ಮಹಾಬಲೇಶ್ವರ ಕಲ್ಕಣಿ
ಬೆಂಗಳೂರು: ರಾಜ್ಯದಲ್ಲಿ ಕೋವಿಡ್ ಲಸಿಕೆ ಕೊರತೆಯನ್ನು ನೀಗಿಸಲು ಪರ್ಯಾಯ ಲಸಿಕೆ ನೀಡಿಕೆಯತ್ತ ಸರಕಾರ ಚಿತ್ತ ಹರಿಸುತ್ತಿದೆ. ಮುಂದಿನ ತಿಂಗಳಿನಿಂದ ಇನ್ನಷ್ಟು ಲಸಿಕೆ ಕೊರತೆಯುಂಟಾಗುವ ಸಾಧ್ಯತೆ ಇದೆ. ಇದನ್ನು ನಿಭಾಯಿಸಲು ಸರಕಾರ ಪರ್ಯಾಯ ಲಸಿಕೆ ಬಳಕೆಗೆ ಅವಕಾಶ ಮಾಡಿಕೊಡುವುದರ ಜತೆಗೆ, ಅವಧಿ ವಿಸ್ತರಿಸುವ ಬಗ್ಗೆಯೂ ಚಿಂತನೆ ನಡೆಸಿದೆ. ಲಸಿಕೆ ಅವಧಿ ವಿಸ್ತರಿಸುವುದರಿಂದ ಒಂದೇ ಬಾರಿಗೆ ಲಸಿಕಾ ಕೇಂದ್ರಕ್ಕೆ ಜನ ನುಗ್ಗುವುದು ತಪ್ಪುತ್ತದೆ. ಜತೆಗೆ ಅವಧಿಗಿಂತ ಎರಡು ಮೂರು ವಾರ ಹೆಚ್ಚು ಕಡಿಮೆ ಎರಡನೇ ಡೋಸ್ ಪಡೆಯುವುದಕ್ಕೆ ಅವಕಾಶ ಸಿಗಲಿರುವುದರಿಂದ ಸರಕಾರ ಈ ಯೋಜನೆ ಹಾಕಿಕೊಂಡಿದೆ.
ಮೊದಲ ಡೋಸ್ ಕೋವಿಶೀಲ್ಡ್ ಪಡೆದವರು ಎರಡನೇ ಡೋಸ್ ಕೋವ್ಯಾಕ್ಸಿನ್ ಹಾಕಿಸಿಕೊಳ್ಳಬಹುದು ಅಥವಾ ಮೊದಲ ಡೋಸ್ ಕೋವ್ಯಾಕ್ಸಿನ್ ಪಡೆದವರು ಎರಡನೇ ಡೋಸ್ ಕೋವಿಶೀಲ್ಡ್ ಪಡೆಯಬಹುದು ಎಂಬುದೇ ಪರ್ಯಾಯ ಲಸಿಕೆ ನೀಡಿಕೆಯ ಪರಿಕಲ್ಪನೆಯಾಗಿದೆ.
'ಆಗಸ್ಟ್ ತಿಂಗಳಲ್ಲಿ ಸರಕಾರ ಹೆಚ್ಚಿನ ಲಸಿಕೆ ಪೂರೈಸುವ ಭರವಸೆ ಇದೆ. ಪೂರೈಸಿದ್ದೇ ಆದಲ್ಲಿ ಲಸಿಕೆ ಸಮಸ್ಯೆ ಎದುರಾಗುವುದಿಲ್ಲ. ಒಂದು ವೇಳೆ ಪೂರೈಕೆಯಾಗದೇ ಇದ್ದರೆ ಪರ್ಯಾಯ ಲಸಿಕೆಗಳನ್ನೂ ನೀಡಬಹುದು. ಹಲವು ದೇಶಗಳಲ್ಲಿ ಈ ಪ್ರಯೋಗ ನಡೆದಿದೆ. ಇದೀಗ ನಮ್ಮಲ್ಲೂ ಈ ಚಿಂತನೆ ನಡೆಯುತ್ತಿದೆ. ಹೀಗಾದರೆ ಸಕಾಲದಲ್ಲಿ ಎಲ್ಲರಿಗೂ ಎರಡನೇ ಡೋಸ್ ಸಿಗುತ್ತದೆ' ಎನ್ನುತ್ತಾರೆ ಮಣಿಪಾಲ ಆಸ್ಪತ್ರೆಯ ಮುಖ್ಯಸ್ಥ ಡಾ. ಸುದರ್ಶನ್ ಬಲ್ಲಾಳ್.
