ಬೆಂಗಳೂರು: ಉದ್ಯಮಿ ಗೌತಮ್ ಅದಾನಿ ಅವರನ್ನು ರಕ್ಷಣೆ ಮಾಡಲು ಸಿನಿಮಾ ನಟ ಶಾರುಖ್ ಖಾನ್ ಪುತ್ರನ ಬಂಧನ ಮಾಡಲಾಗಿದೆ ಎಂದು ವಿಧಾನಪರಿಷತ್ ಸದಸ್ಯ ಬಿ.ಕೆ ಹರಿಪ್ರಸಾದ್ ಗಂಭೀರ ಆರೋಪ ಮಾಡಿದ್ದಾರೆ.
ಅದಾನಿಯನ್ನು ರಕ್ಷಣೆ ಮಾಡಲು ಶಾರುಖ್ ಖಾನ್ ಪುತ್ರನ ಬಂಧನ ಮಾಡಲಾಗಿದೆ ಎಂದು ಆರೋಪ ಮಾಡಿದ ಅವರು, ಅದಾನಿ ಪೋರ್ಟ್‌ನಲ್ಲಿ ಸಿಕ್ಕಿದ ಡ್ರಗ್ಸ್ ಪ್ರಕರಣವನ್ನು ಬೇರೆಡೆ ತಿರುಗಿಸುವ ಉದ್ದೇಶ ಇದು ಎಂದರು.
ಇದು ಸಂತೋಷ ಪರುವ ವಿಚಾರವಲ್ಲ
ಇದೇ ಸಂದರ್ಭದಲ್ಲಿ ನೂರು ಕೋಟಿ ವ್ಯಾಕ್ಸಿನೇಷನ್ ನೀಡಿರುವ ವಿಚಾರವಾಗಿ ಸಂಭ್ರಮಾಚರಣೆಯನ್ನು ವಿರೋಧಿಸಿದ ಅವರು, ಪ್ರಪಂಚದಲ್ಲಿ ಕೋವಿಡ್ ಜನರನ್ನು ಸಂಕಷ್ಟಕ್ಕೆ ಸೃಷ್ಟಿ ಮಾಡಿತ್ತು. ಕೇವಲ ಸರ್ಕಾರದ ಮಾತ್ರ ಅಲ್ಲ ಎಲ್ಲರೂ ವಿಫಲರಾಗಿದ್ದೇವೆ. ನೂರು ಕೋಟಿ ಲಸಿಕೆ ನೀಡಿದ್ದೇವೆ ಎಂಬುದು ಸಂತೋಷ ಪಡುವ ವಿಚಾರ ಅಲ್ಲ.
ಪ್ರತಿಯೊಬ್ಬರೂ ಕೋವಿಡ್ ನೋವು ತಟ್ಟಿದೆ. ಸತ್ತವರ ಸಂಖ್ಯೆಯನ್ನು ಸರಿಯಾಗಿ ನೀಡುವ ಜವಾಬ್ದಾರಿ ನಿರ್ವಹಣೆ ಮಾಡಿಲ್ಲ ಎಂದು ಕಿಡಿಕಾರಿದರು.
ಎಷ್ಟು ಸರ್ಕಾರಿ ಆಸ್ಪತ್ರೆ, ಎಷ್ಟು ಖಾಸಗಿ ಆಸ್ಪತ್ರೆಯಲ್ಲಿ ನೀಡಿದ್ದಾರೆ ಎಂದು ತಿಳಿಸಿಲ್ಲ. ಕೋವಿಡ್ ಹೇಗೆ ಎದುರಿಸಬೇಕು ಎಂದು ಹೇಳಿಲ್ಲ. ಮೊದಲನೇ ಡೋಸ್ ನೂರು ಕೋಟಿ ಜನರಿಗೆ ಕೊಡಲಾಗಿದೆ ಎನ್ನುತ್ತಾರೆ. ಬೇರೆ ರಾಷ್ಟ್ರಗಳಲ್ಲಿ ಬೂಸ್ಟರ್ ಡೋಸ್ ಕೊಡುತ್ತಿದ್ದಾರೆ. ಆದರೆ ಪ್ರಧಾನಿ ಕೇವಲ ಪದ ಪುಂಜ ಪ್ರಯೋಗ ಮಾಡಿದರೆ ಪ್ರಯೋಜನ ಇಲ್ಲ. ಅಮೆರಿಕಾದಲ್ಲಿ ಎರಡು ಡೋಸ್ ಆಗಿ ಈಗ ಬೂಸ್ಟರ್ ಕೊಡುತ್ತಿದ್ದಾರೆ ಎಂದರು.
