ಗನ್‌ ಮ್ಯಾನ್‌ ಬೇಡಿಕೆಯಿಟ್ಟ ಜಿಪಂ ಅಧ್ಯಕ್ಷರಿಗೆ ಬಿಸಿ ಮುಟ್ಟಿಸಿದ ಸಿಎಂ ಯಡಿಯೂರಪ್ಪ

ಬೆಂಗಳೂರು: ಗನ್‌ ಮ್ಯಾನ್‌ ಒದಗಿಸುವಂತೆ ಬೇಡಿಕೆಯಿಟ್ಟಿದ್ದಲ್ಲದೆ ಹೆಚ್ಚಿನ ಅನುದಾನಕ್ಕೆ ಒತ್ತಡ ತಂದ ರಾಜ್ಯದ ಜಿಲ್ಲಾಪಂಚಾಯಿತಿ ಅಧ್ಯಕ್ಷರಿಗೆ ಸಿಎಂ ಬಿ.ಎಸ್‌.ಯಡಿಯೂರಪ್ಪ ಬಿಸಿ ಮುಟ್ಟಿಸಿದ್ದಾರೆ.

ಗೃಹ ಕಚೇರಿ ಕೃಷ್ಣಾದಲ್ಲಿಸಿಎಂ ಅವರನ್ನು ಜಿಲ್ಲಾಪಂಚಾಯಿತಿ ಅಧ್ಯಕ್ಷರು ಭೇಟಿಯಾಗಿ ಇತ್ತೀಚೆಗೆ ಜಿಲ್ಲಾಪಂಚಾಯಿತಿಗಳಿಗೆ ಬರುವ ಅನುದಾನದಲ್ಲಿಕಡಿತವಾಗುತ್ತಿದೆ ಎಂದು ಗಮನ ಸೆಳೆದರು. ಹೆಚ್ಚುವರಿ ಅನುದಾನ ನೀಡಲು ಸರಕಾರ ನಿರ್ಧಾರ ಕೈಗೊಳ್ಳುವಂತೆ ಒತ್ತಾಯಿಸಿದರು.

ನೆರೆಪರಿಹಾರಕ್ಕೆ ಇನ್ನೂ ಬಂದಿಲ್ಲ ಕೇಂದ್ರದ ಅನುದಾನ

ಈ ಬೇಡಿಕೆಯನ್ನು ತಳ್ಳಿ ಹಾಕಿದ ಸಿಎಂ ಬಿಎಸ್‌ವೈ,'ಸದ್ಯಕ್ಕೆ ಹೆಚ್ಚಿನ ಅನುದಾನ ನೀಡುವ ಸ್ಥಿತಿಯಲ್ಲಿಸರಕಾರವಿಲ್ಲ. ಹೆಚ್ಚಿನ ಜಿಲ್ಲೆಗಳಲ್ಲಿಅತಿವೃಷ್ಟಿಯಿಂದ ಹಾನಿಯಾಗಿದ್ದು ಸಮರೋಪಾದಿಯಲ್ಲಿಪರಿಹಾರ ಕಾರ್ಯ ಕೈಗೊಳ್ಳಬೇಕು. ಕೆಲವು ಜಿಲ್ಲೆಗಳಲ್ಲಿಬರ ಪರಿಸ್ಥಿತಿಯೂ ಇದೆ. ಮುಂದಿನ ಹಂತದಲ್ಲಿಹೆಚ್ಚಿನ ಅನುದಾನ ಕೊಡುತ್ತೇನೆ,'ಎಂದು ಭರವಸೆ ನೀಡಿದರು.

ನೆರೆಪರಿಹಾರಕ್ಕೆ ಇನ್ನೂ ಬಂದಿಲ್ಲ ಕೇಂದ್ರದ ಅನುದಾನ: 39 ಇಲಾಖೆಗಳ ನಿಧಿ ಬಳಸ್ತಿದೆ ಬಿಎಸ್‌ವೈ ಸರಕಾರ

ವೇತನ ಸಮರ್ಪಣೆ: ಈ ಮಧ್ಯೆ ಸಿಎಂ ಸೂಚನೆ ಮೇರೆಗೆ ಜಿಲ್ಲಾಪಂಚಾಯಿತಿ ಅಧ್ಯಕ್ಷರು ತಮ್ಮ 1 ತಿಂಗಳ ವೇತನವನ್ನು ಪ್ರವಾಹ ಪರಿಹಾರ ನಿಧಿಗೆ ನೀಡುವುದಾಗಿ ಘೋಷಿಸಿದರು. ಇಷ್ಟರ ನಡುವೆಯೂ ತಮಗೆ ಅಂಗರಕ್ಷಕರ ನೀಡುವಂತೆ ಮಾಡಿದ ಮನವಿಗೆ ಸಿಟ್ಟಾದರು. ಇಂಥ ಬೇಡಿಕೆ ಸಲ್ಲಿಸದಂತೆ ಕಟ್ಟಪ್ಪಣೆ ಮಾಡಿದರು ಎನ್ನಲಾಗಿದೆ.