ಕೊರೊನಾ ತ್ಯಾಜ್ಯ ವಿಲೇವಾರಿಗೆ ಬಣ್ಣದ ಚೀಲ: ರಾಜ್ಯ ಸರಕಾರದ ಹೊಸ ನಿಯಮ ಹೀಗಿದೆ..

ಬೆಂಗಳೂರು: ಕೊರೊನಾ ಸೋಂಕಿತರಿಂದ ಉತ್ಪತ್ತಿಯಾಗುತ್ತಿರುವ ಜೈವಿಕ ವೈದ್ಯಕೀಯ ತ್ಯಾಜ್ಯವನ್ನು ಪ್ರತ್ಯೇಕವಾಗಿ ವಿಲೇವಾರಿ ಮಾಡಲು ರಾಜ್ಯ ಸರಕಾರ ಹೊಸ ನಿಯಮ ರೂಪಿಸಿದೆ.

ಕೇಂದ್ರ ಮಾಲಿನ್ಯ ನಿಯಂತ್ರಣ ಮಂಡಳಿ ಈ ಹಿಂದೆ ಇಡೀ ದೇಶಕ್ಕೆ ಅನ್ವಯವಾಗುವಂತೆ ಮಾರ್ಗಸೂಚಿ ರೂಪಿಸಿತ್ತು. ಈಗ ರಾಜ್ಯದ ಆರೋಗ್ಯ ಕ್ಷೇತ್ರವನ್ನು ಗಮನದಲ್ಲಿರಿಸಿಕೊಂಡು ಎಸ್ಒಪಿ (ಸ್ಟಾಂಡರ್ಡ್‌ ಆಪರೇಟಿಂಗ್‌ ಪ್ರೊಸೀಜರ್‌) ರೂಪಿಸಲಾಗಿದೆ. ಸೋಂಕಿತರು ಮತ್ತು ಕ್ವಾರಂಟೈನ್‌ನಲ್ಲಿದ್ದವರ ತ್ಯಾಜ್ಯವನ್ನು (ಬಟ್ಟೆ, ಟಿಶ್ಯೂ, ಬಳಸಿ ಬಿಸಾಡುವ ತಟ್ಟೆ ಇತ್ಯಾದಿ) ಎಚ್ಚರಿಕೆಯಿಂದ ವಿಲೇವಾರಿ ಮಾಡಬೇಕೆಂದು ಸೂಚಿಸಲಾಗಿದೆ. ಈ ಹೊಣೆಯನ್ನು ಸ್ಥಳೀಯ ಸಂಸ್ಥೆಗಳು ಹಾಗೂ ವೈದ್ಯಕೀಯ ತ್ಯಾಜ್ಯ ನಿರ್ವಹಣೆಗೆ ನಿಯೋಜಿಸಿದ ನೋಡಲ್‌ ಅಧಿಕಾರಿಗೆ ವಹಿಸಲಾಗಿದೆ. ಫೀವರ್‌ ಕ್ಲಿನಿಕ್‌, ಕೋವಿಡ್‌ ಆಸ್ಪತ್ರೆ, ಐಸಿಯು, ಗಂಟಲ ದ್ರವ ಮಾದರಿ ಸಂಗ್ರಹ ಕೇಂದ್ರಗಳ ಬಗ್ಗೆ ಅಧಿಕಾರಿಗಳು ರಾಜ್ಯ ಮಾಲಿನ್ಯ ನಿಯಂತ್ರಣ ಮಂಡಳಿಗೆ ಮಾಹಿತಿ ನೀಡಿ ಪ್ರತಿ ದಿನ ಕಸ ಜೈವಿಕ ವೈದ್ಯಕೀಯ ತ್ಯಾಜ್ಯ ಘಟಕಕ್ಕೆ ವಿಲೇವಾರಿ ಮಾಡಲು ತಿಳಿಸಲಾಗಿದೆ.

ಇತರ ಕ್ರಮಗಳು
* ಕಸ ಸಂಗ್ರಹಿಸುವ ವಾಹನ, ಚೀಲದ ಮೇಲೆ ‘ಕೋವಿಡ್-19’ ಎಂದು ಇರಬೇಕು.
* ಬೇರೆ ತ್ಯಾಜ್ಯದೊಂದಿಗೆ ಬೆರೆಸುವಂತಿಲ್ಲ.
* ತ್ಯಾಜ್ಯ ಸಂಗ್ರಹಿಸಲು ಪ್ರತ್ಯೇಕ ವಾಹನ, ಸಿಬ್ಬಂದಿ ಬಳಕೆ.
* ಕಸ ಸಂಗ್ರಹಿಸಿದ ಬಳಿಕ ಆ ಚೀಲಗಳ ಮೇಲೆ ಹೈಪೋಕ್ಲೋರೈಟ್‌ ದ್ರಾವಣ ಸಿಂಪಡಿಸಬೇಕು.

ಉಡುಪಿ: ಹೆಜಮಾಡಿ ಯುವಕ ಅಬುಧಾಬಿಯಲ್ಲಿ ಕೊರೊನಾಗೆ ಬಲಿ
ನೀಲಿ ಚೀಲ
-ಗಾಜಿನ ಕಸ
-ಒಡೆದ ಟ್ಯೂಬ್‌ ಲೈಟ್‌

ಬೆಂಗಳೂರು ಲಾಕ್‌ಡೌನ್‌ Live: ಖಾಸಗಿ ಆಸ್ಪತ್ರೆಗಳಲ್ಲಿ ಕೋವಿಡ್‌ 19 ಟೆಸ್ಟ್‌ ಕಡ್ಡಾಯ!

ಹಳದಿ ಚೀಲ
-ಬಳಸಿದ ಹತ್ತಿ
-ಡ್ರೆಸ್ಸಿಂಗ್ಸ್‌ ಬಟ್ಟೆಗಳು
- ಮಾಸ್ಕ್‌
-ಸ್ವಾಬ್‌ ಸ್ಟಿಕ್‌
-ಮಾತ್ರೆ

ಮುಂದಿನ ದಿನಗಳಲ್ಲಿ ಕೊರೊನಾ ಸೆಕೆಂಡ್ ಇನಿಂಗ್ಸ್ ಆಟ ಶುರು: WHO ಎಚ್ಚರಿಕೆ

ಕೆಂಪು ಚೀಲ
-ಕನ್ನಡಕ
-ಫೇಸ್‌ಶೀಲ್ಡ್‌
-ಏಪ್ರನ್‌
-ಪ್ಲಾಸ್ಟಿಕ್‌ ಪ್ಲೇಟ್‌

ಬಿಳಿ ಚೀಲ
-ಸೂಜಿ
-ಇನ್ಸುಲಿನ್‌ ಸಿರಿಂಜ್‌
-ಬ್ಲೇಡ್‌