ಮಂತ್ರಿಮಂಡಲಕ್ಕೆ ಹೈಕಮಾಂಡ್‌ನಿಂದ 6 ತಿಂಗಳ ಟಾಸ್ಕ್‌; ಕೆಲಸ ಮಾಡದಿದ್ದರೆ ಸಚಿವರ ತಲೆದಂಡ ಪಕ್ಕಾ..!

ಬೆಂಗಳೂರು: ಸಚಿವ ಸಂಪುಟ ವಿಸ್ತರಣೆ ಬೆನ್ನಿಗೇ ಸಚಿವರುಗಳಿಗೆ ಬಿಜೆಪಿ ಹೈಕಮಾಂಡ್‌ 6 ತಿಂಗಳ ಟಾಸ್ಕ್‌ ನೀಡಿದೆ. ಅಂದರೆ ಮುಂದಿನ 6 ತಿಂಗಳಲ್ಲಿ ದಕ್ಷ ಕಾರ್ಯ ನಿರ್ವಹಣೆ ತೋರಿದವರು ಮಾತ್ರ ಮಂತ್ರಿಗಳಾಗಿ ಮುಂದುವರಿಯಲಿದ್ದಾರೆ.

ಈ ಸರಕಾರ ರಚನೆ ಬಳಿಕ ಪ್ರಾರಂಭದಲ್ಲಿ ಭಾರೀ ಪ್ರವಾಹ ಬಂದಿತ್ತು. ನಂತರ ಕೊರೊನಾದಿಂದಾಗಿ ಸಚಿವರುಗಳ ಕಾರ್ಯವೈಖರಿ ಮೌಲ್ಯಮಾಪನ ಸಾಧ್ಯವಾಗಿಲ್ಲ. ಈಗ ಆರ್ಥಿಕ ಸ್ಥಿತಿ ಚೇತರಿಕೆ ಕಾಣುತ್ತಿದೆ. ಹೊಸ ಬಜೆಟ್‌ ಮಂಡನೆಯೂ ಹಣಕಾಸು ಖಾತೆ ಹೊಂದಿರುವ ಸಿಎಂ ಯಡಿಯೂರಪ್ಪ ಸಿದ್ಧತೆ ಪ್ರಾರಂಭಿಸಿದ್ದಾರೆ.

‘ನೀವು ಯಾರ ಭಿಕ್ಷೆಯಿಂದ ಅಧಿಕಾರ ಬಂದಿದ್ದೀರಾ ಅನ್ನೋದನ್ನು ಅರ್ಥ ಮಾಡಿಕೊಳ್ಳಿ’; ವಿಶ್ವನಾಥ್‌ ಕಿಡಿ
ಈ ಹಿನ್ನೆಲೆಯಲ್ಲಿ ಸಚಿವರುಗಳು ಯಾವುದೇ ನೆಪ ಹೇಳದೆ ಕೆಲಸ ಮಾಡಬೇಕಾಗುತ್ತದೆ. ತಾವು ನಿರ್ವಹಿಸುವ ಇಲಾಖೆಯ ಯೋಜನೆಗಳ ಕ್ಷಿಪ್ರ ಅನುಷ್ಠಾನಕ್ಕೆ ಮುತುವರ್ಜಿ ವಹಿಸಬೇಕಾಗುತ್ತದೆ. ಈ ಮಾನದಂಡದ ಆಧಾರದಲ್ಲೆ ಸಚಿವರ ಕಾರ್ಯವೈಖರಿ ಮೌಲ್ಯಮಾಪನವಾಗಲಿದೆ. ಸಚಿವರ ಕಾರ್ಯಕ್ಷಮತೆ ಬಗ್ಗೆ ರಾಜ್ಯ ಉಸ್ತುವಾರಿ ಸಿಂಗ್‌ ಖುದ್ದು ನಿಗಾ ವಹಿಸಲಿದ್ದಾರೆ. ಹಾಗಾಗಿ 6 ತಿಂಗಳ ಬಳಿಕ ಮಂತ್ರಿಮಂಡಲದಲ್ಲಿ ಮೇಜರ್‌ ಸರ್ಜರಿ ನಿರೀಕ್ಷಿತ ಎಂದು ಹೇಳಲಾಗುತ್ತಿದೆ.