ತಿ.ನಾ ಪದ್ಮನಾಭ ಮಾಗಡಿ
ಬೆಂಗಳೂರು: ವಾಹನಗಳಲ್ಲಿ ಫಾಸ್ಟ್ಟ್ಯಾಗ್ ಬಳಕೆ ಕಡ್ಡಾಯಗೊಳಿಸುತ್ತಿದ್ದಂತೆ ಇದನ್ನು ಮಾರಲು ಭಾರಿ ಪೈಪೋಟಿ ನಡೆಯುತ್ತಿದೆ. ಫಾಸ್ಟ್ಟ್ಯಾಗ್ ವಿತರಣೆ ಹಕ್ಕು ಪಡೆದುಕೊಳ್ಳುವುದರ ಹಿಂದೆ ಬ್ಯಾಂಕ್ ಮತ್ತು ಬಹುರಾಷ್ಟ್ರೀಯ ಕಂಪನಿಗಳ ಲಾಭದ ಲೆಕ್ಕಾಚಾರವೇ ಅಡಗಿದೆ. ಫಾಸ್ಟ್ಟ್ಯಾಗ್ ಇದು ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ (ಎನ್ಎಚ್ಎಐ)ದ ಡಿಜಿಟಲ್ ಬ್ರಾಂಡ್. ಬ್ಯಾಂಕ್ ಅಥವಾ ಏಜೆನ್ಸಿಗಳಿಂದ ನಾವು ಟ್ಯಾಗ್ ನೋಂದಣಿ ಮಾಡಿಸಿಕೊಂಡರೆ ನಮ್ಮ ಟೋಲ್ಗಳಲ್ಲಿ ನೀಡಿದ ಸುಂಕದ ಹಣದ ಅಲ್ಪ ಭಾಗ ಬ್ಯಾಂಕ್ಗಳಿಗೆ ಕಮಿಷನ್ ರೂಪವಾಗಿ ಬ್ಯಾಂಕ್ ಖಾತೆ ಸೇರುತ್ತದೆ. ಹೀಗಾಗಿ ನಾನಾ ಬ್ಯಾಂಕ್ಗಳು ಹಾಗೂ ಸಂಸ್ಥೆಗಳು ಕೋಟ್ಯಂತರ ರೂ. ಲಾಭಕ್ಕಾಗಿ ತಮ್ಮ ಬ್ಯಾಂಕ್ ಅಥವಾ ಸಂಸ್ಥೆಗಳಿಂದಲೇ ಫಾಸ್ಟ್ ಟ್ಯಾಗ್ ಖರೀದಿಸಿ ಎಂದು ಆಫರ್ ನೀಡಿ ಮುಗಿಬಿದ್ದಿದ್ದಾರೆ.
ನೋಂದಣಿಗೆ 100 ರೂ. ಮಾತ್ರ
ಫಾಸ್ಟ್ ಟ್ಯಾಗ್ ನೋಂದಣಿಗೆ ಏಕರೂಪ ಶುಲ್ಕವಾಗಿ 100 ರೂ. ನಿಗದಿ ಮಾಡಿದ್ದಾರೆ. ಈ ಶುಲ್ಕ ಹೆದ್ದಾರಿ ಪ್ರಾಧಿಕಾರದ ಪಾಲಾಗುತ್ತದೆ. ಈ ಶುಲ್ಕ ತಂತ್ರಜ್ಞಾನ ಮತ್ತು ನಿರ್ವಹಣೆ ವೆಚ್ಚವಾಗಿ ಬಳಕೆಯಾಗಲಿದೆಯಂತೆ. ಆದರೆ ಕೆಲ ಬ್ಯಾಂಕ್ಗಳು ಮತ್ತು ಖಾಸಗಿ ಕಂಪನಿಗಳು ನೋಂದಣಿ ಶುಲ್ಕವನ್ನು ಸೇವಾ ವೆಚ್ಚದ ಹೆಸರಲ್ಲಿ ಸಿಕ್ಕಾಪಟ್ಟೆ ಕಟ್ಟಿಸಿಕೊಳ್ಳುತ್ತಿವೆ. ಇನ್ನು ಕೆಲ ಕಂಪನಿಗಳು ತಮ್ಮ ಕಂಪನಿಯಿಂದಲೇ ಫಾಸ್ಟ್ಟ್ಯಾಗ್ ಹೆಚ್ಚು ಜನ ರಿಜಿಸ್ಟರ್ ಆದರೆ ಹೆಚ್ಚು ಸೇವಾ ಶುಲ್ಕ ಬರಲಿದೆ ಎಂದು ನೋಂದಣಿ ಶುಲ್ಕವನ್ನು ಉಚಿತವಾಗಿ ನೀಡುತ್ತಿದ್ದಾರೆ.
