ಇಂದಿರಾ ಕ್ಯಾಂಟೀನ್: ಸುಳ್ಳುಗಾರನ ಮನೆ ಹಾಳಾಗ ಎಂದ ಸಿಎಂ

ಬೆಂಗಳೂರು: ಇಂದಿರಾ ಕ್ಯಾಂಟೀನ್ ಯೋಜನೆಗೂ ಕೆಲವರು ಅಡ್ಡಗಾಲು ಹಾಕುತ್ತಾರೆ. ಈ ಯೋಜನೆಯೇ ನೂರು ಕೋಟಿ ರೂ.ಗಳದ್ದು. ಇದರಲ್ಲಿ 65 ಕೋಟಿ ಅವ್ಯವಹಾರ ನಡೆದಿದೆ ಎಂದು ಯಾವನೋ ಹೇಳುತ್ತಾನೆ. ಅವನ ಮನೆ ಹಾಳಾಗಲಿ ಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ಹೇಳಿದ್ದಾರೆ.

ಮಾಗಡಿ ರಸ್ತೆಯ ಕೆಳಸೇತುವೆ ಉದ್ಘಾಟನಾ ಕಾರ್ಯಕ್ರಮದಲ್ಲಿಮಾತನಾಡಿದ ಸಿಎಂ, ಸುಳ್ಳು ಹೇಳುವುದಕ್ಕೂ ಒಂದು ಮಿತಿ ಇರಬೇಕು. ಆರೋಪ ಮಾಡಿದವರಿಗೆ ಸ್ವಲ್ಪ ಆದರೂ ಲೆಕ್ಕ ಬರುವುದಿಲ್ಲವೇ ಎಂದು ಪ್ರಶ್ನಿಸಿದ್ದಾರೆ.

ಆರ್‌ಟಿಐ ಕಾಯಿದೆ ಬಂದ ಬಳಿಕ ಅದನ್ನು ಸುಮ್ಮನೆ ದುರ್ಬಳಕೆ ಮಾಡಿಕೊಳ್ಳುತ್ತಾರೆ. ಇದು ಅಭಿವೃದ್ಧಿಗೆ ಮಾರಕ. ಹೀಗೆ ಆರೋಪ ಮಾಡಿದವನ ಮೇಲೆ ಕೇಸ್ ಹಾಕಬಹುದು. ನಾನು ಲಾಯರ್, ಆದರೆ ನನಗೆ ನ್ಯಾಯಾಲಯಕ್ಕೆ ಹೋಗಲು ಸಮಯವಿಲ್ಲ. ನೀವೇ ಯಾರಾದ್ರೂ ಕೇಸ್ ಹಾಕಿ ಎಂದು ಮುಖ್ಯಮಂತ್ರಿ ಹೇಳಿದರು.