ಬೆಂಗಳೂರು : ಬಿಜೆಪಿ ಮತ್ತು ಬ್ರಿಟಿಷ್‌ ಈಸ್ಟ್‌ ಇಂಡಿಯ ಕಂಪನಿ ನಡುವೆ ನಿಕಟ ಸಾಮ್ಯತೆಯಿದೆಯೆಂದು ಮಾಜಿ ಸಿಎಂ ಸಿದ್ದರಾಮಯ್ಯ ಆರೋಪಿಸಿದ್ದಾರೆ.
ಈ ಸಂಬಂಧ ಟ್ವೀಟ್‌ ಮಾಡಿರುವ ಅವರು, ''ಭಾರತೀಯರನ್ನು ಸೋಲಿಸುವುದು ಕಷ್ಟವಾದಾಗ ಈಸ್ಟ್‌ ಇಂಡಿಯ ಕಂಪನಿಯವರು ಸಮಾಜವನ್ನು ಒಡೆದು ಆಳಲು ಪ್ರಾರಂಭಿಸಿದರು. ಈ ಬಾರಿಯ ಚುನಾವಣೆ ಫಲಿತಾಂಶ ಒಂದರ್ಥದಲ್ಲಿ ಭಾರತದ ಸೋಲಾಗಿದೆ. ಕೆಲವು ಭಾರತೀಯರು ಮಾತ್ರ ಇಂಥ ಸೋಲನ್ನು ಬಯಸಿದ್ದರು. ಆದರೆ, ಇದರಿಂದ ತಾವು ಸೋತಿದ್ದೇವೆಂದು ಜನರು ಅರ್ಥ ಮಾಡಿಕೊಳ್ಳುವುದು ಯಾವಾಗ? ನೈಜ ಭಾರತೀಯರ 70 ವರ್ಷಗಳ ಸತತ ಪರಿಶ್ರಮ ನಾಶಗೊಂಡಾಗ ಅರ್ಥ ಮಾಡಿಕೊಳ್ಳುವರೇ?,'' ಎಂದು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.