಂಡಳಿ ಅಧ್ಯಕ್ಷ, ಸದಸ್ಯರ ನೇಮಕ ಹಾಗೂ ಸಾಲ ಮನ್ನಾ ಅವಧಿಯನ್ನು ಈ ತಿಂಗಳಾಂತ್ಯದವರೆಗೂ ವಿಸ್ತರಿಸುವ ಮಹತ್ವದ ಆದೇಶ ಪ್ರಕಟಿಸಿದೆ.

2018ರ ಬಜೆಟ್‌ನಲ್ಲಿ ರಾಜ್ಯ ಸರಕಾರ ಬ್ರಾಹ್ಮಣ ಅಭಿವೃದ್ಧಿ ಮಂಡಳಿ ಸ್ಥಾಪನೆ ಮಾಡುವ ನಿರ್ಧಾರ ಪ್ರಕಟಿಸಿತ್ತು. ಹಾಸನ ಜಿಲ್ಲ್ಲೆ ಬೇಲೂರು ತಾಲೂಕಿನ ತೊ.ಚ.ಅನಂತಸುಬ್ಬರಾಯ ಅವರನ್ನು ಮಂಡಳಿ ಅಧ್ಯಕ್ಷರಾಗಿ ನೇಮಕ ಮಾಡಲಾಗಿದೆ. ಕೆ.ಎಸ್‌.ವೆಂಕಟನಾರಾಯಣ, ಎ.ಎಸ್‌.ಜಯಸಿಂಹ, ಆರ್‌.ಲಕ್ಷ್ಮಿಕಾಂತ್‌, ಎಲ್‌.ನಾಗರಾಜ್‌ ರಾವ್‌, ಕೃಷ್ಣ ಬಿ.ಕುಲಕರ್ಣಿ, ಆರ್‌.ಎನ್‌. ರಘುನಾಥ್‌, ಮದನ ಕುಲಕರ್ಣಿ, ಮುರಳೀಧರ್‌ ಪ್ರಭು, ಡಾ.ಸುಜಾತ, ಕೃಷ್ಣಾನಂದ ಚಾತ್ರ ಅವರನ್ನು ಸದಸ್ಯರನ್ನಾಗಿ ನೇಮಕ ಮಾಡಲಾಗಿದೆ.