ಬೆಂಗಳೂರು ಗಲಭೆ: ಮೃತರಿಗೆ ತಲಾ 5 ಲಕ್ಷ ರೂ. ನೆರವು ಘೋಷಿಸಿದ ಜಮೀರ್‌!

ಬೆಂಗಳೂರು: ಮಂಗಳವಾರ ರಾತ್ರಿ ದಾಂಧಲೆ ವೇಳೆ ಪೊಲೀಸರು ನಡೆಸಿದ ಗೋಲಿಬಾರ್‌ನಲ್ಲಿ ಮೃತಪಟ್ಟ ಮೂವರ ಕುಟುಂಬಕ್ಕೆ ತಲಾ ಐದು ಲಕ್ಷ ರೂ. ನೆರವು ನೀಡುವುದಾಗಿ ಶಾಸಕ ಜಮೀರ್‌ತಿಳಿಸಿದ್ದಾರೆ.

ಶಾಸಕ ಅಖಂಡ ಶ್ರೀನಿವಾಸಮೂರ್ತಿ ಮನೆ ಎದುರಿಗೆ ಮಾಧ್ಯಮ ಪ್ರತಿನಿಗಳು ಕೇಳಿದ ಪ್ರಶ್ನೆಗೆ ಉತ್ತರಿಸಿದ ಜಮೀರ್‌, ''ಮೃತರ ಕುಟುಂಬದಲ್ಲಿ ಹಿರಿಯ ಪೋಷಕರಿದ್ದು ಅವರೀಗ ಅಸಹಾಯಕರಾಗಿದ್ದಾರೆ. ಅವರ ಜೀವನಕ್ಕೆ ನೆರವಾಗುವ ಉದ್ದೇಶದಿಂದ ತಲಾ 5 ಲಕ್ಷ ರೂ. ನೆರವು ನೀಡುತ್ತೇನೆ'' ಎಂದರು.

ಬೆಂಕಿಗೆ ಆಹುತಿಯಾದ ಅಖಂಡ ಶ್ರೀನಿವಾಸಮೂರ್ತಿಯವರ ಮನೆಯನ್ನು ಧರ್ಮ ಗುರುಗಳೇ ಕಟ್ಟಿಕೊಡುವುದಾಗಿ ತಿಳಿಸಿದ ಬಳಿಕ ಗೋಲಿಬಾರ್‌ನಲ್ಲಿ ಮೃತಪಟ್ಟ ಕುಟುಂಬದವರ ಬಗ್ಗೆ ಕೇಳಿದ ಪ್ರಶ್ನೆಗೆ ಉತ್ತರಿಸಿದ ಜಮೀರ್‌, ''ಗೋಲಿಬಾರ್‌ನಲ್ಲಿ ಸತ್ತವರು ಉಳಿದವರಿಗೆ ಪಾಠ ಆಗಬೇಕು. ಅವರ ಕುಟುಂಬ ಈಗ ದುಡಿಯುವವರಿಲ್ಲದೆ ಅನಾಥವಾಗಿದೆ. ಹೀಗಾಗಿ ನೆರವು ನೀಡುತ್ತೇನೆ'' ಎಂದು ತಿಳಿಸಿದರು.

ಈ ಬಾರಿ ಸಾರ್ವಜನಿಕ ಗಣೇಶೋತ್ಸವ ರದ್ದು: ರಾಜ್ಯ ಸರಕಾರದ ಮಾರ್ಗಸೂಚಿ ಬಿಡುಗಡೆ!

ಗೋಲಿಬಾರ್‌ನಲ್ಲಿ ಆಟೋ ಚಾಲಕ ಶೇಕ್‌ ಸಿದ್ದಿಕಿ, ಎಸಿ ಮೆಕ್ಯಾನಿಕ್‌ ಯಾಸಿರ್‌ ಹಾಗೂ ಮಾಂಸದ ವ್ಯಾಪಾರಿ ವಾಜಿದ್‌ ಮೃತಪಟ್ಟಿದ್ದಾರೆ.