ಲಸಿಕೆ ವಿಚಾರವಾಗಿ ಸಂಭ್ರಮದ ಬದಲು ಕ್ಷಮಾಪಣೆ ಕೇಳಬೇಕು. ದೊಡ್ಡ ಮಟ್ಟದಲ್ಲಿ ಜನ ಪ್ರಾಣ ಕಳೆದುಕೊಂಡಿದ್ದಾರೆ. ಕೋವಿಡ್ ವಾರಿಯರ್ಸ್‌ಗೆ ಭತ್ಯೆ ಕೊಡುವ ಬಗ್ಗೆ ಚಕಾರ ಎತ್ತಿಲ್ಲ. ಕೋ ವ್ಯಾಕ್ಸಿನ್‌ಗೆ ಇನ್ನೂ ಮಾನ್ಯತೆ ಸಿಕ್ಕಿಲ್ಲ. ಎಷ್ಟು ಜನ ಕೋವ್ಯಾಕ್ಸಿನ್ ಹಾಗೂ ಕೋವಿಶೀಲ್ಡ್ ತೆಗೆದುಕೊಂಡಿದ್ದಾರೆ ಎಂದು ಸ್ಪಷ್ಟನೆ ನೀಡಬೇಕು ಎಂದು ಒತ್ತಾಯಿಸಿದ ಅವರು, ವಿಕೃತ ಮನೋಭಾವದವರು ಇದನ್ನು ಸಂಭ್ರಮಿಸಬಹುದು. ಸಾಮಾನ್ಯರು ಸಂಭ್ರಮಿಸಲು ಸಾಧ್ಯವಿಲ್ಲ ಎಂದು ಲಸಿಕೆ ಸಂಭ್ರಮಾಚರಣೆಗೆ ವಾಗ್ದಾಳಿ ನಡೆಸಿದರು.
ಅದಾನಿಯನ್ನು ರಕ್ಷಣೆ ಮಾಡಲು ಶಾರುಖ್ ಖಾನ್ ಪುತ್ರನ ಬಂಧನ ಮಾಡಲಾಗಿದೆ ಎಂದು ಆರೋಪ ಮಾಡಿದ ಅವರು, ಅದಾನಿ ಪೋರ್ಟ್‌ನಲ್ಲಿ ಸಿಕ್ಕಿದ ಡ್ರಗ್ಸ್ ಪ್ರಕರಣವನ್ನು ಬೇರೆಡೆ ತಿರುಗಿಸುವ ಉದ್ದೇಶ ಇದು ಎಂದರು.
ಇದು ಸಂತೋಷ ಪರುವ ವಿಚಾರವಲ್ಲ
ಇದೇ ಸಂದರ್ಭದಲ್ಲಿ ನೂರು ಕೋಟಿ ವ್ಯಾಕ್ಸಿನೇಷನ್ ನೀಡಿರುವ ವಿಚಾರವಾಗಿ ಸಂಭ್ರಮಾಚರಣೆಯನ್ನು ವಿರೋಧಿಸಿದ ಅವರು, ಪ್ರಪಂಚದಲ್ಲಿ ಕೋವಿಡ್ ಜನರನ್ನು ಸಂಕಷ್ಟಕ್ಕೆ ಸೃಷ್ಟಿ ಮಾಡಿತ್ತು. ಕೇವಲ ಸರ್ಕಾರದ ಮಾತ್ರ ಅಲ್ಲ ಎಲ್ಲರೂ ವಿಫಲರಾಗಿದ್ದೇವೆ. ನೂರು ಕೋಟಿ ಲಸಿಕೆ ನೀಡಿದ್ದೇವೆ ಎಂಬುದು ಸಂತೋಷ ಪಡುವ ವಿಚಾರ ಅಲ್ಲ.
