ಖಾತೆ ಹಂಚಿಕೆಯಲ್ಲಿ ಎಚ್‌ಡಿಡಿ ಮಧ್ಯ ಪ್ರವೇಶ ಇಲ್ಲ: ಕುಮಾರಸ್ವಾಮಿ

ಬೆಂಗಳೂರು: ಖಾತೆ ಹಂಚಿಕೆ ವಿಚಾರದಲ್ಲಿ ದೇವೇಗೌಡರ ಮಧ್ಯಪ್ರವೇಶ ಇಲ್ಲ. ಕಾಂಗ್ರೆಸ್ ಹೈಕಮಾಂಡ್ ತೀರ್ಮಾನ ಮಾಡಿದೆ. ಡಿ.ಕೆ. ಶಿವಕುಮಾರ್ ಆಸೆಯಂತೆ ಇಂಧನ ಖಾತೆ ಅವರಿಗೆ ಸಿಗದಿರಲು ದೇವೇಗೌಡ ಕಾರಣರಲ್ಲ ಎಂದು ಮುಖ್ಯಮಂತ್ರಿ ಕುಮಾರಸ್ವಾಮಿ ಹೇಳಿದ್ದಾರೆ.

ವಿಧಾನಸೌಧದಲ್ಲಿ ಮಾತನಾಡಿದ ಸಿಎಂ, ಕಾವೇರಿ ನಿರ್ವಹಣಾ ಮಂಡಳಿ ರಚನೆ ವಿಚಾರದಲ್ಲಿ ಕೇಂದ್ರ ಸರಕಾರದ ಅಧಿಸೂಚನೆ ಬಗ್ಗೆ ಕಾನೂನು ತಜ್ಞರ ಜತೆ ಚರ್ಚಿಸಿ ರಾಜ್ಯದ ನಿಲುವು ಪ್ರಕಟಿಸುವುದಾಗಿ ಹೇಳಿದರು.

ಬಜೆಟ್ ಮಂಡನೆ ಹಾಗೂ ಜಂಟಿ ಅಧಿವೇಶನಕ್ಕೆ ಸದ್ಯದಲ್ಲೇ ದಿನಾಂಕ ನಿಗದಿಯಾಗಲಿದೆ. ಮುಂದಿನ ಎರಡು, ಮೂರು ದಿನಗಳಲ್ಲಿ ಬಜೆಟ್ ಸಿದ್ದತೆ ಪ್ರಕ್ರಿಯೆ ಆರಂಭಿಸುವೆ ಎಂದು ಅವರು ಹೇಳಿದರು.