ವಿಧ್ವಂಸಕ ಕೃತ್ಯ ನಿಯಂತ್ರಿಸುವ ಡಿ-ಸ್ವಾಟ್?

ಬೆಂಗಳೂರು: ಪೊಲೀಸ್ ಇಲಾಖೆಯಿಂದ ಆಯ್ಕೆ ಮಾಡಿದ ಮತ್ತು ವಿಶೇಷ ತರಬೇತಿ ಪಡೆದ ಸಿಬ್ಬಂದಿಯನ್ನು ಒಳಗೊಂಡ ಜಿಲ್ಲಾ ವಿಶೇಷ ಶಸ್ತ್ರಾಸ್ತ್ರ ಮತ್ತು ಯುದ್ಧತಂತ್ರ ಪಡೆಯೇ ಡಿ-ಸ್ವಾಟ್. (District-Special Weapons and Tactics Team, D-Swat)

ರಾಜ್ಯದ ಪ್ರತಿಯೊಂದು ಜಿಲ್ಲೆಗಳಲ್ಲೂ ಭಯೋತ್ಪಾದನಾ ಚಟುವಟಿಕೆ, ನಕ್ಸಲ್ ದಾಳಿ ಸೇರಿದಂತೆ ಎಲ್ಲಾ ಸ್ವರೂಪದ ವಿಪತ್ತುಗಳನ್ನು ನಿರ್ವಹಿಸಲು ಈ ತಂಡವನ್ನು ಸಜ್ಜುಗೊಳಿಸಲಾಗಿರುತ್ತದೆ. ಈ ಪಡೆಯಲ್ಲಿ ತರಬೇತಿ ಪಡೆದ ಮತ್ತು ಅತ್ಯಾಧುನಿಕ ಶಸ್ತ್ರಾಸ್ತ್ರ ಹೊಂದಿರುವ 10 ಸಿಬ್ಬಂದಿ ಮತ್ತು ಒಬ್ಬ ತರಬೇತುದಾರ ಇರುತ್ತಾರೆ.

ರಾಜ್ಯಕ್ಕೆ ಉಗ್ರರ ಎಂಟ್ರಿ ಶಂಕೆ, ಹೈ ಅಲರ್ಟ್‌, ಜಾಗೃತಗೊಂಡ ‘ಡಿ-ಸ್ವಾಟ್’ನಿಂದ ತಪಾಸಣೆ

ಎಸ್ಪಿ ಅವರ ಅಡಿಯಲ್ಲಿ ಈ ಡಿ-ಸ್ವಾಟ್ ತಂಡ ಹಗಲು ರಾತ್ರಿ, ಕಾರ್ಯಾಚರಣೆ ನಡೆಸುವ ಸಾಮರ್ಥ್ಯ ಹೊಂದಿದೆ. ದಾಳಿ ಸಂದರ್ಭದಲ್ಲಿ ನಾಗರಿಕರ ರಕ್ಷಣೆ, ಸೆರೆಯಾಳುಗಳ ಬಿಡುಗಡೆ, ಅನುಮಾನಾಸ್ಪದ ವಸ್ತುಗಳ ತಪಾಸಣೆ ಕಾರ್ಯದಲ್ಲಿ ಪ್ರಮುಖ ಪಾತ್ರ ವಹಿಸಲಿದೆ.

ಈಗಾಗಲೇ ರಾಜ್ಯದಾದ್ಯಂತ ಎಲ್ಲ ಜಿಲ್ಲೆಗಳಲ್ಲೂ ಈ ರೀತಿಯ ಡಿ ಸ್ವಾಟ್‌ ತಂಡಗಳನ್ನು ರಚಿಸಲಾಗಿದೆ.

ಇತ್ತೀಚೆಗೆ ಗುಪ್ತಚರ ಇಲಾಖೆಯಿಂದ ಬಂದ ಮಾಹಿತಿ ಹಿನ್ನೆಲೆಯಲ್ಲಿ ಡಿ ಸ್ವಾಟ್‌ ಫುಲ್‌ ಕಾರ್ಯಾಚರಣೆಗೆ ಇಳಿದಿದೆ. ರಾಜ್ಯಕ್ಕೆ ಉಗ್ರರ ಎಂಟ್ರಿಯಾಗಿದೆ ಎಂದು ಗುಪ್ತಚರ ಇಲಾಖೆ ಇತ್ತೀಚೆಗೆ ಮಾಹಿತಿ ನೀಡಿತ್ತು.