ಮುಂದಿನ ತಿಂಗಳಿನಿಂದ ಸಂಕಷ್ಟ ಯಾಕೆ?: ಮೇ 1 ರಂದು 18-44 ವರ್ಷ ವಯೋಮಾನದವರಿಗೂ ಲಸಿಕೆ ನೀಡಲು ಸರಕಾರ ಆರಂಭಿಸಿತು. ಬಹುತೇಕ ಎಲ್ಲರೂ ಕೋವಿಶೀಲ್ಡ್ ಲಸಿಕೆ ಪಡೆದಿರುವುದರಿಂದ ಆಗಸ್ಟ್ ವೇಳೆಗೆ ಹಂತ-ಹಂತವಾಗಿ 84 ದಿನ ಭರ್ತಿಯಾಗಲಿದ್ದು, ಅವರೆಲ್ಲರೂ ಎರಡನೇ ಡೋಸ್ಗೆ ಅರ್ಹರಾಗುತ್ತಾರೆ. ಈ ಹಿನ್ನೆಲೆಯಲ್ಲಿ ಲಸಿಕೆ ಅವಶ್ಯಕತೆ ಜಾಸ್ತಿಯಾಗಲಿದೆ. ಮೊದಲ ಲಸಿಕೆ ಪಡೆಯುವವರಿಗೇ ಪ್ರಸ್ತುತ ಲಸಿಕೆ ಸಿಗುವುದು ಕಷ್ಟ ಇರುವ ಸಂದರ್ಭದಲ್ಲಿ ಎರಡನೇ ಲಸಿಕೆ ಸಿಗುವುದು ಇನ್ನಷ್ಟು ಕಠಿಣವಾಗಬಹುದು.
ಆಗಸ್ಟ್ ವೇಳೆಗೆ 20 ಲಕ್ಷ ಜನರಿಗೆ ಬೇಕು ಎರಡನೇ ಡೋಸ್: ಮೇ 1 ರಿಂದ ಮೇ 7ರ ಅವಧಿಯಲ್ಲಿ 3,36,975 ಮೊದಲ ಡೋಸ್ ನೀಡಲಾಗಿದೆ. ಮೇ 8-14ರ ಅವಧಿಯಲ್ಲಿ 2,11,019, ಮೇ 15 -21ರ ಅವಧಿಯಲ್ಲಿ 3,67,162 ಹಾಗೂ ಮೇ 22- 28ರ ಅವಧಿಯಲ್ಲಿ 10,45,470 ಮೊದಲ ಡೋಸ್ ನೀಡಲಾಗಿದೆ.
ಈ ಹಿನ್ನೆಲೆಯಲ್ಲಿ ಆಗಸ್ಟ್ ತಿಂಗಳಲ್ಲಿ ಸುಮಾರು 19.60 ಲಕ್ಷ ಎರಡನೇ ಡೋಸ್ ನೀಡಬೇಕಾಗುತ್ತದೆ. ಪ್ರಸ್ತುತ ನೀಡುತ್ತಿರುವ ಲಸಿಕೆಯ ಜತೆಗೆ ಹೆಚ್ಚುವರಿಯಾಗಿ ಪ್ರತಿದಿನ ಸರಾಸರಿ 60 ಸಾವಿರ ಡೋಸ್ ಬೇಕಾಗುತ್ತದೆ. ಆಗ ಮಾತ್ರವೇ ಎರಡನೇ ಡೋಸ್ಗೆ ನಿಗದಿಪಡಿಸಿದ ಅವಧಿಯ ಎಲ್ಲರಿಗೂ ಲಸಿಕೆ ಸಿಗಲು ಸಾಧ್ಯ. ಇಲ್ಲದಿದ್ದರೆ ಎರಡನೇ ಲಸಿಕೆಗೆ ನಿಗದಿಪಡಿಸಿದ ಸಮಯಕ್ಕೆ ಬೆಲೆಯೇ ಇಲ್ಲದಾಗುತ್ತದೆ. ಪ್ರಸ್ತುತ ಪ್ರತಿದಿನ 2.5 ಲಕ್ಷ ಡೋಸ್ ನೀಡಲಾಗುತ್ತಿದೆ, ಮುಂದಿನ ತಿಂಗಳಲ್ಲಿ ಪ್ರತಿ ದಿನ ಕನಿಷ್ಠ 3.10 ಲಕ್ಷ ಲಸಿಕೆ ನೀಡಲೇ ಬೇಕಾಗುತ್ತದೆ.