ಕೆಲವರು ಕ್ಯಾಶ್ಬ್ಯಾಕ್ ಆಫರ್ ನೀಡಿ ಜನರನ್ನು ಆಕರ್ಷಿಸುತ್ತಿದ್ದಾರೆ. ಹೆದ್ದಾರಿ ಪ್ರಾಧಿಕಾರ ಫಾಸ್ಟ್ಟ್ಯಾಗ್ ಹಣವನ್ನು ನೇರವಾಗಿ ಡಿಜಿಟಲ್ ರೂಪದಲ್ಲಿ ಬ್ಯಾಂಕ್ಗಳಿಂದ ಸ್ವೀಕರಿಸಿ ನಿರ್ದಿಷ್ಟ ಟೋಲ್ಗಳ ಖಾತೆಗೆ ಜಮೆ ಮಾಡುತ್ತದೆ. ಆಯಾ ಟೋಲಿನ ಸುಂಕ ನಿಖರವಾಗಿ ಟೋಲ್ಗಳ ಖಾತೆಗೆ ಸೇರುವಂತೆ ತಂತ್ರಜ್ಞಾನವನ್ನೂ ಅಳವಡಿಸಿಕೊಂಡಿದ್ದಾರೆ.
ಈ ಯೋಜನೆಯ ಆರಂಭಕ್ಕೂ ಮುನ್ನ ವ್ಯವಸ್ಥಿತ ತಯಾರಿ ನಡೆದಿದೆ. ಹೈವೆಗಳಲ್ಲಿ ನಿತ್ಯ ಸಂಚರಿಸುವ ವಾಹನಗಳ ಲೆಕ್ಕ ಮತ್ತು ಸುಂಕದ ರೂಪದಲ್ಲಿ ಸಿಗುವ ಸರಾಸರಿ ಅಂದಾಜು ಹಣ ಲೆಕ್ಕ ಹಾಕಲಾಗಿತ್ತು. ಖಾಸಗಿ ಸಂಸ್ಥೆಗಳಿಗೆ ಹೆದ್ದಾರಿ ನಿರ್ಮಾಣ ಜವಾಬ್ದಾರಿ ವಹಿಸುವುದರಿಂದ ಹೆದ್ದಾರಿ ಪ್ರಾಧಿಕಾರಕ್ಕೆ ರಸ್ತೆ ಮಾಡಿಸುವ ಕೆಲಸ ಕಮ್ಮಿಯಾದರೆ, ಟೋಲ್ಗಳಲ್ಲಿ ಕೆಲಸವೂ ಸುಲಭವಾಗುತ್ತದೆ ಎನ್ನುವುದು ಇದರ ಹಿಂದಿನ ಲೆಕ್ಕಾಚಾರ.
ಬೆಂಗಳೂರು: ವಾಹನಗಳಲ್ಲಿ ಫಾಸ್ಟ್ಟ್ಯಾಗ್ ಬಳಕೆ ಕಡ್ಡಾಯಗೊಳಿಸುತ್ತಿದ್ದಂತೆ ಇದನ್ನು ಮಾರಲು ಭಾರಿ ಪೈಪೋಟಿ ನಡೆಯುತ್ತಿದೆ. ಫಾಸ್ಟ್ಟ್ಯಾಗ್ ವಿತರಣೆ ಹಕ್ಕು ಪಡೆದುಕೊಳ್ಳುವುದರ ಹಿಂದೆ ಬ್ಯಾಂಕ್ ಮತ್ತು ಬಹುರಾಷ್ಟ್ರೀಯ ಕಂಪನಿಗಳ ಲಾಭದ ಲೆಕ್ಕಾಚಾರವೇ ಅಡಗಿದೆ.
