ರಾಜ್ಯದಲ್ಲಿ 10 ಸಾವಿರಕ್ಕಿಂತ ಕೆಳಗಿಳಿದ ಸಕ್ರಿಯ ಕೇಸ್‌..! ಚೇತರಿಕೆಯಲ್ಲಿ ಏರಿಕೆ, ಸಾವಿನ ಸಂಖ್ಯೆಯಲ್ಲಿ ಇಳಿಕೆ

ಬೆಂಗಳೂರು: ರಾಜ್ಯದಲ್ಲಿ ಕೊರೊನಾ ವೈರಸ್‌ ಏರಿಳಿತ ಮುಂದುವರೆದಿದೆ. ಸೋಮವಾರ 600 ಪ್ರಕರಣಗಳು ಕಂಡುಬಂದಿದ್ದ ಕರ್ನಾಟಕದಲ್ಲಿ ಮಂಗಳವಾರ 815 ಪಾಸಿಟಿವ್‌ ಕೇಸ್‌ ಪತ್ತೆಯಾಗಿವೆ. ಕಳೆದ 24 ಗಂಟೆಗಳಲ್ಲಿ 1,377 ಸೋಂಕಿತರು ಗುಣಮುಖರಾಗಿದ್ದು, ಸಕ್ರಿಯ ಪ್ರಕರಣಗಳ ಸಂಖ್ಯೆ 10 ಸಾವಿರಕ್ಕಿಂತ ಕೆಳಗಿಳಿದಿದೆ. 8 ಜನ ಕೊರೊನಾ ವೈರಸ್‌ನಿಂದ ಸಾವನ್ನಪ್ಪಿದ್ದಾರೆ.

ಹೊಸ ಪ್ರಕರಣಗಳೊಂದಿಗೆ ಕರ್ನಾಟಕದಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 9,23,353ಕ್ಕೆ ಏರಿದೆ. ಇದರಲ್ಲಿ 9,01,579 ಜನ ಚೇತರಿಸಿಕೊಂಡಿದ್ದಾರೆ. 9,637 ಪ್ರಕರಣಗಳು ಸಕ್ರಿಯವಾಗಿದ್ದು, 12,118 ಜನ ಕೊರೊನಾ ವೈರಸ್‌ನಿಂದ ಸಾವನ್ನಪ್ಪಿದ್ದರೆ, 194 ಮಂದಿ ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಪಾಸಿಟಿವಿಟಿ ಪ್ರಮಾಣ ಶೇ.0.66ರಷ್ಟಿದ್ದರೆ, ಮರಣ ಪ್ರಮಾಣ ಶೇ.0.98ರಷ್ಟಿದೆ.

ಬೆಂಗಳೂರಿನಲ್ಲಿ ಮಂಗಳವಾರ 393 ಹೊಸ ಪಾಸಿಟಿವ್‌ ಕೇಸ್‌ಗಳು ಪತ್ತೆಯಾಗಿವೆ. ಈ ಮೂಲಕ ಸೋಂಕಿತರ ಸಂಖ್ಯೆ 3,90,348ಕ್ಕೆ ಏರಿದೆ. ಇದುವರೆಗೂ 3,79,867 ಜನ ಗುಣಮುಖರಾಗಿದ್ದಾರೆ. 6,147 ಪ್ರಕರಣಗಳು ಸಕ್ರಿಯವಾಗಿದ್ದು, 4,333 ಜನ ಕೊರೊನಾ ಕಾರಣದಿಂದ ಸಿಲಿಕಾನ್‌ ಸಿಟಿಯಲ್ಲಿ ಮೃತಪಟ್ಟಿದ್ದಾರೆ.

ರಾಜ್ಯದಲ್ಲಿ ಕರಗುತ್ತಿದೆ ಕೊರೊನಾ..! 9 ಲಕ್ಷ ದಾಟಿದ ಚೇತರಿಕೆ, 10 ಸಾವಿರದ ಬಳಿ ಸಕ್ರಿಯ ಕೇಸ್‌

ಬೆಂಗಳೂರು ಬಿಟ್ಟರೆ ಬಾಗಲಕೋಟೆಯಲ್ಲಿ 01, ಬಳ್ಳಾರಿ 14, ಬೆಳಗಾವಿ 09, ಬೆಂಗಳೂರು ಗ್ರಾಮಾಂತರ 12, ಬೀದರ್‌ 02, ಚಾಮರಾಜನಗರ 05, ಚಿಕ್ಕಬಳ್ಳಾಪುರ 29, ಚಿಕ್ಕಮಗಳೂರು 25, ಚಿತ್ರದುರ್ಗ 06, ದಕ್ಷಿಣ ಕನ್ನಡ 44, ದಾವಣಗೆರೆ 04 ಹಾಗೂ ಗದಗದಲ್ಲಿ 04 ಕೇಸ್‌ಗಳು ಕಂಡುಬಂದಿವೆ.

ರಾಜ್ಯದಲ್ಲಿ 11 ಸಾವಿರದ ಗಡಿಯಲ್ಲಿ ಹೊಸ ಸೋಂಕು..! ಸತತ 3ನೇ ದಿನವೂ ಬೆಂಗಳೂರಲ್ಲಿ 5,000+ ಕೇಸ್‌

ಇನ್ನು, ಹಾಸನದಲ್ಲಿ 33, ಹಾವೇರಿ 01, ಕಲಬುರಗಿ 24, ಕೊಡಗು 08, ಕೋಲಾರ 14, ಕೊಪ್ಪಳ 05, ಮಂಡ್ಯ 08, ಮೈಸೂರು 57, ರಾಯಚೂರು 05, ರಾಮನಗರ 01, ಶಿವಮೊಗ್ಗ 14, ತುಮಕೂರು 27, ಉಡುಪಿ 26, ಉತ್ತರ ಕನ್ನಡ 15, ವಿಜಯಪುರ 09 ಹಾಗೂ ಯಾದಗಿರಿಯಲ್ಲಿ 04 ಹೊಸ ಕೇಸ್‌ಗಳು ಪತ್ತೆಯಾಗಿವೆ.

ರಾಜ್ಯದಲ್ಲಿ ಸಡನ್‌ ಇಳಿದ ಕೊರೊನಾ ಅಬ್ಬರ..! 5,000+ ಹೊಸ ಕೇಸ್‌, 8 ಸಾವಿರಕ್ಕೂ ಹೆಚ್ಚು ಗುಣಮುಖ