ಪ್ರಸ್ತುತ ಮೊದಲ ಡೋಸ್ 1.5 ಲಕ್ಷ ನೀಡಿದರೆ, ಎರಡನೇ ಡೋಸ್ ಸರಾಸರಿ 1 ಲಕ್ಷ ನೀಡಲಾಗುತ್ತಿದೆ. ಆಗಸ್ಟ್ ವೇಳೆಗೆ ಮೊದಲ ಮತ್ತು ಎರಡನೇ ಡೋಸ್ ಸಂಖ್ಯೆ ಸಮನಾಗಿ ನೀಡಬೇಕಾಗುತ್ತದೆ. ಇದರಿಂದ ಲಸಿಕೆ ತೀವ್ರ ಕೊರತೆ ಉಂಟಾಗುವ ಸಾಧ್ಯತೆ ಇದೆ ಎನ್ನುತ್ತಾರೆ ತಜ್ಞರು.
'ಸರಕಾರ ಹೆಚ್ಚಿನ ಲಸಿಕೆ ಪೂರೈಕೆ ಮಾಡಲು ಸಾಕಷ್ಟು ಶ್ರಮಿಸುತ್ತಿದ್ದು ಎರಡನೇ ಡೋಸ್ಗೆ ಸಮಸ್ಯೆಯಾಗದು. ಒಂದು ವೇಳೆ ನಿಗದಿತ ಅವಧಿಯಲ್ಲಿ ಎರಡನೇ ಡೋಸ್ ಸಿಗದಿದ್ದರೆ ಯಾರೂ ಹೆದರಿಕೊಳ್ಳುವ ಅವಶ್ಯಕತೆಯಿಲ್ಲ. ನಿಗದಿತ ಅವಗಿಂತ 2-3 ಮೂರು ವಾರ ಬಳಿಕ ಎರಡನೇ ಡೋಸ್ ಪಡೆಯಬಹುದು' ಎಂದು ಮಣಿಪಾಲ ಆಸ್ಪತ್ರೆಯ ಮುಖ್ಯಸ್ಥ ಡಾ. ಸುದರ್ಶನ್ ಬಲ್ಲಾಳ್ ಹೇಳಿದ್ದಾರೆ.
ಬೆಂಗಳೂರು: ರಾಜ್ಯದಲ್ಲಿ ಕೋವಿಡ್ ಲಸಿಕೆ ಕೊರತೆಯನ್ನು ನೀಗಿಸಲು ಪರ್ಯಾಯ ಲಸಿಕೆ ನೀಡಿಕೆಯತ್ತ ಸರಕಾರ ಚಿತ್ತ ಹರಿಸುತ್ತಿದೆ. ಮುಂದಿನ ತಿಂಗಳಿನಿಂದ ಇನ್ನಷ್ಟು ಲಸಿಕೆ ಕೊರತೆಯುಂಟಾಗುವ ಸಾಧ್ಯತೆ ಇದೆ. ಇದನ್ನು ನಿಭಾಯಿಸಲು ಸರಕಾರ ಪರ್ಯಾಯ ಲಸಿಕೆ ಬಳಕೆಗೆ ಅವಕಾಶ ಮಾಡಿಕೊಡುವುದರ ಜತೆಗೆ, ಅವಧಿ ವಿಸ್ತರಿಸುವ ಬಗ್ಗೆಯೂ ಚಿಂತನೆ ನಡೆಸಿದೆ.
ಮೊದಲ ಡೋಸ್ ಕೋವಿಶೀಲ್ಡ್ ಪಡೆದವರು ಎರಡನೇ ಡೋಸ್ ಕೋವ್ಯಾಕ್ಸಿನ್ ಹಾಕಿಸಿಕೊಳ್ಳಬಹುದು ಅಥವಾ ಮೊದಲ ಡೋಸ್ ಕೋವ್ಯಾಕ್ಸಿನ್ ಪಡೆದವರು ಎರಡನೇ ಡೋಸ್ ಕೋವಿಶೀಲ್ಡ್ ಪಡೆಯಬಹುದು ಎಂಬುದೇ ಪರ್ಯಾಯ ಲಸಿಕೆ ನೀಡಿಕೆಯ ಪರಿಕಲ್ಪನೆಯಾಗಿದೆ.