ನೋಂದಣಿಗೆ 100 ರೂ. ಮಾತ್ರ
ಫಾಸ್ಟ್ ಟ್ಯಾಗ್ ನೋಂದಣಿಗೆ ಏಕರೂಪ ಶುಲ್ಕವಾಗಿ 100 ರೂ. ನಿಗದಿ ಮಾಡಿದ್ದಾರೆ. ಈ ಶುಲ್ಕ ಹೆದ್ದಾರಿ ಪ್ರಾಧಿಕಾರದ ಪಾಲಾಗುತ್ತದೆ. ಈ ಶುಲ್ಕ ತಂತ್ರಜ್ಞಾನ ಮತ್ತು ನಿರ್ವಹಣೆ ವೆಚ್ಚವಾಗಿ ಬಳಕೆಯಾಗಲಿದೆಯಂತೆ. ಆದರೆ ಕೆಲ ಬ್ಯಾಂಕ್ಗಳು ಮತ್ತು ಖಾಸಗಿ ಕಂಪನಿಗಳು ನೋಂದಣಿ ಶುಲ್ಕವನ್ನು ಸೇವಾ ವೆಚ್ಚದ ಹೆಸರಲ್ಲಿ ಸಿಕ್ಕಾಪಟ್ಟೆ ಕಟ್ಟಿಸಿಕೊಳ್ಳುತ್ತಿವೆ. ಇನ್ನು ಕೆಲ ಕಂಪನಿಗಳು ತಮ್ಮ ಕಂಪನಿಯಿಂದಲೇ ಫಾಸ್ಟ್ಟ್ಯಾಗ್ ಹೆಚ್ಚು ಜನ ರಿಜಿಸ್ಟರ್ ಆದರೆ ಹೆಚ್ಚು ಸೇವಾ ಶುಲ್ಕ ಬರಲಿದೆ ಎಂದು ನೋಂದಣಿ ಶುಲ್ಕವನ್ನು ಉಚಿತವಾಗಿ ನೀಡುತ್ತಿದ್ದಾರೆ.
ಕೆಲವರು ಕ್ಯಾಶ್ಬ್ಯಾಕ್ ಆಫರ್ ನೀಡಿ ಜನರನ್ನು ಆಕರ್ಷಿಸುತ್ತಿದ್ದಾರೆ. ಹೆದ್ದಾರಿ ಪ್ರಾಧಿಕಾರ ಫಾಸ್ಟ್ಟ್ಯಾಗ್ ಹಣವನ್ನು ನೇರವಾಗಿ ಡಿಜಿಟಲ್ ರೂಪದಲ್ಲಿ ಬ್ಯಾಂಕ್ಗಳಿಂದ ಸ್ವೀಕರಿಸಿ ನಿರ್ದಿಷ್ಟ ಟೋಲ್ಗಳ ಖಾತೆಗೆ ಜಮೆ ಮಾಡುತ್ತದೆ. ಆಯಾ ಟೋಲಿನ ಸುಂಕ ನಿಖರವಾಗಿ ಟೋಲ್ಗಳ ಖಾತೆಗೆ ಸೇರುವಂತೆ ತಂತ್ರಜ್ಞಾನವನ್ನೂ ಅಳವಡಿಸಿಕೊಂಡಿದ್ದಾರೆ.
ಈ ಯೋಜನೆಯ ಆರಂಭಕ್ಕೂ ಮುನ್ನ ವ್ಯವಸ್ಥಿತ ತಯಾರಿ ನಡೆದಿದೆ. ಹೈವೆಗಳಲ್ಲಿ ನಿತ್ಯ ಸಂಚರಿಸುವ ವಾಹನಗಳ ಲೆಕ್ಕ ಮತ್ತು ಸುಂಕದ ರೂಪದಲ್ಲಿ ಸಿಗುವ ಸರಾಸರಿ ಅಂದಾಜು ಹಣ ಲೆಕ್ಕ ಹಾಕಲಾಗಿತ್ತು. ಖಾಸಗಿ ಸಂಸ್ಥೆಗಳಿಗೆ ಹೆದ್ದಾರಿ ನಿರ್ಮಾಣ ಜವಾಬ್ದಾರಿ ವಹಿಸುವುದರಿಂದ ಹೆದ್ದಾರಿ ಪ್ರಾಧಿಕಾರಕ್ಕೆ ರಸ್ತೆ ಮಾಡಿಸುವ ಕೆಲಸ ಕಮ್ಮಿಯಾದರೆ, ಟೋಲ್ಗಳಲ್ಲಿ ಕೆಲಸವೂ ಸುಲಭವಾಗುತ್ತದೆ ಎನ್ನುವುದು ಇದರ ಹಿಂದಿನ ಲೆಕ್ಕಾಚಾರ.