ಬೋರ್‌ವೆಲ್‌ ಕೊರೆಯಲು ಹೈಕೋರ್ಟ್‌ ನಿಶಾನೆ

ಬೆಂಗಳೂರು: ದೇವರಾಜು ಅರಸು ಹಿಂದುಗಳಿದ ವರ್ಗಗಳ ಅಭಿವೃದ್ಧಿ ನಿಗಮದ ವತಿಯಿಂದ ಗಂಗಾಕಲ್ಯಾಣ ಯೋಜನೆಯಡಿ ರಾಜ್ಯಾದ್ಯಂತ ಸುಮಾರು ಆರು ಸಾವಿರ ಬೋರ್‌ವೆಲ್‌ ಕೊರೆಯಿಸುವ ಟೆಂಡರ್‌ ಅಂತಿಮಗೊಳಿಸಲು ಇದ್ದ ಅಡ್ಡಿ ನಿವಾರಣೆಯಾಗಿದೆ.

ಶಿಢ್ಲಘಟ್ಟದ ಶ್ರೀಲಕ್ಷ್ಮೇ ವೆಂಕಟೇಶ್ವರ ಬೋರ್‌ವೆಲ್ಸ್‌ ಸಲ್ಲಿಸಿದ್ದ ಮೇಲ್ಮನವಿಯನ್ನು ಹಂಗಾಮಿ ಸಿಜೆ ಎಲ್‌. ನಾರಾಯಣಸ್ವಾಮಿ ಮತ್ತು ನ್ಯಾ.ಪಿ.ಎಸ್‌. ದಿನೇಶ್‌ ಕುಮಾರ್‌ ಅವರಿದ್ದ ವಿಭಾಗೀಯ ಪೀಠ ಮಂಗಳವಾರ ವಜಾಗೊಳಿಸಿತ್ತು.

ಟೆಂಡರ್‌ ನಿಯಮಗಳನ್ನು ಪ್ರಶ್ನಿಸಿ ಅರ್ಜಿದಾರರು ಸಲ್ಲಿಸಿದ್ದ ಅರ್ಜಿಯನ್ನು ಏಕಸದಸ್ಯಪೀಠ 2019ರ ಫೆ.22ರಂದು ವಜಾಗೊಳಿಸಿತ್ತು.ಅದನ್ನು ಪ್ರಶ್ನಿಸಿ ಸಲ್ಲಿಸಿದ್ದ ಮೇಲ್ಮನವಿ ಕುರಿತು ಸರಕಾರ ಹಾಗೂ ಅರ್ಜಿದಾರರ ವಾದ ಆಲಿಸಿದ ಬಳಿಕ ಈ ತೀರ್ಪು ನೀಡಿದೆ.

''ಇದು ನೀತಿ ನಿರ್ಧಾರದ ವಿಷಯ,ಇದರಲ್ಲಿ ಸರಕಾರವೇ ಸೂಕ್ತ ತೀರ್ಮಾನ ಕೈಗೊಳ್ಳಲಿದೆ. ಅದರಲ್ಲಿ ನ್ಯಾಯಾಲಯ ಹಸ್ತಕ್ಷೇಪ ಮಾಡುವುದಿಲ್ಲ, ಏಕಸದಸ್ಯಪೀಠದ ಆದೇಶ ಸರಿ ಇದೆ ''ಎಂದು ವಜಾಗೊಳಿಸಿತು.