ಬಿರುಸುಗೊಂಡ ಸಿಎಂ ಕಡತ ಯಜ್ಞ

ಬೆಂಗಳೂರು: ಸಮ್ಮಿಶ್ರ ಸರಕಾರ ಪತನದ ಹಾದಿ ಖಚಿತವಾಗುತ್ತಿದ್ದಂತೆಯೇ ನಿರ್ಗಮನಕ್ಕೆ ಸಿದ್ಧತೆಯೋ ಎಂಬಂತೆ ಸಿಎಂ ಎಚ್‌.ಡಿ.ಕುಮಾರಸ್ವಾಮಿ ಕಡತ ಯಜ್ಞ ಆರಂಭಿಸಿದ್ದಾರೆ.

ಸಿಎಂ ಮಂಗಳವಾರ ತಡರಾತ್ರಿವರೆಗೆ ಹಲವು ಕಡತಗಳನ್ನು ವಿಲೇವಾರಿ ಮಾಡಿದ್ದು, ಬುಧವಾರವೂ ಆಪ್ತ ಅಧಿಕಾರಿಗಳನ್ನು ಕರೆಸಿಕೊಂಡು ಕೆಲವೊಂದು ಫೈಲ್‌ಗಳನ್ನು ವಿಲೇವಾರಿ ಮಾಡಿದರು ಎಂದು ತಿಳಿದುಬಂದಿದೆ.

ಮೈತ್ರಿಕೂಟದ ಶಾಸಕರ ಸರಣಿ ರಾಜೀನಾಮೆಯಿಂದ ಸಮ್ಮಿಶ್ರ ಸರಕಾರ ಅಲ್ಪಮತಕ್ಕೆ ಕುಸಿದಿದ್ದು, ಯಾವುದೇ ಪ್ರಮುಖ ನಿರ್ಧಾರಗಳನ್ನು ಕೈಗೊಳ್ಳದಂತೆ ರಾಜ್ಯಪಾಲರು ಮುಖ್ಯ ಕಾರ್ಯದರ್ಶಿಗಳಿಗೆ ಈಗಾಗಲೇ ಸೂಚನೆ ನೀಡಿದ್ದಾರೆ. ಇದರ ಮಧ್ಯೆಯೇ, ಕೆಲವೊಂದು ವರ್ಗಾವಣೆ ಸೇರಿದಂತೆ ತೀರ್ಮಾನ ಬಾಕಿ ಇದ್ದ ಕೆಲವೊಂದು ಕಡತಗಳನ್ನು ಅಂತಿಮಗೊಳಿಸಲಾಗಿದೆ ಎಂದು ಹೇಳಲಾಗಿದೆ.