ನಂಗೇ ನೋಟೀಸ್ ನೀಡಲು ಯಾರವನು ಬಾಲಕೃಷ್ಣನ್, ಎಲ್ಲಿದ್ದಿಯಪ್ಪ ಎಂದ ಕುಮಾರಸ್ವಾಮಿ!

ಬೆಂಗಳೂರು: ಆದಾಯ ತೆರಿಗೆ ಇಲಾಖೆ ಅಧಿಕಾರಿ ಬಾಲಕೃಷ್ಣನ್‌ ವಿರುದ್ಧ ಸಿಎಂ ಕುಮಾರಸ್ವಾಮಿ ಮತ್ತೆ ಏಕವಚನದಲ್ಲಿ ಹರಿಹಾಯ್ದಿದ್ದಾರೆ.

ಬೆಂಗಳೂರಿನಲ್ಲಿ ಮಂಗಳವಾರ ರಾತ್ರಿ ಚುನಾವಣೆ ಸಭೆಯಲ್ಲಿ ಮಾತನಾಡಿ ಅವರು ''ನನಗೆ ನೋಟಿಸ್‌ ಕೊಡಲು ಯಾರಿವನು ಬಾಲಕೃಷ್ಣನ್‌? ರಾಜ್ಯಪಾಲರಾಗುವ ಆಸೆಯಿಂದ ಅವರು ಹೀಗೆಲ್ಲ ಮಾಡುತ್ತಿದ್ದಾರೆ. ಇವರು ಕೊಟ್ಟ ದೂರು ಟೈಪ್‌ ಮಾಡಿದ್ದು ಬಿಜೆಪಿ ಹೆಡ್‌ ಕ್ವಾರ್ಟರ್‌ನಲ್ಲಿ. ಮೋದಿ ದರ್ಬಾರ್‌ ಇನ್ನು 15 ದಿನ ಮಾತ್ರ. ಪದೇಪದೆ ನನ್ನ ಕಾರು ಚೆಕ್‌ ಮಾಡಿಸುತ್ತಾರೆ. ನೂರಾರು ಮಂದಿಯನ್ನು ಬಿಟ್ಟು ಐಟಿ ದಾಳಿ ಮಾಡಿಸುತ್ತಾರೆ. ನಾನು ಇದಕ್ಕೆಲ್ಲ ಕೇರ್‌ ಮಾಡೋದಿಲ್ಲ,'' ಎಂದು ಆಕ್ರೋಶ ವ್ಯಕ್ತಪಡಿಸಿದರು.