ಕೆಪಿಸಿಸಿ ಕಚೇರಿಯಲ್ಲಿ ಸುದ್ದಿಗೋಷ್ಠಿ ನಡೆಸಿ ಶುಕ್ರವಾರ ಮಾತನಾಡಿ,''11 ಬ್ಯಾಂಕ್‌ಗಳ ನಾನಾ ಹಗರಣದಿಂದ 61 ಸಾವಿರ ಕೋಟಿ ರೂ. ನಷ್ಟವಾಗಿದೆ. ನೀರವ್‌ ಮೋದಿ ಚೋಟಾ ಮೋದಿ ನಂಬರ್‌- 2 ಆಗಿದ್ದಾನೆ. ಈತನ ವಿರುದ್ಧ ಕ್ರಮ ಕೈಗೊಳ್ಳಲಾಗಿಲ್ಲ,''ಎಂದರು.
ಪ್ರಧಾನಿ ಹೊಣೆ
''ಸಿಬಿಎಸ್‌ಇ ಪರೀಕ್ಷೆ ಪ್ರಶ್ನೆ ಪತ್ರಿಕೆ ಸೋರಿಕೆಗೆ ಪ್ರಧಾನಿ ನರೇಂದ್ರ ಮೋದಿ, ಮಾನವ ಸಂಪನ್ಮೂಲ ಸಚಿವ ಪ್ರಕಾಶ್‌ ಜಾವಡೇಕರ್‌ ಹಾಗೂ ಬಿಜೆಪಿ ಅಧ್ಯಕ್ಷ ಅಮಿತ್‌ ಶಾ ಅವರೇ ಕಾರಣ,'' ಎಂದು ಆರೋಪಿಸಿದ್ದಾರೆ.
''ಸಿಬಿಎಸ್‌ಇ ಮಂಡಳಿ ಅಧ್ಯಕ್ಷರ ಸ್ಥಾನವನ್ನು 2 ವರ್ಷ ಖಾಲಿ ಬಿಡಲಾಗಿತ್ತು. ಮಂಡಳಿಯಲ್ಲಿ ಅಕ್ರಮಕ್ಕೂ ಅವಕಾಶ ಮಾಡಿಕೊಡಲಾಗಿದೆ. ಪ್ರಶ್ನೆ ಪತ್ರಿಕೆ ಸೋರಿಕೆಯಾದದ್ದರಿಂದ ಮೋದಿ ಸರಕಾರವೂ ಸೋರಿಕೆ ಸರಕಾರವಾಗಿದೆ,'' ಎಂದು ತರಾಟೆಗೆ ತೆಗೆದುಕೊಂಡರು.