ಕಾಫಿ ಡೇ ಸಿದ್ದಾರ್ಥ ತಂದೆಗೆ ಮುಂದುವರೆದ ಚಿಕಿತ್ಸೆ

ಚಿಕ್ಕಮಗಳೂರು: ಕೆಫೆ ಕಾಫಿ ಡೇ ಮಾಲೀಕ ವಿ.ಜಿ.ಸಿದ್ದಾರ್ಥ ಹೆಗ್ಡೆ ಅವರ ತಂದೆ ಸ್ಥಿತಿ ಸ್ಪಲ್ಪವೂ ಸುಧಾರಿಸಿಲ್ಲ. ಮಗನ ಸಾವಿಗೂ ಮುನ್ನವೇ ಮೈಸೂರಿನ ಖಾಸಗಿ ಆಸ್ಪತ್ರೆಗೆ ದಾಖಲಾಗಿದ್ದ ಅವರಿಗೆ ಚಿಕಿತ್ಸೆಯನ್ನು ಮುಂದುವರಿಸಲಾಗಿದೆ.

ಜುಲೈ29 ರಂದು ಸಿದ್ದಾರ್ಥ ಹೆಗ್ಡೆ ಉಳ್ಳಾಲದ ಸೇತುವೆ ಬಳಿ ನೇತ್ರಾವತಿ ನದಿಗೆ ಹಾರಿ ಆತ್ಮಹತ್ಯೆ ಮಾಡಿಕೊಂಡಿದ್ದರು. ಇದಕ್ಕೂ ಮುನ್ನ ಮೈಸೂರಿನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ತಂದೆಯನ್ನು ಭೇಟಿ ಮಾಡಿದ್ದರು.

ಸಿದ್ದಾರ್ಥ ಹೆಗ್ಡೆ ಆತ್ಮಹತ್ಯೆ ಮಾಡಿಕೊಂಡ ವಿಷಯವನ್ನು ಕೊನೆವರೆಗೂ ತಂದೆಗೆ ಹೇಳಿರಲಿಲ್ಲ.