ಅಮೆರಿಕದಲ್ಲಿ ರಸ್ತೆ ಅಪಘಾತ: ಬೀದರ್‌ನ ತಂದೆ-ಮಗಳು ಸಾವು

ಬೆಂಗಳೂರು: ಅಮೆರಿಕದ ಕೊಲಂಬಸ್ ಕಂಟ್ರಿಯಲ್ಲಿ ನಡೆದ ರಸ್ತೆ ಅಪಘಾತದಲ್ಲಿ ಬೀದರ್ ಮೂಲದ ತಂದೆ-ಮಗಳು ಮೃತಪಟ್ಟಿದ್ದಾರೆ.

ಬೀದರ್‌ನ ಭಾಲ್ಕಿಯವರಾದ ಮುಖೇಶ್‌ ಶಿವಾಜಿರಾವ್ ದೇಶಮುಖ್ ಅಮೆರಿಕದಲ್ಲಿ ಪತ್ನಿ ಮತ್ತು ಮಗಳ ಜತೆ ವಾಸವಿದ್ದು, ಸಾಫ್ಟ್‌ವೇರ್ ಇಂಜಿನಿಯರ್ ವೃತ್ತಿಯಲ್ಲಿದ್ದರು.

ಮುಖೇಶ್ ಪತ್ನಿ ಮತ್ತು ಮಗಳ ಜತೆ ಬರ್ತ್‌ಡೇ ಆಚರಣೆಗೆಂದು ಬೀಚ್‌ಗೆ ತೆರಳುತ್ತಿದ್ದಾಗ ಅವರಿದ್ದ ಫೋರ್ಡ್ ಕಾರು ಟ್ಯಾಂಕರ್ ಟ್ರಕ್‌ಗೆ ಡಿಕ್ಕಿಯಾಗಿದೆ.

ಇದರಿಂದ ಮುಖೇಶ್ ಸ್ಥಳದಲ್ಲೇ ಮೃತಪಟ್ಟರೆ, ಅವರ ಎರಡು ವರ್ಷದ ಮಗಳು ದಿವ್ಯ ಆಸ್ಪತ್ರೆಗೆ ಸಾಗಿಸುವ ದಾರಿ ಮಧ್ಯೆ ಮೃತಪಟ್ಟಿದ್ದಾರೆ. ಮುಖೇಶ್ ಪತ್ನಿ ಮೋನಿಕಾ ಅವರಿಗೆ ಅಪಘಾತದಲ್ಲಿ ಗಾಯವಾಗಿದ್ದು, ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.

ಮುಖೇಶ್ ತೀರಾ ಸರಳ ಜೀವನ ನಡೆಸುತ್ತಿದ್ದು, ಎಲ್ಲರ ಜತೆ ಸ್ನೇಹದಿಂದಿದ್ದರು. ಅಗತ್ಯವಿದ್ದವರಿಗೆ ಸಹಾಯ ನೀಡುತ್ತಿದ್ದರು ಎಂದು ಅವರ ಸ್ನೇಹಿತರು ಹೇಳಿದ್ದಾರೆ.