ಕನ್ನಡ ಗೊತ್ತಿಲ್ಲಟ್ವೀಟ್‌: ಪ್ರವಾಸಿಗನಿಗೆ ಸ್ಪಂದಿಸಿದ ಸಚಿವಗೆ ತರಾಟೆ

ಬೆಂಗಳೂರು: ಕನ್ನಡ ಗೊತ್ತಿಲ್ಲಎಂಬ ಕಾರಣಕ್ಕೆ ಕುಕ್ಕೆ ಸುಬ್ರಹ್ಮಣ್ಯ ಹಾಗೂ ಧರ್ಮಸ್ಥಳದಲ್ಲಿನನ್ನ ಕುಟುಂಬಕ್ಕೆ ಅವಹೇಳನ ಮಾಡಿರುವ ಹಿನ್ನೆಲೆಯಲ್ಲಿದಕ್ಷಿಣ ಭಾರತಕ್ಕೆ ಪ್ರವಾಸ ತೆರಳುವುದನ್ನು ನಿಲ್ಲಿಸಿದ್ದೇನೆ ಎಂದು ಟ್ವೀಟ್‌ ಮಾಡಿದ್ದ ವಿರಾಟ್‌ ಎಂಬುವರನ್ನು ಸಾಂತ್ವನಗೊಳಿಸಲು ಮುಂದಾದ ಪ್ರವಾಸೋದ್ಯಮ ಸಚಿವ ಸಿ.ಟಿ.ರವಿ ಈಗ ನೆಟ್ಟಿಗರ ಆಕ್ಷೇಪಕ್ಕೆ ಗುರಿಯಾಗಿದ್ದಾರೆ.

ಈ ಬಗ್ಗೆ ಕಳೆದರಡು ದಿನಗಳಿಂದ ಜಾಲತಾಣದಲ್ಲಿಭಾರಿ ಚರ್ಚೆ ನಡೆಯುತ್ತಿದೆ. ಉತ್ತರ ಭಾರತದ ವಿರಾಟ್‌ ಎಂಬುವರು ಮಾಡಿರುವ ಟ್ವೀಟ್‌ಗೆ ಪ್ರತಿಕ್ರಿಯೆ ನೀಡಿರುವ ಸಿ.ಟಿ.ರವಿ, ನಿಮಗೆ ಎದುರಾದ ಈ ದುರಾದೃಷ್ಟಕರ ಅನುಭವ ಕೇಳಿ ನಾನು ಕ್ಷಮೆ ಕೇಳುತ್ತೇನೆ. ನೀವು ಇನ್ನೊಮ್ಮೆ ಕರ್ನಾಟಕ ಪ್ರವಾಸ ಮಾಡುವ ಸಂದರ್ಭವನ್ನು ನನ್ನ ಗಮನಕ್ಕೆ ತನ್ನಿ. ನಿಮ್ಮ ಹಾಗೂ ಕುಟುಂಬಕ್ಕೆ ಈ ತಿರುಗಾಟ ಸ್ಮರಣೀಯವಾಗಿ ಉಳಿಯುವಂತೆ ಮಾಡುವ ಪ್ರಯತ್ನವನ್ನು ನಾನು ಮಾಡುತ್ತೇನೆ ಎಂದು ಸಾಂತ್ವನ ಹೇಳಿದ್ದರು.

ಉತ್ತರ ಭಾರತೀಯರ ಜತೆಗೆ ದಕ್ಷಿಣ ಕನ್ನಡದ ಜನತೆ ಈ ರೀತಿ ವರ್ತಿಸಿರಲಿಕ್ಕಿಲ್ಲ. ಈ ಟ್ವೀಟ್‌ಗೆ ಪ್ರವಾಸೋದ್ಯಮ ಸಚಿವರು ಈ ಮಟ್ಟದ ಆತಿಥ್ಯ ನೀಡುವ ಅಗತ್ಯವಿರಲಿಲ್ಲಎಂದು ಸಾಮಾಜಿಕ ಜಾಲ ತಾಣದಲ್ಲಿಈಗ ಆಕ್ಷೇಪದ ಸುರಿಮಳೆಯೇ ಆಗುತ್ತಿದೆ.