ಗಂಗಾಕಲ್ಯಾಣ ಯೋಜನೆಯಡಿ 6ಸಾವಿರ ಬೋರ್‌ವೆಲ್‌ ಕೊರೆಯುವ ಟೆಂಡರ್‌ಗೆ ತಡೆ

ಬೆಂಗಳೂರು: ಅರಸು ಹಿಂದುಗಳಿದ ವರ್ಗಗಳ ಅಭಿವೃದ್ಧಿ ನಿಗಮದ ವತಿಯಿಂದ ಗಂಗಾಕಲ್ಯಾಣ ಯೋಜನೆಯಡಿ ರಾಜ್ಯಾದ್ಯಂತ ಸುಮಾರು ಆರು ಸಾವಿರ ಬೋರ್‌ವೆಲ್‌ ಕೊರೆಯಿಸಲು ಕರೆದಿದ್ದ ಗುತ್ತಿಗೆ ಕಾರ್ಯಾದೇಶ ನೀಡುವುದಕ್ಕೆ ಹೈಕೋರ್ಟ್‌ ಶುಕ್ರವಾರ ಮಧ್ಯಾಂತರ ತಡೆ ನೀಡಿದೆ.

ಬೆಂಗಳೂರಿನ ಮೆರ್ಸಸ್‌ ಮಂಜುನಾಥ ಬೋರ್‌ವೆಲ್ಸ್‌ ಸೇರಿ ನಾನಾ ಜಿಲ್ಲೆಗಳ ಎಂಟು ಬೋರ್‌ವೆಲ್‌ ಕಂಪನಿಗಳು ಗುತ್ತಿಗೆ ಅಧಿಸೂಚನೆ ರದ್ದು ಕೋರಿದ್ದ ಅರ್ಜಿ ವಿಚಾರಣೆ ನಡೆಸಿದ ನ್ಯಾ. ಅಲೋಕ್‌ ಆರಾಧೆ ಅವರಿದ್ದ ಏಕಸದಸ್ಯಪೀಠ ಈ ಆದೇಶ ನೀಡಿದೆ.

ಅರ್ಜಿದಾರರ ವಕೀಲ ಡಿ.ಆರ್‌.ರವಿಶಂಕರ್‌, ''ಒಂದನೇ ದರ್ಜೆ ಹಾಗೂ ವಾರ್ಷಿಕ ಹತ್ತು ಕೋಟಿ ರೂ.ವರೆಗಿನ ಗುತ್ತಿಗೆ ಕೆಲಸ ಮಾಡಿಸಿದ ಗುತ್ತಿಗೆದಾರರು ಟೆಂಡರ್‌ ಪ್ರಕ್ರಿಯೆಯಲ್ಲಿ ಭಾಗವಹಿಸಲು ಅರ್ಹರು ಎಂಬುದಾಗಿ ಅಧಿಸೂಚನೆಯಲ್ಲಿ ತಿಳಿಸಲಾಗಿದೆ. 12 ಪ್ಯಾಕೇಜ್‌ಗಳಲ್ಲಿ ಗುತ್ತಿಗೆ ನೀಡುವುದರಿಂದ ಟೆಂಡರ್‌ ಕೆಲವರಿಗೆ ಮಾತ್ರ ಗುತ್ತಿಗೆ ಸಿಗಲಿದೆ. ಪರಿಣಾಮ ಸರಕಾರದ ಖಜಾನೆಗೆ ನಷ್ಟವಾಗಲಿದೆ,'' ಎಂದರು.