ಒಬ್ಬರೇ ಇದ್ರೂ ಸರಕಾರ: ಸಿಎಂ

ಬೆಂಗಳೂರು : ಒಬ್ಬರೇ ಇದ್ದರೂ ಸರಕಾರವೇ. ಪ್ರಗತಿ ಪರಿಶೀಲನೆ ಸಭೆ ನಡೆಸಲು ತೊಂದರೆಯಿಲ್ಲವೆಂದು ಸಿಎಂ ಬಿ.ಎಸ್‌.ಯಡಿಯೂರಪ್ಪ ಸಮರ್ಥಿಸಿಕೊಂಡಿದ್ದಾರೆ.

ಸಂಪುಟ ರಚನೆಯಾಗದೇ ಪ್ರಮುಖ ಸಭೆ ಹಾಗೂ ವರ್ಗಾವಣೆ ಪ್ರಕ್ರಿಯೆ ಕೈಗೊಳ್ಳುವುದು ಸಾಧುವಾ ಎಂದು ಕೇಳಲಾಯಿತು. ಪ್ರತಿಕ್ರಿಯಿಸಿದ ಅವರು, ಒಬ್ಬರಿದ್ದರೂ ಸರಕಾರವೇ. 25 ಜನರಿದ್ದರೂ ಸರಕಾರವೇ. ಸರಕಾರದಲ್ಲಿ ವರ್ಗಾವಣೆ ನಡೆಯುವುದು ಸಹಜ ಪ್ರಕ್ರಿಯೆ ಎಂದರು.

ಆಗಸ್ಟ್‌ 6ಕ್ಕೆ ದಿಲ್ಲಿಗೆ

ಆಗಸ್ಟ್‌ 6, 7, 8ರಂದು ದಿಲ್ಲಿಗೆ ಭೇಟಿ ನೀಡಲಾಗುವುದು. ಈ ವೇಳೆ ಸಂಪುಟ ವಿಸ್ತರಣೆ ಬಗ್ಗೆ ಹೈಕಮಾಂಡ್‌ನೊಂದಿಗೆ ಚರ್ಚಿಸಲಾಗುವುದು. ವರಿಷ್ಠರ ಅನುಮತಿಯೊಂದಿಗೆ ಸಂಪುಟ ವಿಸ್ತರಿಸಲಾಗುವುದು ಎಂದು ಹೇಳಿದರು. ರೈತರ ಸಾಲ ಮನ್ನಾ ಸಂಬಂಧ ಅಂಕಿ, ಅಂಶ ತರಿಸಿಕೊಳ್ಳಲಾಗಿದೆ. ಪರಿಶೀಲಿಸಿ ಮುಂದಿನ ಕ್ರಮ ಕೈಗೊಳ್ಳಲಾಗುವುದು ಎಂದರು.