ಬೆಂಗಳೂರು: ತಮ್ಮ ತಪ್ಪು ಅರಿವಾಗಿ ಕಾಂಗ್ರೆಸ್ ನಾಯಕರು ಪಾದಯಾತ್ರೆ ಕೈಬಿಟ್ಟಿದ್ದು ಸಂತೋಷ ಎಂದು ಸಚಿವ ಡಾ. ಸಿ.ಎನ್‌. ಅಶ್ವತ್ಥ ನಾರಾಯಣ ಹೇಳಿದರು.
ಮೇಕೆದಾಟು ನಮಗೆಲ್ಲ ಬೇಕಾಗಿರುವ ಯೋಜನೆ. ಆಡಳಿತ ಪ್ರತಿಪಕ್ಷ ಸೇರಿ ಈ ಯೋಜನೆಯನ್ನು ಜಾರಿ ಮಾಡಬೇಕು. ನಾಡಿನ ನೆಲ, ಜಲ, ಭಾಷೆ ವಿಚಾರ ಬಂದಾಗ ಎಲ್ಲರೂ ಒಟ್ಟಾಗಿ ಕೆಲಸ ಮಾಡಬೇಕು. ಆದರೆ ರಾಜಕೀಯ ಲಾಭದ ದುರುದ್ದೇಶದಿಂದ ಮೇಕೆದಾಟು ಪಾದಯಾತ್ರೆ ಪ್ರಾರಂಭ ಮಾಡಲಾಗಿತ್ತು. ಸೂಕ್ತ ಸಂದರ್ಭದಲ್ಲಿ ಇದು ಪ್ರಾರಂಭ ಆಗಿಲ್ಲ. ಇದರ ಅವಶ್ಯಕತೆ ಕೂಡಾ ಇರಲಿಲ್ಲ ಎಂದರು.
ಯಾರೂ ಕೂಡ ಮೇಕೆದಾಟು ಯೋಜನೆ ಬೇಡ ಎಂದಿಲ್ಲ. ಎಲ್ಲರೂ ಈ ಯೋಜನೆಯ ಜಾರಿಗೆ ಬದ್ಧರಾಗಿದ್ದಾರೆ. ನ್ಯಾಯಾಲಯ ಮಧ್ಯ ಪ್ರವೇಶ ಮಾಡಿ ಕೊರೊನಾ ಸಂಬಂಧ ಸರ್ಕಾರದ, ಪ್ರತಿಪಕ್ಷದ ಸ್ಪಷ್ಟ ನಿಲುವು ಕೇಳಿದೆ. ಸರ್ಕಾರ ಯಾವುದೇ ಪಾದಯಾತ್ರೆಗೆ ಅವಕಾಶ ಕೊಟ್ಟಿರಲಿಲ್ಲ. ಎಲ್ಲದಕ್ಕೂ ನಿರ್ಬಂಧ ಇತ್ತು. ಪಾದಯಾತ್ರಗೆ ಯಾವುದೇ ಅನುಮತಿಯನ್ನು ಕೊಟ್ಟಿರದಿದ್ದರೂ, ಜವಾಬ್ದಾರಿ ಮರೆತು ಪಾದಯಾತ್ರೆ ಮಾಡಿದ್ದರು ಎಂದು ದೂರಿದರು.
ಭಂಡತನದಿಂದ ಇಂತಹ ಕಾರ್ಯದಲ್ಲಿ ಕಾಂಗ್ರೆಸಿಗರು ತೊಡಗಿದ್ದರು. ಆದರೆ ಪಾದಯಾತ್ರೆಗೆ ಅವಕಾಶ ನೀಡುವುದಿಲ್ಲ ಎಂಬ ಸ್ಪಷ್ಟ ನಿಲುವು ತೆಗೆದುಕೊಂಡಿದ್ದೆವು. ಕಿವಿ ಮಾತು ಹೇಳಿ ವಿಶ್ವಾಸಕ್ಕೆ ತೆಗೆದುಕೊಳ್ಳುವ ಪ್ರಯತ್ನ ಮಾಡಿದ್ದೆವು ಎಂದು ವಿವರಿಸಿದರು.
'ಅವರಿಗೆ ಮೇಕೆದಾಟು ಬಗ್ಗೆ ಯಾವುದೇ ಕಾಳಜಿ ಇಲ್ಲ. ನಾನು ನಾಯಕನಾಗಬೇಕು, ಸಿದ್ದರಾಮಯ್ಯಗೆ ಪೈಪೋಟಿ ಕೊಡಬೇಕು' ಎಂಬ ಕಲ್ಪನೆ ಮಾತ್ರ ಇದೆ ಎಂದು ಪರೋಕ್ಷವಾಗಿ ಡಿಕೆ ಶಿವಕುಮಾರ್‌ಗೆ ಟಾಂಗ್ ನೀಡಿದರು.
ಕಾಂಗ್ರೆಸಿಗರು ಕೋವಿಡ್-19 ಇಲ್ಲ ಎನ್ನುತ್ತಿದ್ದರು. ಆದರೆ ಈಗ ಅವರ ನಾಯಕರೇ ಪಾಸಿಟಿವ್ ಎಂದು ಘೋಷಣೆ ಮಾಡುತ್ತಿದ್ದಾರೆ. ಏನೇ ಆಗಲಿ ಈ ಪಾದಯಾತ್ರೆ ಕೈಬಿಟ್ಟಿದ್ದು ಸಂತೋಷ ಎಂದು ಅಶ್ವತ್ಥ ನಾರಾಯಣ್‌ ಹೇಳಿದರು.
