ಅಜಯ್‌ ಹಿಲೋರಿ ಹೇಳಿಕೆ ದಾಖಲಿಸಿಕೊಂಡ ಸಿಬಿಐ

ಬೆಂಗಳೂರು: ಐಎಂಎ ಬಹುಕೋಟಿ ವಂಚನೆ ಪ್ರಕರಣದಲ್ಲಿಐಪಿಎಸ್‌ ಅಧಿಕಾರಿ, ಪೂರ್ವ ವಿಭಾಗದ ಹಿಂದಿನ ಡಿಸಿಪಿ ಅಜಯ್‌ ಹಿಲೋರಿ ಅವರನ್ನು ಸಿಬಿಐ ಅಧಿಕಾರಿಗಳು ವಿಚಾರಣೆ ನಡೆಸಿ ಹೇಳಿಕೆ ದಾಖಲಿಸಿಕೊಂಡಿದ್ದಾರೆ.

ಎರಡು ದಿನಗಳ ಕಾಲ ಅಜಯ್‌ ಹಿಲೋರಿ ಅವರನ್ನು ವಿಚಾರಣೆ ನಡೆಸಲಾಗಿದೆ ಎಂದು ತಿಳಿದು ಬಂದಿದೆ.

ಐಎಂಎ ಪ್ರಧಾನ ಕಚೇರಿ ಕಮರ್ಷಿಯಲ್‌ ಸ್ಟ್ರೀಟ್‌ ಪೊಲೀಸ್‌ ಠಾಣೆ ವ್ಯಾಪ್ತಿಗೆ ಬರುತ್ತದೆ. ಕಮರ್ಷಿಯಲ್‌ ಸ್ಟ್ರೀಟ್‌ ಪೊಲೀಸ್‌ ಠಾಣೆಯು ಪೂರ್ವ ವಿಭಾಗದ ವ್ಯಾಪ್ತಿಗೆ ಬರುತ್ತದೆ. ಐಎಂಎ ವಂಚನೆ ಹಗರಣಗಳ ಕುರಿತು ಪೊಲೀಸ್‌ ಠಾಣೆಗೆ, ಎಸಿಪಿ ಕಚೇರಿಗೆ ಹಾಗೂ ಪೂರ್ವ ಡಿಸಿಪಿ ಕಚೇರಿಗೆ ಸಾರ್ವಜನಿಕರು ದೂರು ನೀಡಿದ್ದರು. ಈ ಅವಧಿಯಲ್ಲಿಪೂರ್ವ ವಿಭಾಗಕ್ಕೆ ಅಜಯ್‌ ಹಿಲೋರಿ ಡಿಸಿಪಿ ಆಗಿದ್ದರು. ಪ್ರಕರಣದಲ್ಲಿಈಗಾಗಲೇ ಹೆಚ್ಚುವರಿ ಪೊಲೀಸ್‌ ಆಯುಕ್ತ ಹೇಮಂತ್‌ ನಿಂಬಾಳ್ಕರ್‌ ಅವರನ್ನು ವಿಚಾರಣೆ ನಡೆಸಿ ಹೇಳಿಕೆ ದಾಖಲಿಸಿಕೊಳ್ಳಲಾಗಿದೆ.