ಆ್ಯಪ್ನಗರ

ಸಿಎಂ ಆದವರು ಇಂತ ಹೇಳಿಕೆ ನೀಡ್ತಾರಾ? ಸದನದಲ್ಲಿ ಬಿಎಸ್‌ವೈ,ಈಶ್ವರಪ್ಪ,ಸಿದ್ದು ಜಟಾಪಟಿ

ಎರಡನೇ ದಿನದ ಅಧಿವೇಶನದಲ್ಲಿ ಪ್ರತಿಪಕ್ಷದ ನಾಯಕ ಸಿದ್ದರಾಮಯ್ಯ ಹಾಗೂ ಸಚಿವ ಕೆ.ಎಸ್ ಈಶ್ವರಪ್ಪ ನಡುವೆ ಮಾತಿನ ಜಟಾಪಟಿ ನಡೆಯಿತು. ಪ್ರವಾಹ ಪರಿಹಾರ ಹೇಳಿಕೆ ವಿಚಾರವಾಗಿ ಕೆಣಕಿದ ಸಿದ್ದರಾಮಯ್ಯ ಅವರನ್ನು ಈಶ್ವರಪ್ಪ ಏಕವಚನದಲ್ಲೇ ತರಾಟೆಗೆ ತೆಗೆದುಕೊಂಡರು.

Vijaya Karnataka Web 11 Oct 2019, 2:23 pm
ಬೆಂಗಳೂರು: ರಾಜ್ಯದ ಬೊಕ್ಕಸ ಬರಿದಾಗಿದೆ ಎಂಬ ಮುಖ್ಯಮಂತ್ರಿ ಬಿಎಸ್ ಯಡಿಯೂರಪ್ಪ ಅವರ ಹೇಳಿಕೆಯನ್ನು ಪ್ರತಿಪಕ್ಷದ ನಾಯಕ ಸಿದ್ದರಾಮಯ್ಯ ಸದನದಲ್ಲಿ ಖಂಡಿಸಿದ್ದಾರೆ. ಚರ್ಚೆಯ ಸಂದರ್ಭದಲ್ಲಿ ಈ ವಿಚಾರವನ್ನು ಪ್ರಸ್ತಾಪಿಸಿದ ಸಿದ್ದರಾಮಯ್ಯ, ಸಿಎಂ ಆಗಿರುವವರು ಇಂತಹ ಹೇಳಿಕೆ ನೀಡುತ್ತಾರಾ ಎಂದು ಪ್ರಶ್ನಿಸಿದರು.
Vijaya Karnataka Web session


ಮುಖ್ಯಮಂತ್ರಿಗಳು ಖಜಾನೆಯಲ್ಲಿ ಹಣ ಇಲ್ಲ ಅಂದಿದ್ದಾರೆ ಎಂದಾಗ ಎದ್ದು ನಿಂತ ಸಿಎಂ ಬಿಎಸ್‌ವೈ ನಾನು ಹಾಗೆ ಹೇಳಲಿಲ್ಲ ಎಂದು ಸಮಜಾಯಿಸಿ ನೀಡಿದರು. ಇದಕ್ಕೆ ಉತ್ತರಿಸಿದ ಸಿದ್ದರಾಮಯ್ಯ ಮಿಸ್ಟರ್ ಯಡಿಯೂರಪ್ಪ ಈ ಮಾತನ್ನು ನಾನು ಹೇಳಿದ್ದು ಅಲ್ಲ, ನೀವೇ ಹೇಳಿದ್ದು ಎಂದು ಕೆಣಕಿದರು.

ಮುಂದುವರಿದು, ಪ್ರವಾಹ ಪರಿಹಾರ ವಿಳಂಬ ಕುರಿತಾಗಿ ಪ್ರಧಾನಿ ಮೋದಿ ಟೀಕೆ ಮಾಡಬಾರದು ಎಂಬ ಸಂಸದ ಪ್ರತಾಪ್ ಸಿಂಹ ಹೇಳಿಕೆಯನ್ನು ಸದನದಲ್ಲಿ ಉಲ್ಲೇಖಿಸಿದ ಸಿದ್ದರಾಮಯ್ಯ, ಒಬ್ಬರು ಮೋದಿಗೆ ಉಗಿದರೆ ನಿಮಗೆ ತಿರುಗಿ ಬೀಳುತ್ತೆ ಅಂತಾರೆ, ಒಂದು ವರ್ಷ ಅಭಿವೃದ್ಧಿ ಕಾರ್ಯ ನಿಲ್ಲಿಸಿ ಸಂತ್ರಸ್ಥರ ಸಮಸ್ಯೆಯನ್ನು ಪರಿಹರಿಸಿ ಎಂದು ಸರಕಾರಕ್ಕೆ ಸಲಹೆ ಮಾಡಿದರು.

‘ಕೇಂದ್ರ ಕಡಿಮೆ ಪರಿಹಾರ ಕೊಟ್ಟಿದೆ ಎಂದು ನಾನು ಹೇಳಿಲ್ಲ’: ಮೋದಿ ಸರ್ಕಾರ ನಿಯಮ ಪಾಲಿಸಿದೆ ಎಂದ ಎಚ್ಡಿಕೆ

