ಪದತ್ಯಾಗದ ವೇಳೆಯಲ್ಲಿ ಎಚ್ಡಿಕೆಗೆ ದೋಸ್ತಿಗಳ ಸಾಥ್‌

ಬೆಂಗಳೂರು : ಎಚ್‌. ಡಿ. ಕುಮಾರಸ್ವಾಮಿ ಅವರ ರಾಜೀನಾಮೆ ಸಲ್ಲಿಕೆ ವೇಳೆ ಸರಕಾರದಲ್ಲಿ ದೋಸ್ತಿ ಪಕ್ಷಕ್ಕೆ ಸೇರಿದ ಡಾ.ಜಿ.ಪರಮೇಶ್ವರ ಹಾಗೂ ಡಿ.ಕೆ.ಶಿವಕುಮಾರ್‌ ಹಾಜರಿ ಗಮನ ಸೆಳೆಯಿತು.

ವಿಧಾನಸೌಧದಿಂದ ನೇರವಾಗಿ ರಾಜಭವನಕ್ಕೆ ತೆರಳಿದ ಸಿಎಂ ಕುಮಾರಸ್ವಾಮಿ ಜತೆ ದೋಸ್ತಿ ಪಕ್ಷದ ಈ ಇಬ್ಬರೂ ಮುಖಂಡರು ಜತೆಗಿದ್ದರು. ಸರಕಾರದಲ್ಲಿ ಕಾಂಗ್ರೆಸ್‌ ಪ್ರತಿನಿಧಿಸಿದ್ದ ಡಾ.ಪರಮೇಶ್ವರ ಹಾಗೂ ಶಿವಕುಮಾರ್‌ ಕೊನೆವರೆಗೂ ಸಿಎಂ ಜತೆಗಿದ್ದರು. ಸರಕಾರ ಉಳಿಸಿಕೊಳ್ಳಲು ಎರಡೂ ಪಕ್ಷಗಳ ಮುಖಂಡರು ಕಸರತ್ತು ನಡೆಸಿದ್ದರೆ, ಶಿವಕುಮಾರ್‌ ವಿಶೇಷ ಕಾಳಜಿ ವಹಿಸಿದ್ದರು.

ಸಿಎಂ ಸಂಪುಟದಲ್ಲಿದ್ದ ಸಾ.ರಾ.ಮಹೇಶ್‌, ಎಚ್‌.ಡಿ.ರೇವಣ್ಣ, ವೆಂಕಟರಾವ್‌ ನಾಡಗೌಡ, ಶಾಸಕ ಶಿವಲಿಂಗೇಗೌಡ, ಮೇಲ್ಮನೆ ಸದಸ್ಯ ಚೌಡರೆಡ್ಡಿ ತೂಪಲ್ಲಿ ಕೂಡ ಕುಮಾರಸ್ವಾಮಿ ಜತೆಗಿದ್ದರು.