ಬೆಂಗಳೂರು : ವಿದಾಯ ಭಾಷಣದ ವೇಳೆ ಹಲವು ಬಾರಿ ಭಾವುಕರಾದ ಎಚ್‌.ಡಿ.ಕುಮಾರಸ್ವಾಮಿ ತಂದೆ-ತಾಯಿಯ ಪುಣ್ಯ ಹಾಗೂ ದೇವರ ಆಶೀರ್ವಾದಿಂದ ಇನ್ನೂ ಬದುಕಿದ್ದೇನೆ ಎಂದರು.
''ಲೋಡ್‌ ಶೆಡ್ಡಿಂಗ್‌ ಜಾರಿ ಬಗ್ಗೆ ಸುದ್ದಿ ಪ್ರಸಾರವಾದಾಗ ಬಹಳ ಆಘಾತವಾಗಿತ್ತು. ಅಂದು ಒಂದೂವರೆ ತಾಸು ಯಾತನೆಯಿಂದ ಕಾಲ ಕಳೆದಿದ್ದೇನೆ. ರಾಜಕೀಯಕ್ಕೆ ಆಕಸ್ಮಿಕವಾಗಿ ಬಂದು ಸಾಕಷ್ಟು ನೋವುಂಡಿದ್ದೇನೆ. ಮುಖ್ಯಮಂತ್ರಿಯಾಗಿ ಸರಕಾರಿ ವಾಹನ ಬಳಸಿಲ್ಲ. ಭತ್ಯೆ, ಭಂಗಲೆ ಪಡೆದಿಲ್ಲ. ವಿಧಾನಸಭೆ ಚುನಾವಣೆ ಫಲಿತಾಂಶ ಬಂದಾಗ ವೆಸ್ಟ್‌ ಎಂಡ್‌ ಹೋಟೆಲ್‌ ರೂಮ್‌ನಲ್ಲಿ ಕುಳಿತುಕೊಂಡು ನಿವೃತ್ತಿ ಬಗ್ಗೆ ಯೋಚಿಸುತ್ತಿದ್ದೆ. ಆಗ ಗುಲಾಂ ನಬಿ ಆಜಾದ್‌ ಕರೆಮಾಡಿ ನಾಯಕತ್ವ ವಹಿಸಿಕೊಳ್ಳಿ ಎಂದರು. ಹಾಗಾಗಿ ಇದೊಂದು ಅದೃಷ್ಟದ ರೂಮ್‌ ಎಂದು ಉಳಿಸಿಕೊಂಡಿದ್ದೆ ,'' ಎಂದು ತಿಳಿಸಿದರು.
ಭಾಷಣಕ್ಕೆ ಅಂತ್ಯ ಹಾಡುವಾಗ ಅಜೆಂಡಾದಲ್ಲಿ ಇಲ್ಲದಿದ್ದರೂ ರಾಜ್ಯದ ಹಿತದೃಷ್ಟಿಯಿಂದ ಹಣಕಾಸು ವಿಧೇಯಕ ಪಾಸು ಮಾಡಿಕೊಡಬೇಕು ಎಂದು ಎಚ್‌ಡಿಕೆ ಮನವಿ ಮಾಡಿಕೊಂಡರು. ಆದರೆ, ಈ ಪ್ರಸ್ತಾವದ ಮಂಡನೆಯಾಗಲಿಲ್ಲ.