ಪ್ರತಿಯೊಬ್ಬರೂ ಕೋವಿಡ್ ನೋವು ತಟ್ಟಿದೆ. ಸತ್ತವರ ಸಂಖ್ಯೆಯನ್ನು ಸರಿಯಾಗಿ ನೀಡುವ ಜವಾಬ್ದಾರಿ ನಿರ್ವಹಣೆ ಮಾಡಿಲ್ಲ ಎಂದು ಕಿಡಿಕಾರಿದರು.
ಎಷ್ಟು ಸರ್ಕಾರಿ ಆಸ್ಪತ್ರೆ, ಎಷ್ಟು ಖಾಸಗಿ ಆಸ್ಪತ್ರೆಯಲ್ಲಿ ನೀಡಿದ್ದಾರೆ ಎಂದು ತಿಳಿಸಿಲ್ಲ. ಕೋವಿಡ್ ಹೇಗೆ ಎದುರಿಸಬೇಕು ಎಂದು ಹೇಳಿಲ್ಲ. ಮೊದಲನೇ ಡೋಸ್ ನೂರು ಕೋಟಿ ಜನರಿಗೆ ಕೊಡಲಾಗಿದೆ ಎನ್ನುತ್ತಾರೆ. ಬೇರೆ ರಾಷ್ಟ್ರಗಳಲ್ಲಿ ಬೂಸ್ಟರ್ ಡೋಸ್ ಕೊಡುತ್ತಿದ್ದಾರೆ. ಆದರೆ ಪ್ರಧಾನಿ ಕೇವಲ ಪದ ಪುಂಜ ಪ್ರಯೋಗ ಮಾಡಿದರೆ ಪ್ರಯೋಜನ ಇಲ್ಲ. ಅಮೆರಿಕಾದಲ್ಲಿ ಎರಡು ಡೋಸ್ ಆಗಿ ಈಗ ಬೂಸ್ಟರ್ ಕೊಡುತ್ತಿದ್ದಾರೆ ಎಂದರು.
ಲಸಿಕೆ ವಿಚಾರವಾಗಿ ಸಂಭ್ರಮದ ಬದಲು ಕ್ಷಮಾಪಣೆ ಕೇಳಬೇಕು. ದೊಡ್ಡ ಮಟ್ಟದಲ್ಲಿ ಜನ ಪ್ರಾಣ ಕಳೆದುಕೊಂಡಿದ್ದಾರೆ. ಕೋವಿಡ್ ವಾರಿಯರ್ಸ್‌ಗೆ ಭತ್ಯೆ ಕೊಡುವ ಬಗ್ಗೆ ಚಕಾರ ಎತ್ತಿಲ್ಲ. ಕೋ ವ್ಯಾಕ್ಸಿನ್‌ಗೆ ಇನ್ನೂ ಮಾನ್ಯತೆ ಸಿಕ್ಕಿಲ್ಲ. ಎಷ್ಟು ಜನ ಕೋವ್ಯಾಕ್ಸಿನ್ ಹಾಗೂ ಕೋವಿಶೀಲ್ಡ್ ತೆಗೆದುಕೊಂಡಿದ್ದಾರೆ ಎಂದು ಸ್ಪಷ್ಟನೆ ನೀಡಬೇಕು ಎಂದು ಒತ್ತಾಯಿಸಿದ ಅವರು, ವಿಕೃತ ಮನೋಭಾವದವರು ಇದನ್ನು ಸಂಭ್ರಮಿಸಬಹುದು. ಸಾಮಾನ್ಯರು ಸಂಭ್ರಮಿಸಲು ಸಾಧ್ಯವಿಲ್ಲ ಎಂದು ಲಸಿಕೆ ಸಂಭ್ರಮಾಚರಣೆಗೆ ವಾಗ್ದಾಳಿ ನಡೆಸಿದರು.