ರಾಜ್ಯದಲ್ಲಿ ಕೊರೊನಾ ಮಹಾ ಸ್ಫೋಟ..! 10 ಸಾವಿರಕ್ಕೂ ಹೆಚ್ಚು ಹೊಸ ಕೇಸ್‌

ಬೆಂಗಳೂರು: ರಾಜ್ಯದಲ್ಲಿ ಮಂಗಳವಾರ ಕೊರೊನಾ ವೈರಸ್‌ ಮಹಾಸ್ಫೋಟವಾಗಿದ್ದು, ದಾಖಲೆ ಎಂಬಂತೆ ಇದೇ ಮೊದಲ ಬಾರಿಗೆ ಹೊಸ ಪಾಸಿಟಿವ್‌ ಕೇಸ್‌ಗಳ ಸಂಖ್ಯೆ 10 ಸಾವಿರದ ಗಡಿ ದಾಟಿದೆ. 10,453 ಹೊಸ ಪ್ರಕರಣಗಳು ಮಂಗಳವಾರ ಕಂಡುಬಂದಿವೆ. ಬೆಂಗಳೂರಿನಲ್ಲಿಯೂ ಕೂಡ ದಾಖಲೆಯ ಸಂಖ್ಯೆಯ ನವ ಸೋಂಕಿತರು ಕಂಡುಬಂದಿದ್ದಾರೆ.

ಮಂಗಳವಾರ 6628 ಜನ ಸೋಂಕಿನಿಂದ ಚೇತರಿಸಿಕೊಂಡು ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. ಜೊತೆಗೆ ಈ ದಿನ 136 ಜನ ಮಾರಣಾಂತಿಕ ವೈರಸ್‌ಗೆ ಬಲಿಯಾಗಿದ್ದಾರೆ. ಇನ್ನು, ಹೊಸ ಕೇಸ್‌ಗಳೊಂದಿಗೆ ಒಟ್ಟು ಸೋಂಕಿತರ ಸಂಖ್ಯೆ 5,92,911ಕ್ಕೆ ಏರಿದೆ. ಗುಣಮುಖರ ಸಂಖ್ಯೆಯೂ ಕೂಡ 4,76,378ಕ್ಕೆ ಹೆಚ್ಚಿದೆ. ಇದುವರೆಗೂ 8,777 ಜನ ಸೋಂಕು ಸಂಬಂಧಿ ಸಾವನ್ನಪ್ಪಿದ್ದಾರೆ.

ರಾಜ್ಯದಲ್ಲಷ್ಟೇ ಅಲ್ಲದೇ ಬೆಂಗಳೂರಿನಲ್ಲಿಯೂ ಮಂಗಳವಾರ ರಾಜಧಾನಿಯಲ್ಲೂ ಸೋಂಕಿನ ಅಬ್ಬರ ಜೋರಾಗಿದೆ. ಬೆಂಗಳೂರಿನಲ್ಲಿ 4,868 ಪಾಸಿಟಿವ್‌ ಪ್ರಕರಣಗಳು ಕಂಡುಬಂದಿವೆ. ಇದರೊಂದಿಗೆ ಸಿಲಿಕಾನ್‌ ಸಿಟಿಯಲ್ಲಿ ಸೋಂಕಿತರ ಸಂಖ್ಯೆ 2,28,437ಕ್ಕೆ ಏರಿದೆ. ಇದರಲ್ಲಿ 1,78,914 ಜನ ಗುಣಮುಖರಾಗಿದ್ದರೆ, 46,610 ಪ್ರಕರಣಗಳು ಸಕ್ರಿಯವಾಗಿದ್ದು, 2,912 ಜನ ಸಾವನ್ನಪ್ಪಿದ್ದಾರೆ.

ರಾಜ್ಯದಲ್ಲಿ ಇಳಿಕೆಯತ್ತ ಕೊರೊನಾ..! 7 ಸಾವಿರ ಹೊಸ ಕೇಸ್‌, ಬೆಂಗಳೂರಲ್ಲಿ 2 ಲಕ್ಷದ ಗಡಿಗೆ ಸೋಂಕು

ಬೆಂಗಳೂರು ಹೊರತುಪಡಿಸಿ ಹಾಸನ, ಮೈಸೂರಿನಲ್ಲಿ ಹೆಚ್ಚಿನ ಪಾಸಿಟಿವ್ ಕೇಸ್‌ಗಳು ಕಂಡುಬಂದಿವೆ. ಎರಡು ಜಿಲ್ಲೆಗಳಲ್ಲಿ ಕ್ರಮವಾಗಿ 475 ಹಾಗೂ 414 ಹೊಸ ಕೇಸ್‌ಗಳು ಪತ್ತೆಯಾಗಿವೆ. ಇನ್ನು, ಬಾಗಲಕೋಟೆಯಲ್ಲಿ 128, ಬಳ್ಳಾರಿ 313, ಬೆಳಗಾವಿ 128, ಬೆಂಗಳೂರು ಗ್ರಾಮಾಂತರ 105, ಬೀದರ್‌ 70, ಚಾಮರಾಜನಗರ 122, ಚಿಕ್ಕಬಳ್ಳಾಪುರ 141 ಹಾಗೂ ಚಿಕ್ಕಮಗಳೂರಿನಲ್ಲಿ 177 ಕೇಸ್‌ಗಳು ಕಂಡುಬಂದಿವೆ.

ರಾಜ್ಯದಲ್ಲಿ 5 ಲಕ್ಷದ ಗಡಿ ದಾಟಿದ ಕೊರೊನಾ..! ಒಂದೇ ದಿನ ದಾಖಲೆಯ 179 ಜನ ಸೋಂಕಿಗೆ ಬಲಿ

ಚಿತ್ರದುರ್ಗದಲ್ಲಿ 186, ದಕ್ಷಿಣ ಕನ್ನಡ 362, ದಾವಣಗೆರೆ 288, ಧಾರವಾಡ 145, ಗದಗ 111, ಹಾವೇರಿ 75, ಕಲಬುರಗಿ 161, ಕೊಡಗು 57, ಕೋಲಾರ 72, ಕೊಪ್ಪಳ 143, ಮಂಡ್ಯ 259, ರಾಯಚೂರು 100, ರಾಮನಗರ 10, ಶಿವಮೊಗ್ಗ 347, ತುಮಕೂರು 297, ಉತ್ತರ ಕನ್ನಡ 125, ವಿಜಯಪುರ 138 ಹಾಗೂ ಯಾದಗಿರಿಯಲ್ಲಿ 117 ಹೊಸ ಕೇಸ್‌ಗಳು ಪತ್ತೆಯಾಗಿವೆ.