'ಆಗಸ್ಟ್ ತಿಂಗಳಲ್ಲಿ ಸರಕಾರ ಹೆಚ್ಚಿನ ಲಸಿಕೆ ಪೂರೈಸುವ ಭರವಸೆ ಇದೆ. ಪೂರೈಸಿದ್ದೇ ಆದಲ್ಲಿ ಲಸಿಕೆ ಸಮಸ್ಯೆ ಎದುರಾಗುವುದಿಲ್ಲ. ಒಂದು ವೇಳೆ ಪೂರೈಕೆಯಾಗದೇ ಇದ್ದರೆ ಪರ್ಯಾಯ ಲಸಿಕೆಗಳನ್ನೂ ನೀಡಬಹುದು. ಹಲವು ದೇಶಗಳಲ್ಲಿ ಈ ಪ್ರಯೋಗ ನಡೆದಿದೆ. ಇದೀಗ ನಮ್ಮಲ್ಲೂ ಈ ಚಿಂತನೆ ನಡೆಯುತ್ತಿದೆ. ಹೀಗಾದರೆ ಸಕಾಲದಲ್ಲಿ ಎಲ್ಲರಿಗೂ ಎರಡನೇ ಡೋಸ್ ಸಿಗುತ್ತದೆ' ಎನ್ನುತ್ತಾರೆ ಮಣಿಪಾಲ ಆಸ್ಪತ್ರೆಯ ಮುಖ್ಯಸ್ಥ ಡಾ. ಸುದರ್ಶನ್ ಬಲ್ಲಾಳ್.
ಮುಂದಿನ ತಿಂಗಳಿನಿಂದ ಸಂಕಷ್ಟ ಯಾಕೆ?: ಮೇ 1 ರಂದು 18-44 ವರ್ಷ ವಯೋಮಾನದವರಿಗೂ ಲಸಿಕೆ ನೀಡಲು ಸರಕಾರ ಆರಂಭಿಸಿತು. ಬಹುತೇಕ ಎಲ್ಲರೂ ಕೋವಿಶೀಲ್ಡ್ ಲಸಿಕೆ ಪಡೆದಿರುವುದರಿಂದ ಆಗಸ್ಟ್ ವೇಳೆಗೆ ಹಂತ-ಹಂತವಾಗಿ 84 ದಿನ ಭರ್ತಿಯಾಗಲಿದ್ದು, ಅವರೆಲ್ಲರೂ ಎರಡನೇ ಡೋಸ್ಗೆ ಅರ್ಹರಾಗುತ್ತಾರೆ. ಈ ಹಿನ್ನೆಲೆಯಲ್ಲಿ ಲಸಿಕೆ ಅವಶ್ಯಕತೆ ಜಾಸ್ತಿಯಾಗಲಿದೆ. ಮೊದಲ ಲಸಿಕೆ ಪಡೆಯುವವರಿಗೇ ಪ್ರಸ್ತುತ ಲಸಿಕೆ ಸಿಗುವುದು ಕಷ್ಟ ಇರುವ ಸಂದರ್ಭದಲ್ಲಿ ಎರಡನೇ ಲಸಿಕೆ ಸಿಗುವುದು ಇನ್ನಷ್ಟು ಕಠಿಣವಾಗಬಹುದು.
ಆಗಸ್ಟ್ ವೇಳೆಗೆ 20 ಲಕ್ಷ ಜನರಿಗೆ ಬೇಕು ಎರಡನೇ ಡೋಸ್: ಮೇ 1 ರಿಂದ ಮೇ 7ರ ಅವಧಿಯಲ್ಲಿ 3,36,975 ಮೊದಲ ಡೋಸ್ ನೀಡಲಾಗಿದೆ. ಮೇ 8-14ರ ಅವಧಿಯಲ್ಲಿ 2,11,019, ಮೇ 15 -21ರ ಅವಧಿಯಲ್ಲಿ 3,67,162 ಹಾಗೂ ಮೇ 22- 28ರ ಅವಧಿಯಲ್ಲಿ 10,45,470 ಮೊದಲ ಡೋಸ್ ನೀಡಲಾಗಿದೆ.
