ಕಬ್ಬನ್ ಪಾರ್ಕ್‌ನಲ್ಲಿ ಟಬೂಬಿಯಾ ಚಿತ್ತಾರ

ಬೆಂಗಳೂರು: ಚಳಿಗಾಲ ಆರಂಭವಾಗುತ್ತಿದ್ದಂತೆ ಕಬ್ಬನ್‌ಪಾರ್ಕ್‌ ಸೇರಿದಂತೆ ನಗರದ ತುಂಬೆಲ್ಲಾ ಗುಲಾಬಿ ಬಣ್ಣದ ಟಬೂಬಿಯಾ ಅವಲಂಡೆ ಹಾಗೂ ತಿಳಿ ಗುಲಾಬಿ ಬಣ್ಣದ ಟಬೂಬಿಯಾ ರೋಜಿಯಾ ಹೂವುಗಳು ಅರಳಿದ್ದು, ಬೆಂಗಳೂರಿನ ಸೌಂದರ್ಯವನ್ನು ಇಮ್ಮಡಿಸಿವೆ.

ಕಬ್ಬನ್‌ಪಾರ್ಕ್‌, ಲಾಲ್‌ಬಾಗ್‌, ವಿಧಾನಸೌಧ, ಹೈಕೋರ್ಟ್‌ನಂತಹ ಜನಾಕರ್ಷಕ ತಾಣಗಳಲ್ಲಿ, ನಗರದ ಹಲವು ರಸ್ತೆ ಬದಿಗಳಲ್ಲೂ ಕಂಗೊಳಿಸುತ್ತಿರುವ ಈ ಹೂವುಗಳ ಸೊಬಗು ನೋಡುಗರ ಮನಸ್ಸನ್ನು ಆಹ್ಲಾದಗೊಳಿಸುತ್ತಿವೆ. ಉದ್ಯಾನಗಳಲ್ಲಿ ವಾಯುವಿಹಾರ ಮಾಡುವವರು ತಂಪಾದ ಗಾಳಿಯ ಜತೆಗೆ ಮನಮೋಹಕ ಹೂವುಗಳ ಅಂದವನ್ನು ಕಣ್ತುಂಬಿಕೊಳ್ಳುತ್ತಿದ್ದಾರೆ. ಹಲವರು ಹೂಬಿಟ್ಟ ಮರದ ಮುಂದೆ ನಿಂತು ಸೆಲ್ಫಿ ಕ್ಲಿಕ್ಕಿಸಿಕೊಂಡು ಸಂಭ್ರಮ ಪಡುತ್ತಿದ್ದಾರೆ. ಕೆಲ ಮರಗಳು ಬಾನಂಗಳದತ್ತ ಮುಖ ಮಾಡಿದ್ದರೆ, ಇನ್ನು ಕೆಲವು ಛತ್ರಿಯಾಕಾರದಲ್ಲಿ ಹರಡಿಕೊಂಡು ಗೊಂಚ ಗೊಂಚಲಾಗಿ ಸಹಸ್ರಾರು ಹೂವುಗಳು ಕಣ್ಮನ ಸೂರೆಗೊಳ್ಳುತ್ತಿವೆ.

ಬೆಂಗಳೂರಲ್ಲಿ 1,300 ಮರಗಳು

ಬೆಂಗಳೂರಿನಲ್ಲಿ ಸುಮಾರು 1,300 ಟಬೂಬಿಯಾ ಹೂವಿನ ಮರಗಳಿವೆ. ಇದರಲ್ಲಿ ಕಬ್ಬನ್‌ ಉದ್ಯಾನದಲ್ಲಿ 30 ಹಳೆಯ ಮರಗಳು ಹಾಗೂ ಹೊಸದಾಗಿ 100 ಸಸಿಗಳನ್ನು ನೆಡಲಾಗಿದೆ. ಲಾಲ್‌ಬಾಗ್‌ನಲ್ಲಿ 20, ವಿಧಾನಸೌಧದ ಕೆಂಗಲ್‌ ಹನುಮಂತಯ್ಯ ಪ್ರತಿಮೆ ಮುಂಭಾಗದಲ್ಲಿ 10 ಮರ, ಎಲ್‌ಎಚ್‌ ಪ್ರವೇಶ ದ್ವಾರದಲ್ಲಿ 8 ಹಾಗೂ ಹೈಕೋರ್ಟ್‌ ಎದುರು 4 ಮರಗಳಿವೆ. ಇವುಗಳನ್ನು ತೋಟಗಾರಿಕೆ ಇಲಾಖೆಯ ನೇತೃತ್ವದಲ್ಲಿ ನೆಡಲಾಗಿದೆ. ಇದಲ್ಲದೆ ಬೆಂಗಳೂರು ವಿವಿಯ ಜ್ಞಾನಭಾರತಿ ಆವರಣ, ಬಿಬಿಎಂಪಿ, ಅರಣ್ಯ ಇಲಾಖೆ ಮತ್ತಿತರ ಇಲಾಖೆಗಳಿಂದ ರಸ್ತೆಯಂಚುಗಳಲ್ಲಿ ನೆಟ್ಟಿರುವುದು, ಕೆಲ ಪ್ರತಿಷ್ಠಿತ ಕಚೇರಿಗಳ ಆವರಣದಲ್ಲಿ ಹೀಗೆ ನಗರದ ನಾನಾ ಭಾಗಗಳಲ್ಲಿ ಸುಮಾರು 1 ಸಾವಿರಕ್ಕೂ ಹೆಚ್ಚು ಮರಗಳಿವೆ ಎನ್ನುತ್ತಾರೆ ತೋಟಗಾರಿಕೆ ಇಲಾಖೆ ಅಧಿಕಾರಿಗಳು.

ಟಬೂಬಿಯಾದ ಕುರಿತು