ರಾಜ್ಯದಲ್ಲಿ ತಗ್ಗಿ ಬೆಂಗಳೂರಿನಲ್ಲಿ ಅಬ್ಬರ ಮುಂದುವರಿಸಿದ ಕೊರೊನಾ..! ರಾಜಧಾನಿಯಲ್ಲಿ 4,000+ ಹೊಸ ಕೇಸ್‌

ಬೆಂಗಳೂರು: ರಾಜ್ಯದಲ್ಲಿ ಕೊರೊನಾ ವೈರಸ್‌ ಅಬ್ಬರ ಕಡಿಮೆಯಾಗುತ್ತಿದ್ದು, ಗುರುವಾರ 7,710 ಪಾಸಿಟಿವ್‌ ಪ್ರಕರಣಗಳು ಪತ್ತೆಯಾಗಿವೆ. ಆದರೆ, ಬೆಂಗಳೂರಿನಲ್ಲಿ 4,192 ಹೊಸ ಕೇಸ್‌ಗಳು ಕಂಡುಬಂದಿರುವುದು ಆತಂಕ ಮೂಡಿಸಿದೆ. 6,748 ಜನ ಸೋಂಕಿನಿಂದ ಚೇತರಿಸಿಕೊಂಡು ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. 65 ಜನ ವೈರಸ್‌ಗೆ ಬಲಿಯಾಗಿರುವ ಬಗ್ಗೆ ಆರೋಗ್ಯ ಇಲಾಖೆ ಮಾಹಿತಿ ನೀಡಿದೆ.

ಹೊಸ ಪಾಸಿಟಿವ್‌ ಕೇಸ್‌ಗಳೊಂದಿಗೆ ಕರ್ನಾಟಕದಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 5,48,557ಕ್ಕೆ ಏರಿಕೆಯಾಗಿದೆ. ಗುಣಮುಖರಾದವರ ಸಂಖ್ಯೆ 4,44,658ಕ್ಕೆ ಹೆಚ್ಚಿದೆ. 8,331 ಕೊರೊನಾ ಸಂಬಂಧಿತ ಸಾವುಗಳು ರಾಜ್ಯದಲ್ಲಿ ಸಂಭವಿಸಿದ್ದು, ಒಟ್ಟು 95,549 ಪ್ರಕರಣಗಳು ಸಕ್ರಿಯವಾಗಿದ್ದು, 827 ಜನ ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ರಾಜ್ಯದಲ್ಲಿ ಕೊರೊನಾ ವೇಗ ಕಡಿಮೆಯಾಗಿದ್ದರೂ ಬೆಂಗಳೂರಿನಲ್ಲಿ ಮಾತ್ರ ಸೋಂಕಿನ ಅಬ್ಬರ ಹೆಚ್ಚುತ್ತಲೇ ಇದೆ. ಗುರುವಾರ ಸಿಲಿಕಾನ್‌ ಸಿಟಿಯಲ್ಲಿ ದಾಖಲೆಯ 4192 ಪಾಸಿಟಿವ್‌ ಪ್ರಕರಣಗಳು ಕಂಡುಬಂದಿವೆ. ಇದರೊಂದಿಗೆ ರಾಜಧಾನಿಯಲ್ಲಿ ಸೋಂಕಿತರ ಸಂಖ್ಯೆ 2,08,467ಕ್ಕೆ ಏರಿದೆ. ಇದರಲ್ಲಿ 1,65,419 ಜನ ಗುಣಮುಖರಾಗಿದ್ದರೆ, 40,285 ಪ್ರಕರಣಗಳು ಸಕ್ರಿಯವಾಗಿದ್ದು, 2,762 ಜನ ಸಾವನ್ನಪ್ಪಿದ್ದಾರೆ.

ರಾಜ್ಯದಲ್ಲಿ ಇಳಿಕೆಯತ್ತ ಕೊರೊನಾ..! 7 ಸಾವಿರ ಹೊಸ ಕೇಸ್‌, ಬೆಂಗಳೂರಲ್ಲಿ 2 ಲಕ್ಷದ ಗಡಿಗೆ ಸೋಂಕು

ಬೆಂಗಳೂರು ಹೊರತುಪಡಿಸಿ ಮೈಸೂರು, ಹಾಸನ ಹಾಗೂ ದಕ್ಷಿಣ ಕನ್ನಡ ಜಿಲ್ಲೆಗಳಲ್ಲಿ ಹೆಚ್ಚಿನ ಪಾಸಿಟಿವ್‌ ಕೇಸ್‌ಗಳು ಕಂಡುಬಂದಿವೆ. ಮೂರು ಜಿಲ್ಲೆಗಳಲ್ಲಿ ಕ್ರಮವಾಗಿ 481, 407 ಹಾಗೂ 266 ಹೊಸ ಕೇಸ್‌ಗಳು ಪತ್ತೆಯಾಗಿವೆ. ಇನ್ನು, ಬಾಗಲಕೋಟೆಯಲ್ಲಿ 60, ಬಳ್ಳಾರಿ 21, ಬೆಳಗಾವಿ 191, ಬೆಂಗಳೂರು ಗ್ರಾಮಾಂತರ 189, ಬೀದರ್‌ 71, ಚಾಮರಾಜನಗರ 17 ಹಾಗೂ ಚಿಕ್ಕಬಳ್ಳಾಪುರದಲ್ಲಿ 45 ಕೇಸ್‌ಗಳು ಕಂಡುಬಂದಿವೆ.

ರಾಜ್ಯದಲ್ಲಿ 5 ಲಕ್ಷದ ಗಡಿ ದಾಟಿದ ಕೊರೊನಾ..! ಒಂದೇ ದಿನ ದಾಖಲೆಯ 179 ಜನ ಸೋಂಕಿಗೆ ಬಲಿ

ಚಿಕ್ಕಮಗಳೂರಿನಲ್ಲಿ 186, ಚಿತ್ರದುರ್ಗ 64, ದಾವಣಗೆರೆ 131, ಧಾರವಾಡ 264, ಗದಗ 54, ಹಾವೇರಿ 110, ಕಲಬುರಗಿ 85, ಕೊಡಗು 02, ಕೋಲಾರ 31, ಕೊಪ್ಪಳ 56, ಮಂಡ್ಯ 86, ರಾಯಚೂರು 52, ರಾಮನಗರ 12, ಶಿವಮೊಗ್ಗ 234, ತುಮಕೂರು 99, ಉಡುಪಿ 74, ಉತ್ತರ ಕನ್ನಡ 109, ವಿಜಯಪುರ 79 ಹಾಗೂ ಯಾದಗಿರಿಯಲ್ಲಿ 42 ಹೊಸ ಕೇಸ್‌ಗಳು ಪತ್ತೆಯಾಗಿವೆ.