ಈ ಹಿನ್ನೆಲೆಯಲ್ಲಿ ಆಗಸ್ಟ್ ತಿಂಗಳಲ್ಲಿ ಸುಮಾರು 19.60 ಲಕ್ಷ ಎರಡನೇ ಡೋಸ್ ನೀಡಬೇಕಾಗುತ್ತದೆ. ಪ್ರಸ್ತುತ ನೀಡುತ್ತಿರುವ ಲಸಿಕೆಯ ಜತೆಗೆ ಹೆಚ್ಚುವರಿಯಾಗಿ ಪ್ರತಿದಿನ ಸರಾಸರಿ 60 ಸಾವಿರ ಡೋಸ್ ಬೇಕಾಗುತ್ತದೆ. ಆಗ ಮಾತ್ರವೇ ಎರಡನೇ ಡೋಸ್ಗೆ ನಿಗದಿಪಡಿಸಿದ ಅವಧಿಯ ಎಲ್ಲರಿಗೂ ಲಸಿಕೆ ಸಿಗಲು ಸಾಧ್ಯ. ಇಲ್ಲದಿದ್ದರೆ ಎರಡನೇ ಲಸಿಕೆಗೆ ನಿಗದಿಪಡಿಸಿದ ಸಮಯಕ್ಕೆ ಬೆಲೆಯೇ ಇಲ್ಲದಾಗುತ್ತದೆ. ಪ್ರಸ್ತುತ ಪ್ರತಿದಿನ 2.5 ಲಕ್ಷ ಡೋಸ್ ನೀಡಲಾಗುತ್ತಿದೆ, ಮುಂದಿನ ತಿಂಗಳಲ್ಲಿ ಪ್ರತಿ ದಿನ ಕನಿಷ್ಠ 3.10 ಲಕ್ಷ ಲಸಿಕೆ ನೀಡಲೇ ಬೇಕಾಗುತ್ತದೆ.
ಪ್ರಸ್ತುತ ಮೊದಲ ಡೋಸ್ 1.5 ಲಕ್ಷ ನೀಡಿದರೆ, ಎರಡನೇ ಡೋಸ್ ಸರಾಸರಿ 1 ಲಕ್ಷ ನೀಡಲಾಗುತ್ತಿದೆ. ಆಗಸ್ಟ್ ವೇಳೆಗೆ ಮೊದಲ ಮತ್ತು ಎರಡನೇ ಡೋಸ್ ಸಂಖ್ಯೆ ಸಮನಾಗಿ ನೀಡಬೇಕಾಗುತ್ತದೆ. ಇದರಿಂದ ಲಸಿಕೆ ತೀವ್ರ ಕೊರತೆ ಉಂಟಾಗುವ ಸಾಧ್ಯತೆ ಇದೆ ಎನ್ನುತ್ತಾರೆ ತಜ್ಞರು.
'ಸರಕಾರ ಹೆಚ್ಚಿನ ಲಸಿಕೆ ಪೂರೈಕೆ ಮಾಡಲು ಸಾಕಷ್ಟು ಶ್ರಮಿಸುತ್ತಿದ್ದು ಎರಡನೇ ಡೋಸ್ಗೆ ಸಮಸ್ಯೆಯಾಗದು. ಒಂದು ವೇಳೆ ನಿಗದಿತ ಅವಧಿಯಲ್ಲಿ ಎರಡನೇ ಡೋಸ್ ಸಿಗದಿದ್ದರೆ ಯಾರೂ ಹೆದರಿಕೊಳ್ಳುವ ಅವಶ್ಯಕತೆಯಿಲ್ಲ. ನಿಗದಿತ ಅವಗಿಂತ 2-3 ಮೂರು ವಾರ ಬಳಿಕ ಎರಡನೇ ಡೋಸ್ ಪಡೆಯಬಹುದು' ಎಂದು ಮಣಿಪಾಲ ಆಸ್ಪತ್ರೆಯ ಮುಖ್ಯಸ್ಥ ಡಾ. ಸುದರ್ಶನ್ ಬಲ್ಲಾಳ್ ಹೇಳಿದ್ದಾರೆ.