ಸಚಿವಾಲಯ ಸಿಬ್ಬಂದಿ ‘ಇ-ಲೀವ್‌’ ಜಾರಿ; ಆನ್‌ಲೈನ್‌ನಲ್ಲಿ ರಜೆ ಅಂಗೀಕಾರ

ಬೆಂಗಳೂರು: ಸಚಿವಾಲಯದ ಸಿಬ್ಬಂದಿ ವರ್ಗ ರಜೆ ಪಡೆಯುವ ವಿಧಾನ ಹೊಸ ವರ್ಷದ ಮೊದಲ ದಿನದಿಂದಲೇ ಬದಲಾಗಲಿದ್ದು, ರಜೆ ಪಡೆಯುವ ಮತ್ತು ಅಂಗೀಕಾರ ವಿಧಾನ ಆನ್‌ಲೈನ್‌ ಆಗಲಿದೆ.

ಜ.1 ರಿಂದ ಸಚಿವಾಲಯದ ಅಧಿಕಾರಿಗಳು ಮತ್ತು ಸಿಬ್ಬಂದಿ ವರ್ಗಕ್ಕಾಗಿ 'ಇ-ಲೀವ್‌' ತಂತ್ರಾಂಶವನ್ನು ಕಡ್ಡಾಯವಾಗಿ ಜಾರಿ ಮಾಡಲಾಗುತ್ತಿದೆ. ರಜೆ ವ್ಯವಸ್ಥೆಯಲ್ಲಿಪಾರದರ್ಶಕತೆ ತರುವ ಉದ್ದೇಶದಿಂದ ಈ ತೀರ್ಮಾನ ಮಾಡಲಾಗಿದೆ ಎಂದು ಸಿಬ್ಬಂದಿ ಮತ್ತು ಆಡಳಿತ ಸುಧಾರಣೆ ಇಲಾಖೆ ಹೊರಡಿಸಿರುವ ಆದೇಶದಲ್ಲಿತಿಳಿಸಲಾಗಿದೆ.

ಗ್ರೂಪ್‌ 'ಸಿ' ವರ್ಗದ ವಾಹನ ಚಾಲಕರು ಹಾಗೂ ಗ್ರೂಪ್‌ 'ಡಿ' ವರ್ಗದ ಸಿಬ್ಬಂದಿ ಇ-ಕಚೇರಿ ತಂತ್ರಾಂಶ ಉಪಯೋಗ ಮಾಡದ ಕಾರಣ ಈ ಸಿಬ್ಬಂದಿ ಮಾತ್ರ ಸದ್ಯದ ಹಸ್ತಚಾಲಿತ ವ್ಯವಸ್ಥೆಯಲ್ಲೇ ರಜೆ ಅರ್ಜಿ ಸಲ್ಲಿಸಲು ಅವಕಾಶ ಕಲ್ಪಿಸಲಾಗಿದೆ.