ಮೀರುತ್ತಲೇ ಇದೆ ಸಂಪುಟ ಸರ್ಜರಿಯ ಡೆಡ್‌ಲೈನ್‌..! ಈ ಬಾರಿಯಾದ್ರೂ ವಿಸ್ತರಣೆಯಾಗುತ್ತಾ ಕ್ಯಾಬಿನೆಟ್‌..?

ಬೆಂಗಳೂರು: ಸಂಪುಟ ವಿಸ್ತರಣೆಗೆ ಸಂಬಂಧಪಟ್ಟಂತೆ ಸಿಎಂ ಯಡಿಯೂರಪ್ಪ ನೀಡುತ್ತಿರುವ ಡೆಡ್‌ಲೈನ್‌ ಮೀರುತ್ತಲೇ ಇದೆ. ಕಳೆದ ಮೂರು ತಿಂಗಳ ಅವಧಿಯಲ್ಲಿ ನಾಲ್ಕು ಬಾರಿ 'ಸಂಪುಟ'ದ ಸರ್ಜರಿಯ 'ಅವಧಿ' ವಿಸ್ತರಣೆಯಾಗಿದೆ.

ಕಳೆದ ಮೂರು ದಿನಗಳಿಂದ ಮೈಸೂರು ಪ್ರವಾಸದಲ್ಲಿರುವ ಯಡಿಯೂರಪ್ಪ ಮತ್ತೊಮ್ಮೆ 'ಮೂರ್ನಾಲ್ಕು' ದಿನದಲ್ಲಿ ಸಂಪುಟ ವಿಸ್ತರಣೆಯ ಮಾತಾಡಿದ್ದಾರೆ. ಆದರೆ, ಪಕ್ಷದೊಳಗೆ ನಡೆಯುತ್ತಿರುವ ಚಟುವಟಿಕೆಗಳನ್ನು ಗಮನಿಸಿದಾಗ ಈ ಬಾರಿಯೂ ಗಡುವಿನೊಳಗೆ ಸಂಪುಟ ವಿಸ್ತರಣೆ-ಪುನರ್‌ರಚನೆ ನಡೆಯುವುದೇ ಅನುಮಾನ ಎಂದು ರಾಜಕೀಯ ವಲಯದಲ್ಲಿ ವ್ಯಾಖ್ಯಾನಿಸಲಾಗುತ್ತಿದೆ.

ಸೆಪ್ಟಂಬರ್‌ ಮೊದಲ ವಾರ ಸಂಪುಟ ವಿಸ್ತರಣೆ ಬೇಡಿಕೆ ಬಂದಾಗ ಕೆಲವೇ ದಿನದಲ್ಲಿ ವರಿಷ್ಠರನ್ನು ಭೇಟಿ ಮಾಡುವ ಭರವಸೆ ನೀಡಿದ್ದರು. ಆದರೆ, ಸೆಪ್ಟಂಬರ್‌ 15ರವರೆಗೂ ದಿಲ್ಲಿಗೆ ಬರುವುದಕ್ಕೆ ಹೈಕಮಾಂಡ್‌ನಿಂದ ಒಪ್ಪಿಗೆ ಲಭಿಸಿರಲಿಲ್ಲ. ಸೆಪ್ಟಂಬರ್‌ 15ರಂದು ಕಲಬುರಗಿ ವಿಮಾನ ನಿಲ್ದಾಣದ ಮೂಲಕ ದಿಲ್ಲಿಗೆ ತೆರಳಿ ಜೆ.ಪಿ.ನಡ್ಡಾ, ಅಮಿತ್‌ ಶಾ ಹಾಗೂ ಪ್ರಧಾನಿ ಮೋದಿ ಭೇಟಿ ಮಾಡಿ ಬಂದಿದ್ದರು.

ಯೋಗೇಶ್ವರ್‌ ಪರ ರಮೇಶ್‌ ಜಾರಕಿಹೊಳಿ ಬ್ಯಾಟಿಂಗ್‌ಗೆ ಪ್ರೀತಿಗಿಂತ ದ್ವೇಷವೇ ಕಾರಣ..!

ಕೆಲವೇ ದಿನಗಳಲ್ಲಿ ವರಿಷ್ಠರ ಸೂಚನೆ ಆಧರಿಸಿ ಸಂಪುಟ ವಿಸ್ತರಣೆ ಮಾಡುತ್ತೇನೆ ಎಂದು ಹೇಳಿಕೆ ನೀಡಿದ್ದರು. ಉತ್ತರ ಕರ್ನಾಟಕ ಭಾಗದಲ್ಲಿ ಮತ್ತೆ ಪ್ರವಾಹ, ಉಪಚುನಾವಣೆ ಹಿನ್ನೆಲೆಯಲ್ಲಿ ಸಂಪುಟ ವಿಸ್ತರಣೆ ಪ್ರಕ್ರಿಯೆ ಮುಂದೂಡಿಕೆಯಾಗಿತ್ತು. ನವೆಂಬರ್‌ 18ರಂದು ಮತ್ತೊಮ್ಮೆ ದಿಲ್ಲಿಗೆ ಭೇಟಿ ಕೊಟ್ಟು ಬಂದು ಮೂರ್ನಾಲ್ಕು ದಿನಗಳಲ್ಲಿ ಸಂಪುಟ ವಿಸ್ತರಣೆ ಮಾಡುವ ಡೆಡ್‌ಲೈನ್‌ ನೀಡಿದ್ದರು. ಅದು ಮುಕ್ತಾಯಗೊಂಡ ಬಳಿಕ ಈಗ ಮೈಸೂರಿನಲ್ಲಿ ಮತ್ತೊಮ್ಮೆ ಡೆಡ್‌ಲೈನ್‌ ನಿಗದಿ ಮಾಡಿಕೊಂಡಿರುವುದು ಕುತೂಹಲಕ್ಕೆ ಕಾರಣವಾಗಿದೆ.

ಸಚಿವ ಸ್ಥಾನಕ್ಕಾಗಿ ಮೂಲ-ವಲಸಿಗರ ತಿಕ್ಕಾಟ..! ಜಾರಕಿಹೊಳಿ, ರೇಣುಕಾಚಾರ್ಯ ಮನೆಯಲ್ಲಿ ಪ್ರತ್ಯೇಕ ಸಭೆ