ಲಿಂಗಾಯತರಿಗೆ 16% ವಿಶೇಷ ಮೀಸಲಾತಿ: ಕುಲಶಾಸ್ತ್ರೀಯ ಅಧ್ಯಯನಕ್ಕಾಗಿ ಸಿಎಂಗೆ ಹೊರಟ್ಟಿ ಪತ್ರ

ಬೆಂಗಳೂರು: ಮಹಾರಾಷ್ಟ್ರ ಮಾದರಿಯಲ್ಲಿ ಲಿಂಗಾಯತ ಸಮಾಜಕ್ಕೆ ಶೇ.16 ರಷ್ಟು ವಿಶೇಷ ಮೀಸಲನ್ನು ಕಲ್ಪಿಸುವ ಕುರಿತು ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆಯ ಮೂಲಕ ಕುಲಶಾಸ್ತ್ರೀಯ ಅಧ್ಯಯನ ನಡೆಸಬೇಕು ಎಂದು ಮಾಜಿ ಸಚಿವ ಬಸವರಾಜ ಹೊರಟ್ಟಿ ಅವರು ಮುಖ್ಯಮಂತ್ರಿಯವರಿಗೆ ಮನವಿ ಮಾಡಿದ್ದಾರೆ.

ಈ ಸಂಬಂಧ ಸಿಎಂಗೆ ಪತ್ರ ಬರೆದಿರುವ ಅವರು,''ಮಹಾರಾಷ್ಟ್ರ ಸರಕಾರವು ಪ್ರವರ್ಗ 3ಬಿ ಯಲ್ಲಿರುವ ಅಲ್ಲಿಯ ಬಹುಸಂಖ್ಯಾತ ಹಿಂದೂ ಮರಾಠ ಸಮಾಜಕ್ಕೆ ಶೇ.52 ರಷ್ಟು ಮೀಸಲಿನಲ್ಲಿ ಯಾವುದೇ ಕಡಿತಗೊಳಿಸದೇ ಶೇ.16 ರಷ್ಟು ವಿಶೇಷ ಮೀಸಲನ್ನು ಡಿಸೆಂಬರ್‌ 1 ರಿಂದ ಜಾರಿಗೆ ಬರುವಂತೆ ಮೀಸಲು ಪ್ರಮಾಣವನ್ನು ಶೇ.68 ರಷ್ಟು ಹೆಚ್ಚಳ ಮಾಡಿದೆ,'' ಎಂದು ಪತ್ರದಲ್ಲಿ ವಿವರಿಸಿದ್ದಾರೆ.

ಸುಪ್ರೀಂಕೋರ್ಟ್‌ 2010ರಲ್ಲಿನೀಡಿದ ಆದೇಶದಂತೆ ಖಚಿತ ವೈಜ್ಞಾನಿಕ ದಾಖಲೆಗಳು ಇದ್ದಲ್ಲಿ ಸರಕಾರವು ಮೀಸಲು ಪ್ರಮಾಣವನ್ನು ಶೇ.50 ಕ್ಕಿಂತ ಹೆಚ್ಚಿಸಬಹುದು ಎಂದು ಹೇಳಿದೆ. ಈ ಹಿನ್ನೆಲೆಯಲ್ಲಿ ನೆರೆ ರಾಜ್ಯದ ಸರಕಾರವು ಅಲ್ಲಿನ ಬಹುಸಂಖ್ಯಾತ ಹಿಂದೂ ಮರಾಠ ಸಮಾಜಕ್ಕೆ ಈ ಕೊಡುಗೆ ನೀಡಿದೆ. ಕಳೆದ ವರ್ಷದ ಜೂನ್‌ 27 ರಂದು ಮಹಾರಾಷ್ಟ್ರ ಹೈಕೋರ್ಟ್‌ ಶೇ.16 ರಷ್ಟು ವಿಶೇಷ ಮೀಸಲನ್ನು ಎತ್ತಿ ಹಿಡಿದಿದೆ.

ಹೊರಟ್ಟಿಗೆ ಏಕೆ ಮೀಸಲು ಚಿಂತೆ: ಡಿಸಿಎಂ ಸವದಿ

ತಮಿಳುನಾಡಿನಲ್ಲಿ ಶೇ.69 ಹಾಗೂ ಹರಿಯಾಣದಲ್ಲಿ ಶೇ.70 ಮೀಸಲು ಜಾರಿಯಲ್ಲಿರುತ್ತದೆ. ರಾಜ್ಯದ ಬಹುಸಂಖ್ಯಾತ ಪ್ರವರ್ಗ 3ಬಿ ಯಲ್ಲಿರುವ ಲಿಂಗಾಯತರಿಗೆ ಈಗಿರುವ ಶೇ.50 ಮೀಸಲನ್ನು ಕಡಿತಗೊಳಿಸದೆ ಮಹಾರಾಷ್ಟ್ರ ಮಾದರಿಯಲ್ಲಿಯೇ ಜಾರಿಗೆ ತರಬೇಕು,''ಎಂದು ಮನವಿ ಮಾಡಿದ್ದಾರೆ.

ಕಲ್ಲಡ್ಕ ಭಟ್ಟರು ಸಂವಿಧಾನ ತಿಳಿಯುವ ಅಗತ್ಯವಿದೆ: ಐವನ್‌ ಡಿಸೋಜ