Basanagouda Patil Yatnal: ಕಲಾಪದಿಂದ ದೂರವಾಗಿ ‘ಉರಿ’ ಹೆಚ್ಚಿಸಿದ್ದ ಬಸನಗೌಡ ಪಾಟೀಲ ಯತ್ನಾಳ್‌

ವಿಜಯಪುರ: ವಿಜಯಪುರ ನಗರ ಶಾಸಕ ಬಸನಗೌಡ ಪಾಟೀಲ ಯತ್ನಾಳ್‌ ಬಜೆಟ್‌ ಅಧಿವೇಶನದಲ್ಲಿ ಪಾಲ್ಗೊಳ್ಳದೆ ಇರುವುದು ಬಿಜೆಪಿಯವರಲ್ಲಿ ಕೆಲಹೊತ್ತು ಆತಂಕವನ್ನುಂಟು ಮಾಡಿತ್ತು.

ಆದರೆ 'ಯತ್ನಾಳ್‌ ಬೆಂಬಲಿಗರೊಂದಿಗೆ ಸರ್ಜಿಕಲ್‌ ಸ್ಟ್ರೈಕ್‌ ಕುರಿತ ಬಾಲಿವುಡ್‌ನ 'ಉರಿ' ಚಿತ್ರ ವೀಕ್ಷಿಸುತ್ತಿದ್ದಾರೆ. ರಾತ್ರಿ ವೇಳೆಗೆ ಬೆಂಗಳೂರಿಗೆ ಹೊರಟು ಬರಲಿದ್ದಾರೆ' ಎಂಬುದನ್ನು ತಿಳಿದು ಬಿಜೆಪಿ ಮುಖಂಡರು ಒಂದು ಕ್ಷಣ ನಿಟ್ಟುಸಿರು ಬಿಟ್ಟರು.

ಎಲ್ಲಿ ಯತ್ನಾಳರೂ ರಿವರ್ಸ್‌ ಆಪರೇಷನ್‌ಗೆ ಬಲಿಯಾದರೋ ಎಂಬ ಮಾತುಗಳು ವಿಧಾನಸೌಧದಲ್ಲಿ ಕೆಲಹೊತ್ತು ಬಿಜೆಪಿಯವರಿಂದಲೇ ಕೇಳಿಬಂದವು. ಅಷ್ಟೇ ಅಲ್ಲ ಯಾವ ಯಾವ ಶಾಸಕರು ಬಂದಿಲ್ಲ ಎಂದು ಅಧಿವೇಶನದಲ್ಲಿ ಚೀಟಿ ಮೂಲಕ ಯಡಿಯೂರಪ್ಪ ಅವರಿಗೆ ಬರೆದು ಕೊಡಲಾಯಿತು. ಕೊನೆಗೆ ಫೋನ್‌ ಮೂಲಕ ಅವರ ಸಂಪರ್ಕ ನಡೆಸುವ ಕೆಲಸವೂ ನಡೆಯಿತು. ಅವರೆಲ್ಲಿಗೂ ಹೋಗಲ್ಲ, ನಮ್ಮ ಜತೆಗೆ ಇರುತ್ತಾರೆ ಎಂಬುದು ಗೊತ್ತಾದ ತಕ್ಷಣವೇ ಪಕ್ಷದ ಮುಖಂಡರು ನಿರುಮ್ಮಳಾದರು.