ಉತ್ತರ ಕರ್ನಾಟಕ: ಮಳೆ ಅಬ್ಬರಕ್ಕೆ ಜನ ತತ್ತರ, ಸಿಡಿಲಿಗೆ 11 ಬಲಿ

ಬೆಂಗಳೂರು: ಉತ್ತರ ಕರ್ನಾಟಕ ಭಾಗದ ಬಹುತೇಕ ಭಾಗಗಳಲ್ಲಿ ಭಾನುವಾರ ಅಕಾಲಿಕ ಮಳೆ ಸುರಿದೆ. ಸಿಡಿಲು-ಗುಡುಗು, ಗಾಳಿ ಮಳೆಗೆ ಮೂವರು ಮಕ್ಕಳು ಸೇರಿದಂತೆ ಹನ್ನೊಂದು ಮಂದಿ ಬಲಿಯಾಗಿದ್ದಾರೆ.

ಏಕಾಏಕಿ ಸುರಿದ ಭಾರಿ ಮಳೆಯ ಅಬ್ಬರಕ್ಕೆ ಬೀದರ್‌, ಕಲಬುರಗಿ, ಯಾದಗಿರಿ, ವಿಜಯಪುರ, ಬಾಗಲಕೋಟ ಜಿಲ್ಲೆಯ ಅನೇಕ ಕಡೆ ಧಾರಾಕಾರ ಮಳೆ ಬಿದ್ದಿದೆ. ನೂರಾರು ಕುರಿ, ಕೋಳಿಗಳೂ ಸಿಡಿಲಿಗೆ ಆಹುತಿಯಾಗಿವೆ. ಕೊಪ್ಪಳ ಜಿಲ್ಲೆಯ ಅನೇಕ ಕಡೆ ಆಲಿಕಲ್ಲು ಮಳೆ ಬಿದ್ದಿದ್ದು ನೂರಾರು ಎಕರೆ ಭತ್ತದ ಬೆಳೆಗೆ ಹಾನಿಯಾಗಿರುವ ಬಗ್ಗೆ ವರದಿಯಾಗಿದೆ.

ಬಾದಾಮಿ ತಾಲೂಕು ನೀಲಗುಂದ ಗ್ರಾಮದ ಹೊರವಲಯದ ಜಮೀನಿನ ಶೆಡ್‌ನಲ್ಲಿದ್ದ ಆಕಳನ್ನು ಮನೆಗೆ ಬಿಡಲು ತೆರಳಿದ್ದಾಗ ಸಿಡಿಲು ಬಡಿದು ರೈತ ಮತ್ತು ಹಸು ಮೃತಪಟ್ಟಿದೆ.