ಸ್ಪೀಕರ್ ವಿರುದ್ಧ ಸಿದ್ದರಾಮಯ್ಯ ಗರಂ

ಪ್ರವಾಹ ಸಂತ್ರಸ್ಥರ ವಿಚಾರದ ಬಗ್ಗೆ ಚರ್ಚೆಯ ಸಂದರ್ಭದಲ್ಲಿ ಚರ್ಚೆಯನ್ನು ಬೇಗನೆ ಮುಗಿಸಲು ಸ್ಪೀಕರ್ ವಿಶ್ವೇಶ್ವರ ಹೆಗಡೆ ಕಾಗೇರಿ ಸಿದ್ದರಾಮಯ್ಯ ಅವರಿಗೆ ಸೂಚನೆ ನೀಡಿದರು. ನಿಮ್ಮ ಚರ್ಚೆಗೆ ಸಾಕಷ್ಟು ಸಮಯ ಕೊಟ್ಟಿದ್ದೇನೆ ಬೇಗ ಮುಗಿಸಬೇಕು ಎಂದರು. ಈ ವೇಳೆ ಆಕ್ರೋಶಗೊಂಡ ಸಿದ್ದರಾಮಯ್ಯ, ನೀವೇನು ಸಮಯವನ್ನು ಭಿಕ್ಷೆ ಕೊಟ್ಟಿದ್ದೀರ ಎಂದು ಗರಂ ಆದರು. ಪ್ರಶ್ನೆ ಕೇಳಲು ನನಗೆ ಸಮಯದ ಮಿತಿ ಹೇರಬೇಡಿ, ಇದು ಗಂಭೀರ ವಿಚಾರ ನಾನು ಸಂಜೆಯವರೆಗೂ ಮಾತನಾಡುತ್ತೇನೆ ಇದಕ್ಕೆ ಅವಕಾಶ ಮಾಡಿ ಕೊಡಿ ಎಂದರು.

Live Updates: ಪರಮೇಶ್ವರ್ ನಿವಾಸ, ಆರ್‌.ಎಲ್‌. ಜಾಲಪ್ಪ ಆಸ್ಪತ್ರೆ ಮೇಲೆ ಮುಂದುವರಿದ ಐಟಿ ದಾಳಿ

ಸಿದ್ದರಾಮಯ್ಯ ವರ್ಸಸ್ ಈಶ್ವರಪ್ಪ ಜಟಾಪಟಿ

ಪ್ರವಾಹದಿಂದ ಶಾಲಾ ಮಕ್ಕಳಿಗೆ ಆಗುತ್ತಿರುವ ಸಮಸ್ಯೆಗಳ ಕುರಿತಾಗಿಯೂ ಸದನದಲ್ಲಿ ಪ್ರಸ್ತಾಪಿಸಿದ ಪ್ರತಿಪಕ್ಷದ ನಾಯಕ ಸಿದ್ದರಾಮಯ್ಯ, ನೆರೆ ಬಂದು ಶಾಲಾಮಕ್ಕಳ ಪುಸ್ತಕ ಕೊಚ್ಚಿಹೋಗಿವೆ, ಮಕ್ಕಳಿಗೆ ಓದಲು ಪಠ್ಯ ಪುಸ್ತಕಗಳೇ ಇಲ್ಲ. ಈ ಕುರಿತಾಗಿ ಮಾಧ್ಯಮಗಳಲ್ಲಿ ಸಮಗ್ರವಾಗಿ ವರದಿಗಳು ಪ್ರಸಾರವಾಗಿವೆ. ಶಿಕ್ಷಣ ಇಲಾಖೆ ಆಯುಕ್ತರು 15 ದಿನ ಪುಸ್ತಕ ಸಿಗಲ್ಲ ಅಂತಾರೆ, ಹಾಗಾದರೆ ಮಕ್ಕಳು ಹೇಗೆ ವಿದ್ಯಾಭ್ಯಾಸ ಮಾಡಬೇಕು ಎಂದು ಪ್ರಶ್ನಿಸಿದರು.

ಮಕ್ಕಳಿಗೆ ಪುಸ್ತಕ ಯಾವಾಗ ಸಿಗುತ್ತೋ ಗೊತ್ತಿಲ್ಲ ಎಂದ ಸಿದ್ದರಾಮಯ್ಯ, ಸರಕಾರದ ಸಚಿವರು ಒಂದೊಂದು ರೀತಿಯ ಹೇಳಿಕೆ ನೀಡ್ತಾರೆ. ಒಬ್ಬರು 10,000 ಸಾವಿರ ಕೊಡೋದೆ ಹೆಚ್ಚು ಅಂತಾರೆ ಎಂದು ಪರೋಕ್ಷವಾಗಿ ಸಚಿವ ಕೆ.ಎಸ್ ಈಶ್ವರಪ್ಪ ಕಾಲೆಳೆದರು. ಹಾಗಂದ ಮಂತ್ರಿ ಯಾರು ಎಂದು ತಮ್ಮ ಸದಸ್ಯರತ್ತ ತಿರುಗಿ ಸಿದ್ದರಾಮಯ್ಯ ಪ್ರಶ್ನಿಸಿದಾಗ ಕಾಂಗ್ರೆಸ್ ಸದಸ್ಯರು ಈಶ್ವರಪ್ಪ,ಈಶ್ವರಪ್ಪ ಎಂದು ಕೂಗಿದರು. ಬಳಿಕ ಹೋ, ಈಶ್ವರಪ್ಪನೇ ಆಗಂದಿದ್ದು ಎಂದು ನಟಿಸಿದ ಸಿದ್ದರಾಮಯ್ಯ ಹೇಳಿಕೆಯಿಂದ ಕೆಂಡಾಮಂಡಲರಾದ ಈಶ್ವರಪ್ಪ, ನಿನ್ನ ಜನ್ಮಕ್ಕೆ ಬೆಂಕಿ ಹಾಕ, ಸಿಎಂ ಆಗಿದ್ದಾಗ ಏನೇನು ಮಾಡ್ದೆ ಎಂದು ಸಿದ್ದರಾಮಯ್ಯ ವಿರುದ್ಧ ಏಕವಚನದಲ್ಲೇ ವಾಗ್ದಾಳಿ ನಡೆಸಿದರು.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