ಕರಂದ್ಲಾಜೆ ಆಕ್ಷೇಪಾರ್ಹ ಪದ ಬಳಕೆಗೆ ಸಿದ್ದು ಆಕ್ಷೇಪ

ಬೆಂಗಳೂರು : ಮೈತ್ರಿ ಸರಕಾರದ ಬಗ್ಗೆ ಸಂಸದೆ ಶೋಭಾ ಕರಂದ್ಲಾಜೆ ಆಕ್ಷೇಪಾರ್ಹ ಪದ ಬಳಕೆ ಮಾಡಿರುವುದನ್ನು ಮಾಜಿ ಸಿಎಂ ಸಿದ್ದರಾಮಯ್ಯ ಖಂಡಿಸಿದ್ದಾರೆ.

ಜಿಂದಾಲ್‌ಗೆ ಭೂಮಿ ನೀಡುತ್ತಿರುವುದನ್ನು ವಿರೋಧಿಸಿ ಬಿಜೆಪಿ ನಡೆಸಿದ ಪ್ರತಿಭಟನೆಯಲ್ಲಿ ಭಾಗಿಯಾಗಿದ್ದ ಕರಂದ್ಲಾಜೆ ಈ ವಿಚಾರ ಹಂಚಿಕೊಂಡು ಟ್ವೀಟ್‌ ಮಾಡಿದ್ದರು. ಈ ವೇಳೆ ಮೈತ್ರಿ ಸರಕಾರದ ಬಗ್ಗೆ 'ಇಟಧಿಒa ಜಟvಠಿ' ಎಂದು ಉಲ್ಲೇಖಿಸಿದ್ದರು.

ಇದಕ್ಕೆ ಪ್ರತಿಕ್ರಿಯಿಸಿ ಟ್ವೀಟ್‌ ಮಾಡಿರುವ ಸಿದ್ದರಾಮಯ್ಯ, ''ಶಬ್ಧಗಳೊಂದಿಗೆ ಆಟವಾಡುವುದಷ್ಟೇ ನಿಮ್ಮ ನೀತಿ ನಿರೂಪಣೆ ಕೌಶಲವೆಂದು ತೋರಿಸಿ ಕೊಟ್ಟಿದ್ದೀರಿ. ಮೈತ್ರಿ ಬಗ್ಗೆ ನೀವು ಬಳಸಿದ ಭಾಷೆ ಬಗ್ಗೆ ಯೋಚಿಸಿ. ಕಡೆ ಪಕ್ಷ ಅಸಂಸದೀಯ ಪದ ಬಳಕೆ ನಿಲ್ಲಿಸಿ. ಈಗಾಗಲೇ ಅವಗಣನೆಗೆ ಒಳಗಾದವರ ಮನಸ್ಸಿಗೆ ಇದರಿಂದ ನೋವಾಗುತ್ತದೆ ಎಂಬುದನ್ನು ಅರ್ಥ ಮಾಡಿಕೊಳ್ಳಿ,'' ಎಂದು ಕಿವಿಮಾತು ಹೇಳಿದ್ದಾರೆ.