ಗನ್‌ ಸಹಿತ ವಿಮಾನ ಪ್ರಯಾಣಕ್ಕೆ ಯತ್ನಿಸಿದ ಆನಂದ ಅಸ್ನೋಟಿಕರ್‌

ಬೆಂಗಳೂರು: ಅನುಮತಿ ಇಲ್ಲದೇ ಗನ್ ಸಹಿತ ವಿಮಾನ ಪ್ರಯಾಣಕ್ಕೆ ಯತ್ನಿಸಿದ ಮಾಜಿ ಸಚಿವ ಆನಂದ ಆಸ್ನೋಟಿಕರ್ ಅವರನ್ನು ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಸಿಐಎಸ್ಎಫ್ ಅಧಿಕಾರಿಗಳು ವಶಕ್ಕೆ ಪಡೆದಿದ್ದಾರೆ.

ಆನಂದ ಅವರ ಹ್ಯಾಂಡ್ ಬ್ಯಾಗೇಜ್‌ನಲ್ಲಿ ಇದ್ದ ಗನ್ ಜಪ್ತಿ ಮಾಡಿ ವಿಮಾನ ನಿಲ್ದಾಣ ಪೊಲೀಸರ ವಶಕ್ಕೆ ಒಪ್ಪಿಸಿದ್ದಾರೆ.

"ವಿಚಾರಣೆ ವೇಳೆ ಗನ್‌ಗೆ ಲೈಸನ್ಸ್ ಇದೆ ಎಂದು ಆನಂದ ತಿಳಿಸಿದ್ದಾರೆ. ಲೈಸನ್ಸ್‌ನ ಸಾಫ್ಟ್ ಕಾಪಿ ತೋರಿಸಿದ್ದಾರೆ. ಹೀಗಾಗಿ, ಮೂಲ ಪ್ರತಿ ತಂದು ತೋರಿಸುವಂತೆ ತಿಳಿಸಲಾಗಿದೆ" ಎಂದು ಈಶಾನ್ಯ ವಿಭಾಗ ಡಿಸಿಪಿ ಸಿ.ಕೆ ಬಾಬಾ ತಿಳಿಸಿದರು.

ವಿಮಾನದಲ್ಲಿ ಯಾರೇ ಗನ್ ಸಾಗಿಸಬೇಕಿದ್ದರೆ ಅದಕ್ಕೆ ಸಿಐಎಸ್ಎಫ್‌ನಿಂದ ಪೂರ್ವಾನುಮತಿ ಪಡೆಯಬೇಕು. ತಾಯಿಗೆ ಅನಾರೋಗ್ಯದ ಕಾರಣ ತುರ್ತಾಗಿ ಊರಿಗೆ ಹೊರಟಿದ್ದೆ. ಹ್ಯಾಂಡ್ ಬ್ಯಾಗೇಜ್‌ನಲ್ಲಿ ಗನ್ ಗಮನಿಸದೆ ಅವಸರದಲ್ಲಿ ಬಂದಿದ್ದಾಗಿ ಆನಂದ ಅಸ್ನೋಟಿಕರ್ ತಿಳಿಸಿದ್ದಾರೆ.

ಆದರೆ, ಲೈಸನ್ಸ್ ಪ್ರತಿ ನೋಡಿದ ಬಳಿಕ ಬರವಣಿಗೆಯಲ್ಲಿ ಅವರಿಂದ ಮಾಹಿತಿ ಪಡೆದುಕೊಂಡು ಕಳುಹಿಸಿಕೊಡಲಾಗುವುದು ಎಂದು ಅಧಿಕಾರಿಗಳು ಸ್ಪಷ್ಟನೆ ನೀಡಿದ್ದಾರೆ.