ಐಎಂಎ ಪ್ರಕರಣ, ನ್ಯಾಯಾಲಯದಲ್ಲಿವಿಚಾರಣೆ ಆರಂಭ

ಬೆಂಗಳೂರು: ಐಎಂಎ ಬಹುಕೋಟಿ ವಂಚನೆ ಪ್ರಕರಣದಲ್ಲಿಸಿಟಿ ಸಿವಿಲ್‌ ಪ್ರಧಾನ ನ್ಯಾಯಾಲಯದಲ್ಲಿಬುಧವಾರದಿಂದ ವಿಚಾರಣೆ ಆರಂಭವಾಯಿತು.

ಬಿಗಿ ಪೊಲೀಸ್‌ ಭದ್ರತೆಯೊಂದಿಗೆ ಪ್ರಮುಖ ಆರೋಪಿ ಮನ್ಸೂರ್‌ ಖಾನ್‌ ಸೇರಿದಂತೆ 12 ಆರೋಪಿಗಳನ್ನು ಪರಪ್ಪನ ಅಗ್ರಹಾರ ಕಾರಾಗೃಹದಿಂದ ನ್ಯಾಯಾಲಯಕ್ಕೆ ಕರೆತರಲಾಯಿತು.

ಇದೇ ವೇಳೆ ಜಾಮೀನಿನ ಮೇಲೆ ಬಿಡುಗಡೆಯಾಗಿರುವ ಬೆಂಗಳೂರು ನಗರದ ಹಿಂದಿನ ಜಿಲ್ಲಾಧಿಕಾರಿ ವಿಜಯ್‌ ಶಂಕರ್‌, ಉಪವಿಭಾಗಾಧಿಕಾರಿಯಾಗಿದ್ದ ಎಲ್‌.ಸಿ ನಾಗರಾಜ, ಬಿಡಿಎ ಕಾರ್ಯ ನಿರ್ವಾಹಕ ಎಂಜಿನಿಯರ್‌ ಆಗಿದ್ದ ಪಿ.ಡಿ ಕುಮಾರ್‌, ಗ್ರಾಮಲೆಕ್ಕಿಗ ಮಂಜುನಾಥ ಸೇರಿದಂತೆ ಜಾಮೀನು ಪಡೆದಿರುವ ಆರೋಪಿಗಳು ಹಾಜರಾದರು. ವಿಚಾರಣೆಯನ್ನು ನ್ಯಾಯಾಲಯ ಅ.3ಕ್ಕೆ ಮುಂದೂಡಿದೆ.