''ಸುಧಾರಿತ ಹಂಸವೂ ಮುಂದಿನ 11ರಿಂದ 13 ತಿಂಗಳಲ್ಲಿ ಮೊದಲ ಪ್ರಾಯೋಗಿಕ ಹಾರಾಟ ನಡೆಸಲಿದೆ. 2020ರ ವೇಳೆಗೆ ವಾಣಿಜ್ಯ ಹಾರಾಟದ ಪ್ರಮಾಣಪತ್ರ ಪಡೆದುಕೊಳ್ಳುವ ವಿಶ್ವಾಸವನ್ನು ಎನ್‌ಎಎಲ್‌ ಹೊಂದಿದೆ. ಪ್ರಮಾಣಪತ್ರ ಪಡೆದುಕೊಳ್ಳುತ್ತಿದ್ದಂತೆ ಮೆಸ್ಕೋ ಕಂಪನಿಯು ಹಂಸ ವಿಮಾನಗಳ ಉತ್ಪಾದನೆ ಆರಂಭಿಸಲಿದೆ,'' ಎಂದು ಎನ್‌ಎಎಲ್‌ ಪ್ರಕಟಣೆಯಲ್ಲಿ ತಿಳಿಸಿದೆ.
ಇಂಧನ ಕ್ಷಮತೆಗಾಗಿ ಸುಧಾರಿತ ಎಂಜಿನ್‌ ಅಳವಡಿಕೆ, ಡಿಜಿಟಲ್‌ ಡಿಸ್ಪೇ ವ್ಯವಸ್ಥೆ, ಮತ್ತಷ್ಟು ಹಗುರವಾದ ರೆಕ್ಕೆ ಸೇರಿ ಇನ್ನಿತರ ಭಾಗಗಳ ಅಳವಡಿಕೆ, ಒಳಾಂಗಣ ವಿನ್ಯಾಸ, ತಿರುಗಿಸಬಹುದಾದ ಸ್ಟೀಯರಿಂಗ್‌ ಚಕ್ರಜತೆಗೆ ಬ್ಯಾಗೇಜ್‌ಗಾಗಿ ಸ್ಥಳಾವಕಾಶವೂ ಸೇರಿದೆ. ಬೇಸಿಕ್‌ ವಿಮಾನದ ದರವೂ 80 ಲಕ್ಷ ರೂ. ಇರಲಿದ್ದು, ಸಂಪೂರ್ಣ ಸುಧಾರಿತ ವ್ಯವಸ್ಥೆಗಳೊಂದಿಗೆ 1 ಕೋಟಿ ರೂ. ಇರಲಿದೆ. ದೇಶದಲ್ಲಿ ಹಾಲಿ 2 ಸೀಟ್‌ಗಳ ಸುಮಾರು 70ರಿಂದ 80 ವಿಮಾನಗಳಿಗೆ ಬೇಡಿಕೆ ಇದೆ. ಪೈಲಟ್‌ ತರಬೇತಿ ಶಾಲೆ ಮತ್ತು ಕ್ಲಬ್‌ಗಳು, ಕರಾವಳಿ ಕಾವಲು ವ್ಯವಸ್ಥೆಗಾಗಿ, ಕೆಡೆಟ್‌ಗಳ ತರಬೇತಿಗೆ ಮತ್ತು ಹವ್ಯಾಸಿ ಹಾರಾಟಗಾರರಿಗೂ ಹಂಸವನ್ನು ಮಾರಾಟ ಮಾಡಲಾಗುತ್ತದೆ. 2001ರಿಂದ 20110ರ ನಡುವೆ ಎನ್‌ಎಎಲ್‌ ಒಟ್ಟು 14 ಹಂಸ-3 ವಿಮಾನಗಳನ್ನು ಉತ್ಪಾದಿಸಿದೆ. ಈ ಪೈಕಿ ಡಿಜಿಸಿಎಗೆ 11 ನೀಡಲಾಗಿದ್ದು, ಐಐಟಿ ಕಾನ್ಪುರಕ್ಕೆ ಒಂದು ಇನ್ನೆರಡನ್ನು ಸಂಸ್ಥೆಯ ಕೆಲಸಗಳಿಗೆ ಇರಿಸಿಕೊಂಡಿದೆ.