ಆ್ಯಪ್ನಗರ

ಶಿವಾಜಿ ನಗರದಲ್ಲಿ ರಿಜ್ವಾನ್‌ ಗೆದ್ದಿದ್ದರಿಂದ ಬಿಜೆಪಿಗೆ ಲಾಭ, ಸವದಿಗೆ ಬಂಪರ್‌!

ಸದ್ಯ ಮೇಲ್ಮನೆ ಸದಸ್ಯರಾಗಿರುವ ರಿಜ್ವಾನ್‌ ಅರ್ಷದ್‌ ಆ ಸ್ಥಾನಕ್ಕೆ ರಾಜೀನಾಮೆ ನೀಡುವುದು ಅನಿವಾರ್ಯ. ಯಾವುದೇ ಸದನದ ಸದಸ್ಯರಾಗದ ಡಿಸಿಎಂ ಲಕ್ಷ್ಮಣ ಸವದಿ ಫೆಬ್ರವರಿ ಅಂತ್ಯದೊಳಗೆ ಮೇಲ್ಮನೆಗೆ ಆಯ್ಕೆಯಾದರೆ ಮಾತ್ರ ಡಿಸಿಎಂ ಸ್ಥಾನದಲ್ಲಿರುತ್ತಾರೆ. ಹಾಗಾಗಿ ರಿಜ್ವಾನ್‌ ಜಾಗದಲ್ಲಿ ಸವದಿ ಮೇಲ್ಮನೆ ಪ್ರವೇಶಿಸಲು ಹೊರಟಿದ್ದಾರೆ.

Vijaya Karnataka 10 Dec 2019, 10:10 am

ಬೆಂಗಳೂರು: ಶಿವಾಜಿನಗರ ಕ್ಷೇತ್ರದಿಂದ ಕಾಂಗ್ರೆಸ್‌ನ ರಿಜ್ವಾನ್‌ ಅರ್ಷದ್‌ ಗೆಲುವು ಸಾಧಿಸುವ ಮೂಲಕ ಡಿಸಿಎಂ ಲಕ್ಷ್ಮಣ ಸವದಿ ವಿಧಾನ ಪರಿಷತ್‌ ಪ್ರವೇಶಿಸುವ ಹಾದಿ ಸುಗಮವಾದಂತಿದೆ.
Vijaya Karnataka Web Rizvan Arshad Laxman Savadi


ಸದ್ಯ ಮೇಲ್ಮನೆ ಸದಸ್ಯರಾಗಿರುವ ರಿಜ್ವಾನ್‌ ಆ ಸ್ಥಾನಕ್ಕೆ ರಾಜೀನಾಮೆ ನೀಡುವುದು ಅನಿವಾರ್ಯ. ಯಾವುದೇ ಸದನದ ಸದಸ್ಯರಾಗದ ಡಿಸಿಎಂ ಸವದಿ ಫೆಬ್ರವರಿ ಅಂತ್ಯದೊಳಗೆ ಮೇಲ್ಮನೆಗೆ ಆಯ್ಕೆಯಾದರೆ ಡಿಸಿಎಂ ಸ್ಥಾನದಲ್ಲಿರುತ್ತಾರೆ. ವಿಧಾನಸಭೆಯಲ್ಲಿ ಬಿಜೆಪಿ ಹೊಂದಿರುವ ಸಂಖ್ಯಾಬಲದಲ್ಲಿ ಲಕ್ಷ್ಮಣ ಸವದಿ ಸುಲಭವಾಗಿ ಗೆಲ್ಲಬಹುದು. 2022ರ ಜೂನ್‌ವರೆಗೂ ಈ ಅವಧಿ ಇರುತ್ತದೆ.

ಶಿವಾಜಿನಗರದಲ್ಲಿ ಶರವಣ ವಿರುದ್ಧ ಗೆಲುವಿನ ನಗು ಬೀರಿದ ರಿಜ್ವಾನ್‌ ಅರ್ಷದ್‌

ಯಾರು ಬಲಿಪಶು?

ಇನ್ನೊಂದೆಡೆ ಟಿಕೆಟ್‌ ನಿರಾಕರಿಸಿದ ರಾಣೆಬೆನ್ನೂರು ಅನರ್ಹ ಶಾಸಕ ಆರ್‌.ಶಂಕರ್‌ ಅವರನ್ನು ಸಚಿವರನ್ನಾಗಿ ನೇಮಿಸಿ ಮೇಲ್ಮನೆ ಸದಸ್ಯರನ್ನಾಗಿ ಮಾಡಬೇಕಿದೆ. ಆದರೆ ಸದ್ಯ ಯಾವುದೇ ಸ್ಥಾನ ಖಾಲಿ ಇಲ್ಲ. ಶಂಕರ್‌ಗೆ ಅವಕಾಶ ಕಲ್ಪಿಸಲು ಯಡಿಯೂರಪ್ಪ ಆಪ್ತ ವಲಯದ ರುದ್ರೇಗೌಡ, ಎನ್‌.ರವಿಕುಮಾರ್‌, ತೇಜಸ್ವಿನಿ ಗೌಡ, ಲೆಹರ್‌ ಸಿಂಗ್‌, ಕೆ.ಪಿ.ನಂಜುಂಡಿ ಹಾಗೂ ರಘುನಾಥ್‌ ಮಲ್ಕಾಪುರೆ ಇವರ ಪೈಕಿ ಯಾರಾದರೊಬ್ಬರು ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಬೇಕು. ಆ ಸ್ಥಾನಕ್ಕೆ ಶಂಕರ್‌ ಅವರನ್ನು ಆಯ್ಕೆ ಮಾಡಬೇಕಿದೆ. ಶಂಕರ್‌ ಸಕ್ರಿಯ ರಾಜಕಾರಣಿ ಆಗಿರುವುದರಿಂದ ನಾಮಕರಣಕ್ಕೂ ಅವಕಾಶವಿಲ್ಲ.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