ಬೆಂಗಳೂರು: ಬೆಂಗಳೂರು ನಗರ ಪೊಲೀಸ್‌ ಆಯುಕ್ತರಾಗಿದ್ದ ಭಾಸ್ಕರ್‌ ರಾವ್‌ ಅವರನ್ನು ವರ್ಗಾವಣೆ ಮಾಡಲಾಗಿದೆ. ಅವರ ಜಾಗಕ್ಕೆ ಕಮಲ್‌ ಪಂತ್‌ರನ್ನು ನೇಮಿಸಿ ಸರಕಾರ ಶುಕ್ರವಾರ ಆದೇಶ ಹೊರಡಿಸಿದೆ.

ಬೆಂಗಳೂರು ಪೊಲೀಸ್‌ ಕಮಿಷನರ್‌ ಆಗಿದ್ದ ಭಾಸ್ಕರ್‌ ರಾವ್‌ರನ್ನು ಆಂತರಿಕ ಭದ್ರತೆ ವಿಭಾಗದ ಎಡಿಜಿಪಿಯಾಗಿ ನೇಮಕ ಮಾಡಲಾಗಿದೆ. ಪಿ.ಎಸ್‌.ಸಂಧು ಬಡ್ತಿಯ ನಂತರ ಈ ಸ್ಥಾನ ಖಾಲಿ ಉಳಿದಿತ್ತು.

ಗುಪ್ತಚರ ಇಲಾಖೆ ಎಡಿಜಿಪಿ ಆಗಿದ್ದ ಕಮಲ್‌ ಪಂತ್‌ರನ್ನು ಬೆಂಗಳೂರು ನಗರ ಪೊಲೀಸ್‌ ಆಯುಕ್ತರ ಹುದ್ದೆಗೆ ಕರೆತರಲಾಗಿದೆ. ಪಂತ್‌ ಹಾಗೂ ಭಾಸ್ಕರ್‌ ರಾವ್‌ ಇಬ್ಬರೂ 1990ರ ಬ್ಯಾಚ್‌ನ ಕರ್ನಾಟಕ ಕೇಡರ್‌ನ ಐಪಿಎಸ್‌ ಅಧಿಕಾರಿಗಳಾಗಿದ್ದಾರೆ.
ಕಮಲ್‌ ಪಂಥ್‌ ನೂತನ ಬೆಂಗಳೂರು ಪೊಲೀಸ್‌ ಕಮಿಷನರ್‌?

ಇನ್ನು ಕಮಲ್‌ ಪಂತ್‌ ಅವರ ಜಾಗಕ್ಕೆ (ಗುಪ್ತಚರ ಇಲಾಖೆ ಎಡಿಜಿಪಿ) 1994ನೇ ಬ್ಯಾಚ್‌ನ ಕರ್ನಾಟಕ ಕೇಡರ್‌ ಐಪಿಎಸ್‌ ಅಧಿಕಾರಿ ಬಿ. ದಯಾನಂದ್‌ ಅವರನ್ನು ವರ್ಗಾವಣೆ ಮಾಡಲಾಗಿದೆ. ಅವರು ಇಲ್ಲಿಯವರೆಗೆ ಸಿಐಡಿ (ಅಪರಾಧ ತನಿಖಾ ದಳ) ಮತ್ತು ಆರ್ಥಿಕ ಅವ್ಯವಹಾರ ವಿಭಾಗದ ಎಡಿಜಿಪಿ ಆಗಿದ್ದರು.