ಇನ್ನು ಮೊಬೈಲ್‌ನಲ್ಲೂ ಎಚ್‌ಡಿಕೆ ಸುದ್ದಿ

ಬೆಂಗಳೂರು: ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯರಾಗಿರುವ ಮಾಜಿ ಮುಖ್ಯಮಂತ್ರಿ ಎಚ್‌ಡಿ ಕುಮಾರಸ್ವಾಮಿ ಅವರು ಈಗ ಇನ್ನೊಂದು ಹೆಜ್ಜೆ ಮುಂದೆ ಇಟ್ಟಿದ್ದು, ಪ್ರತಿ ದಿನ ಅವರ ಸುದ್ದಿಯನ್ನು ಮೊಬೈಲ್ ಮೂಲಕ ಪಡೆಯಬಹುದಾಗಿದೆ.

ಈ ಯೋಜನೆಗೆ ಅವರ ತಾಂತ್ರಿಕ ಸಲಹೆಗಾರರು ಯೋಜನೆ ಸಿದ್ಧಪಡಿಸಿದ್ದಾರೆ. 'ನಮ್ಮ ಹೆಚ್ ಡಿ ಕೆ' ಜಾಲತಾಣ ಈಗಾಗಲೇ ಫೇಸ್ ಬುಕ್ , ಟ್ವಿಟರ್, ಯು ಟ್ಯೂಬ್, ಸೌಂಡ್ ಕ್ಲೌಡ್‌ನಲ್ಲಿ ಜನಪ್ರಿಯವಾಗಿದ್ದು ಮುಂದುವರಿಕೆಯಾಗಿ ಮೊಬೈಲ್ ಸೇವೆ ಆರಂಭಿಸಲಿದೆ.

ಮೊಬೈಲ್ ನ ಸಂಖ್ಯೆ 94838 6999 ಗೆ ಒಂದು ಮಿಸ್ ಕಾಲ್ ಕೊಟ್ಟರೆ ಸಾಕು ಆ ಸಂಖ್ಯೆ 'ನಮ್ಮ ಹೆಚ್ ಡಿ ಕೆ' ಸಾಮಾಜಿಕ ಜಾಲತಾಣದಲ್ಲಿ ನೋಂದಾಯಿಸಲ್ಪಡುತ್ತದೆ. ಪ್ರತಿ ದಿನ ಮೂರು ಬಾರಿ ಹೆಚ್ ಡಿ ಕುಮಾರಸ್ವಾಮಿ ಅವರ ಸಭೆ ಸಮಾರಂಭ, ಭಾಷಣ, ಪತ್ರಿಕಾ ಗೋಷ್ಠಿ ಎಲ್ಲವೂ ಆ ನಂಬರ್ ನ ಮಾಲೀಕರಿಗೆ ಸಿಗುತ್ತದೆ. ಆಡಿಯೋ, ವಿಡಿಯೋಗಳನ್ನೂ ಕಳುಹಿಸಲಾಗುತ್ತದೆ. ಪ್ರತೀ ದಿನ ಬೆಳಗ್ಗೆ ಹೆಚ್ ಡಿ ಕೆ ಅವರ ಕಾರ್ಯಕ್ರಮದ ವಿವರ ನೀಡುವ ಮೂಲಕ ಆರಂಭವಾಗುವ ಈ ಸುದ್ದಿ ಸೇವೆ ದಿನದ ಅಂತ್ಯಕ್ಕೆ ರೌಂಡ್ ಅಪ್ ನೀಡುವ ಮೂಲಕ ಮುಕ್ತಾಯವಾಗುತ್ತದೆ. ಮಿಸ್ಡ್‌ ಕಾಲ್ ಗಳನ್ನೂ ನೋಂದಾಯಿಸುವ ಸೇವೆ ಈ ಭಾನುವಾರದಿಂದ ಆರಂಭವಾಗಲಿದೆ.