ಮೇಕೆದಾಟು ನಮಗೆಲ್ಲ ಬೇಕಾಗಿರುವ ಯೋಜನೆ. ಆಡಳಿತ ಪ್ರತಿಪಕ್ಷ ಸೇರಿ ಈ ಯೋಜನೆಯನ್ನು ಜಾರಿ ಮಾಡಬೇಕು. ನಾಡಿನ ನೆಲ, ಜಲ, ಭಾಷೆ ವಿಚಾರ ಬಂದಾಗ ಎಲ್ಲರೂ ಒಟ್ಟಾಗಿ ಕೆಲಸ ಮಾಡಬೇಕು. ಆದರೆ ರಾಜಕೀಯ ಲಾಭದ ದುರುದ್ದೇಶದಿಂದ ಮೇಕೆದಾಟು ಪಾದಯಾತ್ರೆ ಪ್ರಾರಂಭ ಮಾಡಲಾಗಿತ್ತು. ಸೂಕ್ತ ಸಂದರ್ಭದಲ್ಲಿ ಇದು ಪ್ರಾರಂಭ ಆಗಿಲ್ಲ. ಇದರ ಅವಶ್ಯಕತೆ ಕೂಡಾ ಇರಲಿಲ್ಲ ಎಂದರು.
ಯಾರೂ ಕೂಡ ಮೇಕೆದಾಟು ಯೋಜನೆ ಬೇಡ ಎಂದಿಲ್ಲ. ಎಲ್ಲರೂ ಈ ಯೋಜನೆಯ ಜಾರಿಗೆ ಬದ್ಧರಾಗಿದ್ದಾರೆ. ನ್ಯಾಯಾಲಯ ಮಧ್ಯ ಪ್ರವೇಶ ಮಾಡಿ ಕೊರೊನಾ ಸಂಬಂಧ ಸರ್ಕಾರದ, ಪ್ರತಿಪಕ್ಷದ ಸ್ಪಷ್ಟ ನಿಲುವು ಕೇಳಿದೆ. ಸರ್ಕಾರ ಯಾವುದೇ ಪಾದಯಾತ್ರೆಗೆ ಅವಕಾಶ ಕೊಟ್ಟಿರಲಿಲ್ಲ. ಎಲ್ಲದಕ್ಕೂ ನಿರ್ಬಂಧ ಇತ್ತು. ಪಾದಯಾತ್ರಗೆ ಯಾವುದೇ ಅನುಮತಿಯನ್ನು ಕೊಟ್ಟಿರದಿದ್ದರೂ, ಜವಾಬ್ದಾರಿ ಮರೆತು ಪಾದಯಾತ್ರೆ ಮಾಡಿದ್ದರು ಎಂದು ದೂರಿದರು.
ಭಂಡತನದಿಂದ ಇಂತಹ ಕಾರ್ಯದಲ್ಲಿ ಕಾಂಗ್ರೆಸಿಗರು ತೊಡಗಿದ್ದರು. ಆದರೆ ಪಾದಯಾತ್ರೆಗೆ ಅವಕಾಶ ನೀಡುವುದಿಲ್ಲ ಎಂಬ ಸ್ಪಷ್ಟ ನಿಲುವು ತೆಗೆದುಕೊಂಡಿದ್ದೆವು. ಕಿವಿ ಮಾತು ಹೇಳಿ ವಿಶ್ವಾಸಕ್ಕೆ ತೆಗೆದುಕೊಳ್ಳುವ ಪ್ರಯತ್ನ ಮಾಡಿದ್ದೆವು ಎಂದು ವಿವರಿಸಿದರು.
'ಅವರಿಗೆ ಮೇಕೆದಾಟು ಬಗ್ಗೆ ಯಾವುದೇ ಕಾಳಜಿ ಇಲ್ಲ. ನಾನು ನಾಯಕನಾಗಬೇಕು, ಸಿದ್ದರಾಮಯ್ಯಗೆ ಪೈಪೋಟಿ ಕೊಡಬೇಕು' ಎಂಬ ಕಲ್ಪನೆ ಮಾತ್ರ ಇದೆ ಎಂದು ಪರೋಕ್ಷವಾಗಿ ಡಿಕೆ ಶಿವಕುಮಾರ್‌ಗೆ ಟಾಂಗ್ ನೀಡಿದರು.
ಕಾಂಗ್ರೆಸಿಗರು ಕೋವಿಡ್-19 ಇಲ್ಲ ಎನ್ನುತ್ತಿದ್ದರು. ಆದರೆ ಈಗ ಅವರ ನಾಯಕರೇ ಪಾಸಿಟಿವ್ ಎಂದು ಘೋಷಣೆ ಮಾಡುತ್ತಿದ್ದಾರೆ. ಏನೇ ಆಗಲಿ ಈ ಪಾದಯಾತ್ರೆ ಕೈಬಿಟ್ಟಿದ್ದು ಸಂತೋಷ ಎಂದು ಅಶ್ವತ್ಥ ನಾರಾಯಣ್‌ ಹೇಳಿದರು.