ವಿದೇಶಿ ವಿನಿಮಯ ಕಚೇರಿಗಳ ಮೇಲೆ ಇಡಿ ದಾಳಿ: 65 ಲಕ್ಷಕ್ಕೂ ನಗದು ವಶ

ಬೆಂಗಳೂರು: ಭಾರತೀಯ ರಿಸರ್ವ್‌ ಬ್ಯಾಂಕ್‌ನ (ಆರ್‌ಬಿಐ) ಅನುಮತಿ ಇಲ್ಲದೇ ಅಕ್ರಮವಾಗಿ ವಿದೇಶಿ ವಿನಿಮಯ (ಫಾರಿನ್‌ ಎಕ್ಸ್‌ಚೇಂಜ್‌) ವ್ಯವಹಾರ ನಡೆಸುತ್ತಿದ್ದ ನಗರದ ಆರು ಕಚೇರಿಗಳ ಮೇಲೆ ದಾಳಿ ನಡೆಸಿದ ಜಾರಿ ನಿರ್ದೇಶನಾಲಯ ಅಧಿಕಾರಿಗಳು 45.47 ಲಕ್ಷ ರೂ. ಮೌಲ್ಯದ 24 ರಾಷ್ಟ್ರಗಳ ನೋಟುಗಳು ಹಾಗೂ 20.25 ಲಕ್ಷ ರೂ. ಭಾರತೀಯ ನೋಟುಗಳನ್ನು ಜಪ್ತಿ ಮಾಡಿದ್ದಾರೆ.

ಶುಕ್ರವಾರ ಬೆಳಗ್ಗೆ ಏಕ ಕಾಲಕ್ಕೆ ನಗರದ ವಿವಿಧ ಭಾಗಗಳಲ್ಲಿ ಆರು ವಿದೇಶಿ ವಿನಿಮಯ ಕಚೇರಿಗಳ ಮೇಲೆ ದಾಳಿ ನಡೆಸಿ ಈ ಅಕ್ರಮ ಫಾರಿನ್‌ ಎಕ್ಸ್‌ಚೇಂಜ್‌ ವಹಿವಾಟು ಪತ್ತೆ ಮಾಡಲಾಗಿದೆ. ವಿದೇಶಿ ನೋಟುಗಳು ಹಾಗೂ ಭಾರತೀಯ ನೋಟುಗಳು ಸೇರಿ ಒಟ್ಟು 65.73 ಲಕ್ಷ ರೂ. ಜಪ್ತಿ ಮಾಡಲಾಗಿದೆ. ಅಕ್ರಮ ವಹಿವಾಟು ನಡೆಸುತ್ತಿದ್ದ ಡೀಲರ್‌ಗಳ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಲಾಗುತ್ತದೆ ಎಂದು ಜಾರಿ ನಿರ್ದೇಶನಾಲಯ ಪ್ರಕಟಣೆಯಲ್ಲಿ ತಿಳಿಸಿದೆ.